2 PETRUS 3:12 - BIBEL JAMITA NA DENGGAN

¹² salolot painte-intehon jana na patibuhon haroro ni Ari Ni Debata i hamu. Abis ma mosok sudena di Ari i sandok langit i, jana hara ni milasna gabe malala ma gabe songon aek sandok na adong di langit i.

2 PETRUS 3:12 ပူးပေါင်းရင်းမြစ်များ

MASMUR 50:3

Na ro ma Debatanta, nada be so sajo Ia, dijoloani api na marjilam-jilam do Ia, jana dihaliangi habahaba na gogo.

JESAYA 24:19

Marotak ma tano, maropuk jana humutur.

JESAYA 34:4

Maropuk ma mataniari, bulan dohot angka bintang gabe abu, dibalun ma langit songon na mambalun karotes, jana mangkadampuk ma angka bintang i songon pardampuk ni angka bulung sian hayu anggur sanga hayu ara.

MIKA 1:4

Malala do angka dolok di toru ni patNia tudos tu lilin di bagasan api na gara; madencur angka dolok i lalu tu rura, songon aek di tor na marsasak tu lombang.

MATEUS 16:27

Ro ne ma Anak Ni Jolma i, mardongan hasangapan ni AmangNia rap dohot angka surusuruanNia. Anggo disi, baloskononNia ma tu ganop jolma hombar tu pambaenan ni halahi be.

MATEUS 16:28

Hudok ma tu hamu: Sasintongna sian tonga-tongamunu na adong dison, adong do na so giot mate anggo so jolo diida ia Anak Ni Jolma i ro songon raja di bagasan harajaanNia.”

PILIPPI 1:6

Debata sandiri do na mamungka karejo na denggan i di tonga-tongamunu. Jana pos do rohangku toruskononNia karejo i lopus tu ari haroro ni Kristus Jesus mangulahi.

TITUS 2:13

Saonnari na painte-intehon Ari na niarop ni rohanta i do hita. Anggo di Ari i, idaon ni portibi on ma hasangapan ni Jesus Kristus, i ma Debata Na Gumodang i jana Jesus Kristus Sipalua hita.

2 PETRUS 3:10

Tapi anggo Ari haroro ni Tuhan na padua nolihon i, songon haroro ni panangko do i. Anggo di Ari i mago ma langit mardongan sora na gogo, jana mosok ma sude angka na adong di langit jana mago muse ma tano on dohot sude isina.

2 PETRUS 3:11

Antong, anggo na giot segohonon do sudena i, angkon gabe na badia ma ngolumunu jana marpangoloion tu Debata,

2 PETRUS 3:4

dokkonon ni halahi ma songon on, “Di dia do janji taringot tu haroroNia i? Madung pola marmatean angka ompunta, hape laing songon-songon i sajo do sandok na adong mamungka sian mula ni tano on!”

2 PETRUS 3:7

Tapi anggo langit dohot tano na saonnari on, i ma na giot abiskonon dohot api saulahon, dipauli-uli Debata dope i laing markite-hite hataNia anso nisimpan lopus dapot hatihana niuhuman jana nimatehon sudena angka jolma na so porsaya tu Debata.

JUDAS 1:21

jana sai mardongan holong na sian Debata ma hamu mardalan di ngolu on salolot mararop ni roha hamu di asi ni roha ni Tuhanta Jesus Kristus na giot mangalehen ngolu na manongtong di hamu.