2 PETRUS 2:2 - BIBEL JAMITA NA DENGGAN

² Haru pe songon i laing bahat do halak na mangihutkon parngoluon ni angka guru pargabus na nirajaan ni angka hagiot na so denggan i. Jana parange ni angka guru pargabus i ma na mambaen gabe bahat halak pabilehon Dalan Na Tigor i na nilehen ni Debata.

2 PETRUS 2:2 ပူးပေါင်းရင်းမြစ်များ

PAMUNGKAAN 19:5

Pio-pio ma halahi tu si Lot jana disapai halahi ma, “Ma di dia halak na ro i na giot marborngin di bagasmon? Pasahat ma da tu hami anso hami pardadaboru halahi.”

MASMUR 18:21

Madung hupatulus parenta ni Tuhan, jana nada jungada marbalik au sian Debatangku.

JESAYA 35:8

Gabe adong ma disi dalan godang, goarna “Dalan na tu hangoluan.” Nada boluson ni pardosa sian i, na bodo nada ihutkononna sian i.

JEREMIA 6:16

Didok Tuhan ma tu bangsoNia, “Jongjong ma hamu di angka sirpang ni dalan, jana tangkas pamanat hamu! Sapai hamu ma angka dalan narobi, jana dia na dumenggan sian i. Ihutkon hamu ma dalan i, anso sonang hamu di ngolu on.” Hape didok halahi do, “Nada ra hami mangihutkon dalan i!”

MATEUS 22:16

Disuruhon halahi ma angka anak sisean ni halahi rap dohot piga-piga halak anggota ni si Herodes. Jadi disuru dokkon halahi ma tu halak na nisuruhon ni halahi i mandok tu Jesus songon on, “Hami boto halak na tigor roha do Guru i. Marsitangkas do diajarkon Ho hagiot ni Debata tu jolma. Nada mabiar Ho sanga na tu ise pe halakna. Angke antong inda siida bohi Ho.

MATEUS 24:24

Harana, marroan do disi angka kristus pargabus dohot angka panurirang pargabus. Patupaon ni halahi ma angka pambaenan na luar biasa dohot angka na pahomang roha laho paoto-otohon halak. Sugari tarbaensa, dohot bangso ni Debata i pe giot paoto-otoon ni halahi muse do.

MATEUS 7:14

Tapi anggo pintu na sompit dohot dalan na hohot i, i ma pamolusan ni halak tu hangoluan. Hum saotik sajo do halak na dapotan i.”

MARKUS 12:14

Didapotkon halahi ma Jesus. Didok halahi ma, “Guru, hami boto do, halak na tigor do Ho. Nada parduli Ho sanga na bia pikiran ni halak tu Ho. Hum na marojahan tu hasintongan do diajarkon Ho, taringot tu sanga aha hagiot ni Debata. Harana inda meol-eol rohaMu sanga na bia pe didok halak. Antong, paboa ma jolo tu hami, ‘Muda tagarar pajakta tu Kesar ni halak Rom, sala dehe i tu ugamonta sanga nada? Angkon gararonta dehe pajak i sanga nada?’ ”

MARKUS 13:22

Harana marroan do angka kristus pargabus dohot angka panurirang pargabus. Baenon ni halahi ma angka tanda hahomangan dohot angka na ganjil-ganjil laho paoto-otohon angka halak ni Debata. Salang sugari tarbaen dohot tu angka na ditodo i dope.

JOHANNES 14:6

Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

BAENON NI ANGKA RASUL 13:10

didok ia ma, “O anak ni Sibolis! Ho ma musu ni sude na denggan. Biasi dope laing so ra mantak ho manyego-nyego Dalan Ni Tuhan na tigor i?

BAENON NI ANGKA RASUL 14:2

Tapi dijajang halak Jahudi na so ra porsaya i ma angka bangso na asing na so Jahudi i, anso goyak roha ni halahi mida angka na porsaya i tu Jesus.

BAENON NI ANGKA RASUL 16:17

Sai dipaihut-ihut anak boru i ma si Paulus dohot hami, marsurahi ma ia, “Naposo ni Debata na gumogo i do halak on! Ro pe halahi, na giot paboahon dalan haluaan do tu hamu ale angka dongan!” ning ia.

BAENON NI ANGKA RASUL 18:26

Puluk sajo do ia mangkobari di bagas paribadatan i. Jadi dung dibege si Priskila dohot si Akuila pangajarannia i dioban halahi ma ia tu bagas. Dipaboa halahi ma tumangkas tusia taringot tu Dalan Ni Tuhan.

BAENON NI ANGKA RASUL 19:9

Tapi adong do deba sian halahi sijogal roha na so ra porsaya. Dijolo ni halak na bahat i diincahi halahi ma pangajaran taringot tu na giot paluaon ni Debata sude jolma markite-hite Jesus. Jadi gabe ditadingkon si Paulus ma halahi, kehe ma ia rap dohot angka sisean ni Jesus tu sikola Tiranus. Disi ma ia ganop ari marsipatangkasan dohot halak.

BAENON NI ANGKA RASUL 22:4

Huparkanciti do lopus mate angka na mangihutkon Dalan Ni Tuhan. Nada marimbar halaklahi sanga dadaboru, hutangkupi do sude sanga ise halak na mangihutkon poda i jana hupahurungkon.

BAENON NI ANGKA RASUL 24:14

Tapi angkon okuonku do tu tuan i, paboa na husomba do Debata ni angka ompungnami hombar tu Dalan Ni Tuhan, i ma na sala dietong roha ni halahi. Hape nian laing huhaporsayai do sudena na tarsurat di Buku Ni si Musa dohot di Buku Ni angka Panurirang.

SURAT NI SI PAULUS TU PARLAGUTAN ROM 2:24

Songon na tarsurat, “Hara ni hamu do umbaen na marlayas goar ni Debata di tonga-tonga ni angka bangso na asing.”

1 TIMOTEUS 5:14

Hara ni i ma dibaen na dumenggan hudok marbagas mangulahi angka na mabalu na poso dope. Denggan ma i mardakdanak halahi dohot na mangurus rumahtanggana anso ulang adong tarbaen angka musunta i dalan pajatjat-jatjatkon goarta.

TITUS 2:5

anso malo mangarajai dirina, anso ias dohot anso gabe ina na denggan di rumahtanggana na mangoloi tu halaklahina. Jadi muda songon i, nada tarincahi halak be jamita na sian Debata.

TITUS 2:8

Angka pandohan na tabo ma pake, na so tarincahi halak, anso maila angka halak na mangalo ho angke sada pe nada adong na hurang denggan dapot halahi sihataanna taringot tu hita.

1 PETRUS 2:12

Angkon denggan do pangalahomunu di tonga-tonga ni angka halak na so porsaya tu Kristus, jadi haru pe diincahi halahi hamu songon halak na jahat, gabe idaon ni halahi ma angka pambaenanmunu na denggan i, jana gabe pujion ni halahi ma Debata di haroro ni Debata tu portibi on.

2 PETRUS 2:12

Hape anggo angka guru pargabus i, songon binatang na so marakal do halahi, na tubu sian bakona, anso nitangkup jana nisambol. Inda marpikir halahi; na nionjar ni bakona sajo do na nibaen ni halahi, gabe incak-incak sajo ma didok halahi laho mangalo sude angka na so niastuan ni halahi. Hara ni angka parange ni halahi sandiri, angkon magete halahi songon binatang panyoro.

2 PETRUS 2:15

Gabe lilu do halahi hara ni na so ra halahi mangihutkon dalan na tingkos. Dalan na nibolus ni si Bileam anak ni si Beor nahinan, i do diihutkon halahi. Na sai por sajo do roha ni si Bileam mida upa ni pambaenan na jat.

2 PETRUS 2:18

Sian angka pangkobarion ni halahi na mardongan lancap jana na rumar i dipake halahi ma hagiot na jat laho mangaronjomkon halak sanga ise na baru malua sian angka na mardalan dihaliluon di ngoluna.

2 PETRUS 2:21

Na gumonan hian do indangkon jungada ditanda angka jolma na songon i dalan na tigor na sian Debata i, ulang pado ditanda halahi hape dung salpu i nada ra halahi mangoloi angka parenta na nilehen ni Debata tu halahi.

2 PETRUS 2:7

Tapi dipalua do anggo si Lot, hara ni na niihutkonnia hagiot ni Debata jana ia pe na dung sun ma marsaknia dibaen parange ni angka jolma na so ra mangihutkon angka parenta ni Debata.

JUDAS 1:10

Tapi anggo halahi, mardongan hata incak dialo halahi do sanga aha na so niastuan ni halahi. Tarsongon binatang na so marroha do halahi, na mangastui angka pangalaho hum hara ni bakona sajo. Hape angka na songon i do mambaen hamamago tu halahi.

JUDAS 1:15

laho manguhumi halak sudena. Dabuhonon ni Tuhan ma uhuman hara ni angka pambaenan ni angka jolma na so porsaya tuSia. Jana laing dabuhononNia ma uhuman hara ni sudena angka hata pangincahion na nipardokkonan ni angka halak pardosa na jahat tuSia!”

JUDAS 1:4

Angke madung adong masuk tu tonga-tonganta sian angka halak na so porsaya so sian pamotoanta. Dipabalik-balik halahi do jamita taringot tu asi ni roha ni Tuhanta i, anso tarbaen halahi patuluskon angka parange ni halahi na so ture. Jana na so ra do halahi mangoku paboa Jesus Kristus do Parkuaso dohot Tuhanta na sasada i. Mamungka sian nahinan madung dipaboa hian di Buku Na Badia i uhuman na tu halahi.

JUDAS 1:7

Laing ingot hamu ma kota Sodom dohot Gomora dohot angka kota na humaliang i, na niinganan ni halak angka na mambaen pangalaho songon na nibaen ni angka surusuruan i. Angka pangalaho na rorang dohot na mangoloi hagiot ni sibukna do dipambaeni halahi, gabe hona uhum ma halahi dohot api na so ra mintop, baen sipaingot tu halak sudena.

HALUMBAAN 12:9

Diambungkon ma naga i tu ruar! I ma ulok na tobang i na margoar Sibolis sanga Setan, na paoto-otohon sude portibi on. Diambungkon ma ia tu tano on rap dohot sude surusuruannia i.

HALUMBAAN 13:14

Dipatola do ia mambaen angka hahomangan; jana dipaoto-oto ia do sude jolma na mangolu di tano on hara ni angka hahomangan na nibaennia i di jolo ni binatang na parjolo i. Jana disuru ia ma halahi sudena pajongjong sada patung laho mamparsangapi binatang na mabugang dibaen podang i, hape laing mangolu.

HALUMBAAN 13:8

Sombaon ni sude jolma na mangolu di ginjang tano on ma binatang i, i ma angka halak na so tarsurat goarna di buku hangoluan ni Anak Ni Biri-biri na dung disambol i, mamungka sian panompaon ni portibi on.