2 PETRUS 3:13 - BIBEL JAMITA NA DENGGAN

¹³ Tapi na painte-intehon na nijanjihon ni Debata do hita, i ma langit na imbaru dohot tano na imbaru. Disi ma dapot na tigor salolot-lolotna.

2 PETRUS 3:13 ပူးပေါင်းရင်းမြစ်များ

JESAYA 60:21

Tigor noma angka na mangingani ho di tindakanna, jana halahi nampuna luat i salolot-lolotna. Songon hayu cangkokan na Husuan sandiri do halahi, anso torang tarida hagodanganKu.

JESAYA 65:17

Didok Tuhan: “TompaonKu ma langit na imbaru dohot tano na imbaru, angka na masa na salpu dihalupahon noma i, jana nada ingoton be.

JESAYA 65:25

Rap manjampal ma sorigala dohot anak ni biri-biri, singa pe mangan durame songon lombu, jana ulok pe mangolu sian abu. Di sude dolokKu Na Badia i nada adong be na mangarugi i, sanga mambaen na jahat,” ninna Tuhan.

JESAYA 66:22

Songon langit dohot tano na imbaru na Hutompa i martahan hara ni kuasongKu, songon i ma laing martahan pomparanmu dohot goarmu.

SURAT NI SI PAULUS TU PARLAGUTAN ROM 8:21

Di sada hatiha paluaon do na nitompa on sian kuaso na manyegohonsa jana laing dohot do paluaon bope pasangapon rap dohot angka dakdanak ni Debata.

2 PETRUS 1:4

Songon i ma dalanna dibaen Debata mangalehen tu hita angka pasupasu na godang jana na arga na dung nijanjihonNia hian. Hara ni angka pasupasu i tarbaen ma hamu malua sian angka hagiot na jat na adong di portibi on, jana maruli ma hamu di angka bako ni Debata.

HALUMBAAN 21:1

Jadi huida ma sada langit na imbaru dohot tano na imbaru. Mago ma langit na parjolo dohot tano na parjolo i jana laut pe, mago ma.

HALUMBAAN 21:27

Tapi sanga ise halak na mangkarejohon angka pangalaho sihailahononkon, dohot angka pargabus, nada dipatola masuk tu bagasan – pendekna sandok na hodar, nada tola dioban masuk tu bagasan. Anggo na dipatola masuk tu bagasan, hum angka halak na tarsurat do goarna di bagasan buku hangoluan ni Anak Ni Biri-biri i.