2 PETRUS 2:4 - BIBEL JAMITA NA DENGGAN

⁴ Haru angka surusuruan na mardosa pe nada dipatola Debata malua sian uhuman, tapi ambungkonon do i tu narako. Pamasuhon do halahi tu inganan na golap anso tarhurung disi lopus tu Ari Paruhuman.

2 PETRUS 2:4 ပူးပေါင်းရင်းမြစ်များ

JOB 21:30

Pandok ni halahi, ‘Di ari pandabu ni Debata di uhuman i, angka parjahat paluaon ma disi.’

JOB 4:18

Salangkan angka naposo ni Debata di banua ginjang, so na haposan i diSia. Di angka surusuruanNia pe, tardapot Ia do marsala jana na lipe.

MASMUR 78:50

Dipadiar Ia murukNia manggilap jana dipangabis halahi marhite nyae na mangalangkoti.

JESAYA 14:12

O ale raja Babel, najolo bintang sidongdong na sumirlak do ho, hape saonnari ma pola madabu sian langit! Najolo ditaluhon ho do angka bangso, hape saonnari diompaskon ho tu tano.

JEHESKIEL 5:11

Dibaen i, songon sintongna mangolu Au, ninna Tuhan Debata: Hara ni na dung dipahodar ho inganan na badiangKu marhite sude pambaenanmu na jahat jana sihagigian i, roncohononKu ma ho nada adong ampunna.

JEHESKIEL 7:4

Nada pakeonKu ibo ni roha sanga lehenonKu ampunan tu ho. UhumanKu noma ho hombar tu sandok hajorbutan na nibaenmu. Jadi gabe botoonmu ma bahaso Au do Tuhan.”

JEHESKIEL 7:9

Nada ibo rohangKu sanga ampunanKu hamu. Giot uhumanKu hamu hombar tu sude hajorbutan na nibaenmunu i. Jadi gabe botoonmunu ma bahaso Au do Tuhan jana Au do na manguhumi hamu.”

MATEUS 25:41

Dung i didok Raja i ma tu halak na di siambirangNia i, ‘Morot ma hamu sian on, hamu angka na hona bura! Masuk ma hamu tu api na so ra mintop na niparade di Sibolis dohot di angka surusuruanna!

MATEUS 8:29

Jadi marsurak ma halahi na dua ninna halahi ma, “O, Anak Ni Debata, na giot bia do baenonMu hami? Betak na giot siksaonMu ma hami? Na he nada dope dapot hatihana?”

MARKUS 5:7

Gogo ma didokkon ia, “Jesus, Anak Ni Debata Na Gumincat! Na giot mambaen bia do Ho tu au? Mangasahon Debata, mangido au, ulang ma parkanciti au!” (

LUKAS 10:18

Dialusi Jesus ma, “Huida do madabu Sibolis sian langit songon hilap.

LUKAS 8:31

Gomos ma dipangido angka tondi na jahat i, anso ulang dipaisir Jesus halahi tu banua toru.

JOHANNES 8:44

Angka anak ni Sibolis do hamu. Jadi hagiot ni amangmunu do na nijalahanmunu. Sian mula-mulana do Sibolis i sibunu jolma. Nada mangolu dibagasan hatutuan ia, harana nada adong disia hatutuan. Pargabus do Sibolis, angke songon i hian do bako ni i. Tutu do pargabus Sibolis i, ia do ama ni sandok gabus.

SURAT NI SI PAULUS TU PARLAGUTAN ROM 11:21

Dibaen muda nada di haholongi Debata angka dangka na humani i, Ia pe nada mangkaholongi ho!

SURAT NI SI PAULUS TU PARLAGUTAN ROM 8:32

Ia na so mangolani anakNia sandiri, tapi dipasahat Ia do anakNa i hara ni hita sude; nada he lehenonNia muse tu hita sasudena na asing i rap dohot AnakNa i?

PANGARATAION 29:20

Nada ra Tuhan mangampuni jolma na songon i. Tapi rimas ni Tuhan na marpiar-piar do manutung halakna i jana ampe ma sude parmaraan na tarsurat di bagasan buku on tusia, lopus abis ia baenon ni Tuhan.

2 PETRUS 2:11

Haru angka surusuruan na gumogo jana na umbahat i kuasona ulang guru-guru pargabus i, nada dituhas halahi angka mahluk na sangap na di banua ginjang i di jolo ni Tuhan.

2 PETRUS 2:5

Songon i muse do dohot tu portibi nahinan; nada patolaon ni Debata malua sian uhuman. Disuru Debata do aek na oto tu portibi on na niinganan ni angka jolma na so ra porsaya tu Debata di hatiha i. Hum si Noak rap dohot sipitu halak nari sajo ma na malua, hara ni na nipaboania barita taringot tu ngolu na tumbuk di roha ni Debata.

2 PETRUS 2:9

Jadi anggo taringot tu angka halak na mangihutkon hagiot ni Tuhan, diboto Tuhan do sanga na bia dalanna baenonNia laho paluahon halahi sian angka ujian na masa tu halahi. Jana taringot tu angka jolma na jahat pe, diboto Tuhan do manabunihon halahi anso hona siksa di Ari Paruhuman,

1 JOHANNES 3:8

Tapi sanga ise halak na sai torus mambaen dosa, anak ni Sibolis do i, angke na sai mardosa do Sibolis i sian mula ni mulana. Na giot manyegohon karejo ni Sibolis i do umbaen na ro Anak Ni Debata tu portibi on.

JUDAS 1:13

Laing tarsongon ombak ni laut na margubo-gubo, laing songon i ma halahi paila-ilahon markite-hite angka parange ni halahi. Songon angka binatang na mardalan di ramba i do halahi jana na dung diparade Debata do inganan di halahi salolot-lolotna di hagolapan na jumorbut.

JUDAS 1:6

Laing ingot hamu ma angka surusuruan na so mangargahon jabatan ni halahi, na gabe kehe halahi manadingkon ingananna. Dipasung Debata do angka surusuruan i dohot hayu na so ra sego salolot-lolotna, di inganan na golap situtu. Torus ma halahi disi ditahan lopus nidabu uhum tu halahi di Ari na godang i.

HALUMBAAN 20:10

Dung i didanggurkon ma Sibolis na paoto-otohon halahi i tu bagasan api na marcampur dohot barerang. Disi do inganan ni binatang i dohot panurirang pargabus na nibuang najolo i. Diparkanciti ma halahi disi arian na borngin nada marnamantak ro di salolot-lolotna.