2 PETRUS 2:17 - BIBEL JAMITA NA DENGGAN

¹⁷ Songon mual na mate do angka guru pargabus i jana songon ombun na niombus ni halingsungsung. Madung diparade Debata do di halahi inganan na golap marimpot-impot.

2 PETRUS 2:17 ပူးပေါင်းရင်းမြစ်များ

JEREMIA 14:3

Angka pangoloi ni halak na mora disuru manjalahi aek sun tu dia; kehe halahi tu angka sumur hape aek madung abis sudena. Rumar ma parmuhatan na nioban ni halahi muli. Mardongan ganggu dohot dele ni roha ditutupi halahi bohina tanda ni arsakna.

HOSEA 6:4

Tapi didok Tuhan ma, “Ale Israel dohot Juda! Angkon bia noma hamu baenonKu? Tibu do mago holong ni rohamu tu Au songon nambur sanga ombun manyogot.

MATEUS 22:13

Gabe didok raja i ma tu angka naposonia, ‘Tambat ma pat ni bayo on dohot tanganna i, dung i ambungkon hamu tu balian tu inganan na golap i. Disi ma ia tangis jana patungaripon.’ ”

MATEUS 25:30

Ambungkonon ma naposo na so hasaya i tu hagolapan parbalian. Disi ma ia tangis patungaripon!’ ”

MATEUS 8:12

Hape anggo na patut hian gabe parsidohot di Harajaan i, ambungkononkon ma tu hagolapan di balian. Tangis-tangis ma halahi disi jana patungaripon.”

EPESUS 4:14

Jadi nada be dakdanak hita na so marhatontuan jana na taroban-oban tu jae tu julu baenon ni angka pangajaran na marragam rupa na sian halak na bisuk. Lilu do halak dibaen halahi hara ni malo-malo ni halahi.

IBRANI 12:18

Nada pola diadopi hamu songon na masa tu halak Israel najolo. Anggo halahi diadopi halahi do na bolas nijama, i ma Dolok Sinai dohot api na marnyala-nyala i; diadopi halahi do hagolapan, haholomon bope halingsungsung;

2 PETRUS 2:4

Haru angka surusuruan na mardosa pe nada dipatola Debata malua sian uhuman, tapi ambungkonon do i tu narako. Pamasuhon do halahi tu inganan na golap anso tarhurung disi lopus tu Ari Paruhuman.

JUDAS 1:6

Laing ingot hamu ma angka surusuruan na so mangargahon jabatan ni halahi, na gabe kehe halahi manadingkon ingananna. Dipasung Debata do angka surusuruan i dohot hayu na so ra sego salolot-lolotna, di inganan na golap situtu. Torus ma halahi disi ditahan lopus nidabu uhum tu halahi di Ari na godang i.