2 PETRUS 3:16 - BIBEL JAMITA NA DENGGAN

¹⁶ Di sude suratnia i, sai dipaboa si Paulus do taringot tusi. Tutu nian, adong do piga-piga pangalaho na maol astuan di bagasan suratnia i. Jana angka halak na so togu haporsayaanna dohot na so angarti di surat ni si Paulus i, gabe dipabalik-balik halahi do na nisuratkon ni si Paulus i. Deba sian na tarsurat di Buku Na Badia i laing songon i do dibaen halahi. Pangalaho ni halahi do mambaen mago halahi.

2 PETRUS 3:16 ပူးပေါင်းရင်းမြစ်များ

PAMUNGKAAN 49:4

Songon aek magodang na marhusasak do ho, tapi nada ho be sipatujoloon. Angke didongani ho modom radingku. Dipahodar ho podoman ni amangmu.

1 RAJA-RAJA 10:1

Madung tarbege tu ratu na sian Seba taringot tu hagodangan ni si Salomo. Jadi ro ma ia tu Jerusalem laho manguji si Salomo markite-hite sapa-sapa na maol-maol.

MASMUR 56:5

Sasadari do susa au dibaen musu, na torus marniet laho mangago au.

HARURUAR 23:2

Ulang dohot-dohotan hamu di halak na bahat anggo na mambaen na sala do halahi sanga na mandok hasaksian na paegolkon na tigor.

HARURUAR 23:6

Ulang tabunihon mambaen na tigor tu halak na pogos muda ro ia mangaduhon parkaronia tu pangadilan.

JEREMIA 23:36

Nada tola be pakeon ni halahi pandohan ‘boban ni Tuhan’. Muda adong dope na mamake hata i, angkon baenonKu tonangKi gabe boban na tutu tusia. Madung dipabalik-balik halak Israel hata na Hudok, Au Debata ni halahi, Debata na mangolu, Tuhan Na Markuaso.

HABAKUK 1:4

I do umbaen nada margogo be uhum jana hatigoran nada unjung dihajongjongkon. Sumurung ma halak na jahat maradopkon halak na burju, jadi gabe diputar-balikkon ma hatigoran.

MATEUS 15:3

Dialusi Jesus ma, “Jadi muda hamu, biasi dilanggar hamu parenta ni Debata, hum hara ni na tunduk hamu mangoloi adat hasomalan ni ompungmunu?

MATEUS 15:6

hara ni i nada diwajibkon be pasangaponnia simatobangnia i. Hum hara ni adat hasomalan ni ompungmunu, gabe so mararga be hata ni Debata dibaen hamu.

MATEUS 22:29

Dialusi Jesus ma, “Lilu do hamu! I ma tandana na so diboto hamu Buku Na Badia i. Kuaso ni Debata pe inda diboto hamu.

PANGARATAION 16:19

Di na mambuat haputusan, nada tola halahi mambaen roha-rohana sanga na teleng sabola. Nada tola muse halahi manjagit sisip angke mambaen mapitung do angka silua, bope di halak na bisuk dohot na tigor, lopus gabe dibaen halahi haputusan na sala.

PILIPPI 3:19

Anggo ujungna angkon gabe sego do ngolu ni halak sisongon i, angke na martuhankon hagiot ni pamatangna sandiri do halahi. Angka pangalaho sihailahononkon, hape gabe i do na niargahon ni halahi; angke hum angka na mardomu tu tano on sajo do na nisarihonna.

IBRANI 5:11

Taringot tusi, bahat do sipaboaonnami tu hamu, tapi maol do pajojorkonsa hara ni lambatna anso mangarti hamu.

JAKOBUS 1:8

Anggo halak na mardua roha, nada tontu di bagasan sude pardalananna.

1 PETRUS 1:1

Sian si Petrus rasul ni Jesus Kristus, tu angka halak na ro, na marserak di Pontus, Galatia, Kapadokia, Asia dohot Bitinia, i ma angka halak na nipili,

1 PETRUS 2:8

Tartuktuk pe halahi, hara ni na so dioloi halahi do hata ni Debata. Songon i ma panontuhon ni Debata taringot tu halahi.

2 PETRUS 2:1

Najolo di tonga-tonga ni bangso ni Debata, ro do angka panurirang pargabus. Laing songon i muse do di tonga-tongamunu, marroan ma angka guru pargabus. Baritahonon ni halahi ma angka pangajaran na so tutu, na pasegohon. Jana diporso halahi do Parkuaso na dung marhancit laho paluahon halahi. Jadi na mangalap magona do halahi disi, na tibu mandondoni halahi sandiri.

2 PETRUS 2:14

Angke na so marnaloja do halahi mambaen dosa, jana mangaligi dadaboru ma giot ni halahi dohot mata na sai giot markamainan. Jana sanga ise na gale haporsayaanna, hona jorgong ma i baenon ni halahi. Madung somal roha ni halahi di angka hagiot na so denggan. Angka jolma na hona bura do halahi!

2 PETRUS 3:14

Hara ni i hamu angka dongan na nihaholongan, di na painte-intehon Ari i hamu, situtui hamu ma mangkarejohon anso ulang mardosa be hamu jana martihas di jolo ni Debata. Jana ulang so denggan pardomuanmunu tu Debata.

2 PETRUS 3:2

Husosoi hamu anso diingot hamu mangulahi angka hata na nidok ni angka panurirang ni Debata nahinan, dohot parenta ni Tuhan, Kristus na nipasahat tu hamu markite-hite angka rasul.

JUDAS 1:4

Angke madung adong masuk tu tonga-tonganta sian angka halak na so porsaya so sian pamotoanta. Dipabalik-balik halahi do jamita taringot tu asi ni roha ni Tuhanta i, anso tarbaen halahi patuluskon angka parange ni halahi na so ture. Jana na so ra do halahi mangoku paboa Jesus Kristus do Parkuaso dohot Tuhanta na sasada i. Mamungka sian nahinan madung dipaboa hian di Buku Na Badia i uhuman na tu halahi.