2 PETRUS 2:19 - BIBEL JAMITA NA DENGGAN

¹⁹ Dijanjihon angka guru pargabus i ma haluaan di halahi, hape halahi sandiri pe na niparhatoban ni angka hasomalan na mangagohon jolma do – angke sanga ise na nitaluhon ni sanga aha, hatoban ni na manaluhon i do i.

2 PETRUS 2:19 ပူးပေါင်းရင်းမြစ်များ

JESAYA 28:1

Marjaya ma Harajaan Israel! Hambar ma hajegesonna i songon sasusuhan ni bunga na malos di ulu ni angka pamimpinna. Huskus nian ulu ni halahi hara ni miak wangi, tapi bustang do halahi modom songon na mate hara ni na mabuk.

JEREMIA 23:9

On ma tonangku taringot tu angka panurirang: Magopu ate-atengku jana humitir au, hara ni Tuhan dohot hataNa na badia i mambaen au gabe songon halak na mabuk na minum anggur mabahattu.

HAMALIMON 13:8

Paresoon ni malim i ma mangulahi, muda tutu na dung mur tu raratna nyae i, dipabotohon ma na dung ramun halakna i; na dung huliton na gabe parmaraan do i.

JOHANNES 8:34

Dialusi Jesus ma, “Tutu do na Hudok di hamu. Sude halak na mambaen dosa, i ma da hatoban ni dosa.

BAENON NI ANGKA RASUL 19:16

Jadi mangambur ma haroan ni tondi na jahat i mangaropo halahi sagogona, gabe marlojongi noma halahi sian bagas i mangkabugang jana marsaemara.

GALATIA 5:1

Saonnari madung bebas hita, hara ni na dung dipalua Kristus hita! Hara ni i partahankon hamu ma habebasonmunu i jana ulang be ra hamu mangulahi diparhatoban.

GALATIA 5:13

Na dung dipiohon do hamu angka dongan anso gabe halak na bebas. Tapi ulang ma hara ni na bebas hamu gabe dalan laho mangoloi giot-giotmunu na sai mardosa i. Tapi marsioloan ma hamu sama hamu hara ni holong ni roha.

2 TIMOTEUS 2:26

Jadi anso gabe torang roha ni halahi mangulahi jana talgang sian sambil ni Sibolis na manjorat halahi jana na mamaksa halahi mangihutkon hagiotna.

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.

1 PETRUS 2:16

Mardalan ma hamu di ngolu on songon halak na mardeka tapi ulang antong pake hamu ngolumunu na mardeka i laho manutup-nutupi hajahatan, tapi songon angka naposo ni Tuhan ma hamu na mangolu i.

2 PETRUS 1:4

Songon i ma dalanna dibaen Debata mangalehen tu hita angka pasupasu na godang jana na arga na dung nijanjihonNia hian. Hara ni angka pasupasu i tarbaen ma hamu malua sian angka hagiot na jat na adong di portibi on, jana maruli ma hamu di angka bako ni Debata.

2 PETRUS 2:20

Muda dung ditanda sanga ise Tuhan i dohot Sipaluanta, Jesus Kristus i, jana hara ni i madung malua ia sian angka na marpardomuan tu portibi on na manyegohon parange ni jolma, hape tarjorat muse ia mangulahi jana ditaluhon angka pangalaho ni portibi on, ujungna gabe jumatjat dope na masa tusia ulang pado na parjolo i.