2 PETRUS 3:14 - BIBEL JAMITA NA DENGGAN

¹⁴ Hara ni i hamu angka dongan na nihaholongan, di na painte-intehon Ari i hamu, situtui hamu ma mangkarejohon anso ulang mardosa be hamu jana martihas di jolo ni Debata. Jana ulang so denggan pardomuanmunu tu Debata.

2 PETRUS 3:14 ပူးပေါင်းရင်းမြစ်များ

MATEUS 24:26

Muda didok halak tu hamu, ‘Ligi hamu ma, disadu do Ia di halongonan an!’ Ulang hamu kehe tusi. Sanga pe muda didok halahi, ‘Beta ma taligi, martabuni do Ia dison!’ Ulang haporsayai.

MATEUS 25:7

Ngot ma bujing-bujing na sampulu i marsipagara lampuna be.

LUKAS 12:43

Martua ma antong naposo na patulus karejona didapot tuanna na baru ro i.

LUKAS 2:29

“Saonnari ma o Tuhan dipatulus Ho baga-bagaMu. Padiar ma mate naposoMon di bagasan sonang.

1 KORINTUS 1:8

Patoguon ni Kristus do rohamunu lopus tu ujungna, jadi muda ro Ia mangulahi, nada adong be na martihas di hamu.

1 KORINTUS 15:58

Hara ni i hamu ale angka dongan na nihaholongan, sai togu ma hamu jana hot. Marsitutu ma markarejo di Tuhan, angke diboto hamu do, sude na nikarejohonmunu di Tuhan, nada sayang boti sudena i.

PILIPPI 1:10

anso malo hamu mamili na dumenggan. Muda songon i do hamu, ias ma ngolumunu sian tihas dohot tilako sanga aha pe di haroro ni ari ni Kristus mangulahi.

PILIPPI 2:15

Di na songon i, patuduhon hamu ma paboa na tutu hamu dakdanak ni Debata, na so martilako, na bulus jana bonar di tonga-tonga ni angka halak na jahat dohot na mardosa. Jana di na palaluhon jamita taringot tu hangoluan i hamu tu halahi, angkon gabe songon sinondang na manorangi portibi on do hamu maradopkon halahi. Muda songon i ngolumunu, gabe adong ma dalan di au saulahon laho mamuji diringku hara ni hamu, di haroro ni Jesus Kristus mangulahi. I ma tandana, na so sayang boti parjuanganki jana marhasil do halolojangki.

PILIPPI 3:20

Tapi anggo hita rayat ni banua ginjang do. Laing sian i muse ma ro Tuhan Jesus Kristus Sipalua i. Ia do na sai tapainte-inte i mardongan lungun ni roha.

1 TESSALONIKA 3:13

Jadi muda songon i, tarbaen Tuhan ma patoguhon rohamunu, anso gabe badia hamu jana nada adong sigorahonon di adopan ni Debata Amanta, di haroro ni Tuhanta Jesus rap dohot sudena halak na gabe nampunaNia.

1 TESSALONIKA 5:23

Debata pardame i ma paiaskon hamu sasudena, dipaburju Ia ma hamu anso hum tuSia sajo ngolumunu. Sai dijagohon Debata ma nian hamu sudena, di tondi, di roha bope pamatangmunu, anso ulang targora lopus tu ari haroro ni Tuhanta Jesus Kristus mangulahi.

1 TIMOTEUS 6:14

Patulus ma sude na hutonahon i tu ho sian roha na ias jana ulang targora, lopus tu haroro ni Tuhanta Jesus Kristus mangulahi.

IBRANI 9:28

Laing songon i do Kristus i, hum sanoli sajo do Ia nihaulkon songon haul laho manyesa dosa ni bahat halak. Ro dope Ia nian paduanolihon tapi nada mamorsan dosa be; na giot paluahon angka jolma na paintehon haroroNia noma.

JAKOBUS 1:27

Haburjuon marugamo na ias jana na so martihas diadopan ni Debata Amanta, on do: Manyarihon na so marama so marina dohot angka na mabalu na mardangol; dohot na manjagohon dirina sandiri anso ulang sego dibaen portibi on.

1 PETRUS 1:7

Sudena i na laho patandahon haporsayaanmunu do tu Tuhan, paboa na tutu do haporsayaanmunu i sanga nada. Sere na ra sego pe angkon laing tutungon do i tu api. Dao dope ummarga haporsayaanmunu i ulang pado sere, jadi angkon laing diuji dope i anso gabe pita. Jadi gabe pujion ma hamu jana pasangapon bope dipatuginjang di haroro ni Jesus Kristus mangulahi tu tano on.

2 PETRUS 3:1

Hamu angka dongan na nihaholongan! On ma suratku na paduahon tu hamu. Di suratki na dua i, giot sunggulanku do rohamunu na denggan i.

2 PETRUS 3:16

Di sude suratnia i, sai dipaboa si Paulus do taringot tusi. Tutu nian, adong do piga-piga pangalaho na maol astuan di bagasan suratnia i. Jana angka halak na so togu haporsayaanna dohot na so angarti di surat ni si Paulus i, gabe dipabalik-balik halahi do na nisuratkon ni si Paulus i. Deba sian na tarsurat di Buku Na Badia i laing songon i do dibaen halahi. Pangalaho ni halahi do mambaen mago halahi.

1 JOHANNES 3:3

Sude halak na mararop ni roha tuSia, dipaias ia ma dirina songon Ia na badia i.