2 PETRUS 2:7 - BIBEL JAMITA NA DENGGAN

⁷ Tapi dipalua do anggo si Lot, hara ni na niihutkonnia hagiot ni Debata jana ia pe na dung sun ma marsaknia dibaen parange ni angka jolma na so ra mangihutkon angka parenta ni Debata.

2 PETRUS 2:7 ပူးပေါင်းရင်းမြစ်များ

PAMUNGKAAN 13:13

Na jahat do halak Sodom jana mardosa maradopkon Tuhan.

PAMUNGKAAN 19:16

Ganggu dope si Lot. Tapi ibo ma roha ni Tuhan mida ia; jadi gabe ditogu tamu na dua i ma si Lot dohot daborunia dohot borunia na dua i, dioban ma halahi tu ruar ni kota i.

PAMUNGKAAN 19:22

Ompoti ma marlojong! Nada tarbaen au bagi aha anggo so lalu ho tusi.” Hara ni na nidok ni si Lot kota i menek, gabe Zoar ma goar ni kota i.

PAMUNGKAAN 19:29

Songon i ma di na niabiskon ni Debata angka kota na di rura na niinganan ni si Lot i, diingot Debata do si Abraham jana ditolong Ia do si Lot paluahon dirina.

PAMUNGKAAN 19:5

Pio-pio ma halahi tu si Lot jana disapai halahi ma, “Ma di dia halak na ro i na giot marborngin di bagasmon? Pasahat ma da tu hami anso hami pardadaboru halahi.”

MASMUR 120:5

Marjaya ma au on hara ni na rap au dohot hamu; nada imbarna songon na maringanan di Mesek, sanga di tonga-tonga ni halak Kedar.

JEREMIA 23:9

On ma tonangku taringot tu angka panurirang: Magopu ate-atengku jana humitir au, hara ni Tuhan dohot hataNa na badia i mambaen au gabe songon halak na mabuk na minum anggur mabahattu.

1 KORINTUS 10:13

Sanga aha pe cobaan na nibolusmunu, cobaan na somal dialami jolma dope i. Tapi anggo Debata burju do marningot janjiNa. Nada pola dipadiar Ia hamu dicoba lobi sian na tolap gogomunu. Muda hatiha ro cobaan tu hamu, lehenonNia do dalan di hamu anso tahan hamu manaon cobaan i.

2 PETRUS 2:18

Sian angka pangkobarion ni halahi na mardongan lancap jana na rumar i dipake halahi ma hagiot na jat laho mangaronjomkon halak sanga ise na baru malua sian angka na mardalan dihaliluon di ngoluna.

2 PETRUS 2:2

Haru pe songon i laing bahat do halak na mangihutkon parngoluon ni angka guru pargabus na nirajaan ni angka hagiot na so denggan i. Jana parange ni angka guru pargabus i ma na mambaen gabe bahat halak pabilehon Dalan Na Tigor i na nilehen ni Debata.

2 PETRUS 3:17

Tapi anggo hamu angka dongan na nihaholongan, madung diboto hamu taringot tusi. Hara ni i, jonggor ma hamu, anso ulang jabat tarela-ela hamu tu haliluon ni angka halak na so mananda parenta ni Debata, anso ulang madabu hamu sian ojahanmunu i.

JUDAS 1:4

Angke madung adong masuk tu tonga-tonganta sian angka halak na so porsaya so sian pamotoanta. Dipabalik-balik halahi do jamita taringot tu asi ni roha ni Tuhanta i, anso tarbaen halahi patuluskon angka parange ni halahi na so ture. Jana na so ra do halahi mangoku paboa Jesus Kristus do Parkuaso dohot Tuhanta na sasada i. Mamungka sian nahinan madung dipaboa hian di Buku Na Badia i uhuman na tu halahi.