2 PETRUS 2:20 - BIBEL JAMITA NA DENGGAN

²⁰ Muda dung ditanda sanga ise Tuhan i dohot Sipaluanta, Jesus Kristus i, jana hara ni i madung malua ia sian angka na marpardomuan tu portibi on na manyegohon parange ni jolma, hape tarjorat muse ia mangulahi jana ditaluhon angka pangalaho ni portibi on, ujungna gabe jumatjat dope na masa tusia ulang pado na parjolo i.

2 PETRUS 2:20 ပူးပေါင်းရင်းမြစ်များ

JEHESKIEL 33:13

Bolas jadi do na dung Hujanjihon laho paluahon halak na burju i, tapi anggo dipungka ia do mambaen dosa jana diarop rohania giot paluaonKu ia hara ni hadengganannia na salpu i, sala do ia disi. Nada paingot-ingotonKu be hadengganan na dung unjung dibaen ia jana mate noma ia hara ni angka dosania i.

HAMALIMON 13:20

anso dipareso. Muda umbagas do tihas i sian sibuk na humaliang i, bope imbulu na disi madung bontar, dohonon ni malim ma na ramun halahi. Baro i ma boncir ni nyae huliton na gabe parmaraan.

HAMALIMON 13:55

Dung i dipareso malim mangulahi. Muda so muba tompa ni lapuk i haru pe nada manamba, na ramun do barang i, hara ni i angkon nitutung do i, nada marimbar haru sabola sian pudi sanga sian jolo na lapuhon i.

HAMALIMON 14:43

Muda ro mangulahi na lapuhon i, haru pe na dung diambungkon angka batu i, jana dingding tembok madung dihois jana dilepo mangulahi,

BILANGAN 24:20

Dung i hatiha marbuka parnidaan ni si Bileam diida ia ma halak Amalek, dung i didok ia ma ulpuhannia songon on, “Sian sude bangso di tano on, Amalek do na gumodang hakuasoon. Tapi bangso on pe di ujungna, angkon mago muse sapanjangna.”

PANGARATAION 32:29

Nada diastuisa biasi talu halahi; nada mamoto sude na masa i.

PILIPPI 3:19

Anggo ujungna angkon gabe sego do ngolu ni halak sisongon i, angke na martuhankon hagiot ni pamatangna sandiri do halahi. Angka pangalaho sihailahononkon, hape gabe i do na niargahon ni halahi; angke hum angka na mardomu tu tano on sajo do na nisarihonna.

2 TIMOTEUS 2:4

Muda sada tentara na topet mardinas nada tola baenonna urusanna sandiri, angke por do rohania laho pasonangkon roha ni komandanna i.

JAKOBUS 1:27

Haburjuon marugamo na ias jana na so martihas diadopan ni Debata Amanta, on do: Manyarihon na so marama so marina dohot angka na mabalu na mardangol; dohot na manjagohon dirina sandiri anso ulang sego dibaen portibi on.

2 PETRUS 1:11

Jadi muda songon i, lehenonNa ma di hamu hak na gok anso gabe anggota ni Harajaan Na Manongtong, i ma Harajaan Ni Tuhan dohot Sipalua hita, i ma Jesus Kristus na mamarenta salolot ni lolotna.

2 PETRUS 1:2

Mur martamba ma di hamu asi ni roha dohot hasonangan markite-hite parbinotoan taringot tu Debata dohot Tuhanta Jesus.

2 PETRUS 1:3

Dipio Debata do hita anso dohot hita mangkilalahon hagodanganNa dohot mandai hadengganan ni rohaNia. Mardongan kuasoNia sandiri bope sian na taboto taringot tuSia sandiri, dilehen Debata na mamiohon hita i do tu hita sanga aha na porlu anso mangolu hita songon halak na maribadat tu Debata.

2 PETRUS 1:4

Songon i ma dalanna dibaen Debata mangalehen tu hita angka pasupasu na godang jana na arga na dung nijanjihonNia hian. Hara ni angka pasupasu i tarbaen ma hamu malua sian angka hagiot na jat na adong di portibi on, jana maruli ma hamu di angka bako ni Debata.

2 PETRUS 1:8

Angka pangalaho na songon i ma na porlu di hamu. Muda tibu magodang angka bako na songon i di dirimunu, gabe mur marjop ni roha ma hamu jana mur marguna mamake parbinotoanmunu taringot tu Jesus Kristus Tuhanta i.

2 PETRUS 2:18

Sian angka pangkobarion ni halahi na mardongan lancap jana na rumar i dipake halahi ma hagiot na jat laho mangaronjomkon halak sanga ise na baru malua sian angka na mardalan dihaliluon di ngoluna.

2 PETRUS 3:18

Sai mur pangkilalahon hamu ma hadengganan ni roha ni Tuhan, Sipaluanta i, i ma Jesus Kristus, jana sai mur tangkas ma nian ditanda hamu Ia. Tarpuji ma Ia saonnari bope ro di salolot-lolotna. Amen.