2 PETRUS 2:5 - BIBEL JAMITA NA DENGGAN

⁵ Songon i muse do dohot tu portibi nahinan; nada patolaon ni Debata malua sian uhuman. Disuru Debata do aek na oto tu portibi on na niinganan ni angka jolma na so ra porsaya tu Debata di hatiha i. Hum si Noak rap dohot sipitu halak nari sajo ma na malua, hara ni na nipaboania barita taringot tu ngolu na tumbuk di roha ni Debata.

2 PETRUS 2:5 ပူးပေါင်းရင်းမြစ်များ

PAMUNGKAAN 6:17

ParoonKu ma aek na oto di tano on laho mamatehon sanga aha na mangolu, sude na di tano on angkon mate,

PAMUNGKAAN 6:9

On ma barita ni si Noak. Adong do tolu anaknia, i ma si Sem, si Ham dohot si Jafet. Nada adong sala ni si Noak, jana hum sasada ia ma jolma na burju di hatihania i. Marpardonganan dohot Debata do ia di ngolunia.

JEHESKIEL 26:20

Dung i Hutongos ma ho tu inganan ni na mate anso mardomu ho disi dohot jolma na sian sinarobian. Hupadiar ho manongtong di inganan ni jolma na mate i, di tonga-tonga ni hasesego na mamanjang, rap dohot halak na mate i. Gabe nada siinganan be tanomi, jana nada goaron be ho di tonga-tonga ni jolma na mangolu.

IBRANI 11:7

Hara ni na porsaya, gabe dijagit si Noak do barita na nilehen ni Debata tusia taringot tu angka na giot masa muse, na so haidaan dope tanda-tandana. Laing hara ni i muse ma, gabe dioloi si Noak Debata, gabe dipauli ia sada parau na paluahon ia muse rap dohot pangisi ni bagasnia. Jadi gabe dipasala ma portibi on, hape anggo si Noak sandiri didok Debata ma gabe halak na burju hara ni haporsayaannia.

2 PETRUS 3:6

jana laing dohot aek i muse, diabiskon Debata portibi si narobi i, i ma dohot aek na oto.