2 PETRUS 2:14 - BIBEL JAMITA NA DENGGAN

¹⁴ Angke na so marnaloja do halahi mambaen dosa, jana mangaligi dadaboru ma giot ni halahi dohot mata na sai giot markamainan. Jana sanga ise na gale haporsayaanna, hona jorgong ma i baenon ni halahi. Madung somal roha ni halahi di angka hagiot na so denggan. Angka jolma na hona bura do halahi!

2 PETRUS 2:14 ပူးပေါင်းရင်းမြစ်များ

JOB 31:7

Sugari rupani na manyimbil iba sian dalan na lidang, sanga na manarik tu rohaniba na rorang, betak mardais tanganku tu dosa,

JOB 31:9

Sugari rupani na jungada por rohangku mida na nibuat ni hombar bagasku, jana martabuni au manungkirisa sian balik ni pintu,

PODA 5:6

Nada dipikiri ia dalan hangoluan, madung manyirpang ia, jana nada diboto sanga aha sidalananna.

PODA 6:25

Ulang dihagioti rohamu hajegeson ni halahi, jana ulang tartarik rohamu baenon ni pangkidop ni matana.

JESAYA 1:16

Basu hamu ma jolo dirimunu lopus ias. Antak hamu ma sude hajahatan na nibaenmunu i. Olo, ulang be didatdati hamu mambaen na jat,

JESAYA 34:5

Madung mangamuk podangKu di langit, jana saonnari honaan ni podang i ma bangso Edom na hona uhum i jana abiskonon noma i.

JESAYA 65:20

Nada adong be dakdanak na mate dompak menek, jana halak na magodang sayur matua bulung, halak na mate marumur saratus taon laing etongon dope na poso, jana na mate painte so marumur saratus taon etongon do i na hona uhum.

JEREMIA 13:23

Bisa ma he digonti halak Etiopia kulitna sanga babiat pauba bolangna? Bisa ma he hamu mambaen na denggan, hamu angka na dung somal mangkarejohon hajahatan?

JEHESKIEL 13:18

jana palalu ma sanga aha na Hudok, Au Tuhan Debata mandok tu halahi: ‘Marjaya ma hamu ale angka dadaboru paralatan! Dipambaeni hamu di jolma sudena angka golang-golang ajimet dohot angka basaen sipatunduk anso tarrajai na mamakena i ngolu ni halak na asing. Sai giot markuaso do hamu di ngolu dohot hamamate ni bangsongKu jana mangahut tu diri do dipake hamu kuaso i.

MATEUS 12:34

O hamu pomparan ni ulok, songon dia dehe tarbaen hamu mandok angka na denggan, angke na jahat do hamu? Angke, sanga aha na manggohi roha, matua i do hobarkonon ni pamangan!

MATEUS 23:14

Marjaya ma hamu angka Siboto Surat dohot hamu halak Parise: Pangalancap do hamu! Dijalahi hamu do akal laho paoto-otohon dohot mambuat bagas ni angka ina na mabalu. Tar dibaen-baen hamu ma martangiang ginjang-ginjang laho manutup-nutupi i. I ma umbaen na angkon umborat uhuman tu hamu!]

MATEUS 25:41

Dung i didok Raja i ma tu halak na di siambirangNia i, ‘Morot ma hamu sian on, hamu angka na hona bura! Masuk ma hamu tu api na so ra mintop na niparade di Sibolis dohot di angka surusuruanna!

MATEUS 5:28

Tapi anggo saonnari Hudok tu hamu: Muda adong halak na midaan dadaboru, gabe impol rohania, na dung markarosuan do ia dohot anak boru i di bagasan rohania.

MARKUS 13:22

Harana marroan do angka kristus pargabus dohot angka panurirang pargabus. Baenon ni halahi ma angka tanda hahomangan dohot angka na ganjil-ganjil laho paoto-otohon angka halak ni Debata. Salang sugari tarbaen dohot tu angka na ditodo i dope.

JOHANNES 5:44

Tarbia muse ma pambaenmunu porsaya, harana na manjalahi sangap do hamu sama hamu, anggo sangap sian Debata na sasada i nada dijalahi hamu.

SURAT NI SI PAULUS TU PARLAGUTAN ROM 16:18

Harana anggo halak sisongon i nada tu Kristus Tuhanta i halahi markarejo, tapi laho palalu na di roha ni halahi sajo do. Markite-hite hata na lambok jana na tabo begeon, dipaoto-oto halahi do angka halak na bulus roha.

1 KORINTUS 11:19

Madung sapatutna masa parsalisian di hamu, anso tarida sanoli on sanga ise Kristen na tahan uji.

EPESUS 2:3

Anggo najolo sarupa hian do hita sudena dohot halahi; mangolu do hita paolo-oloi bako ni hajolmaonta harana sanga aha na pasonangkon pamatangta dohot pikiranta na jahat i, i do na tabaen. Anggo hatiha i, hita pe halak na hona rimas ni Debata muse do, laing songon halak na asing i.

EPESUS 4:14

Jadi nada be dakdanak hita na so marhatontuan jana na taroban-oban tu jae tu julu baenon ni angka pangajaran na marragam rupa na sian halak na bisuk. Lilu do halak dibaen halahi hara ni malo-malo ni halahi.

KOLOSSE 2:18

Ulang hamu ra digorahon halak na paula-ula martoruk roha jana na manyomba angka surusuruan. Angka siginjang roha do sudena i hara ni angka pikiran ni halahi na marojahan tu portibi on. Na marguru tu angka parnidaanna do i,

JAKOBUS 1:8

Anggo halak na mardua roha, nada tontu di bagasan sude pardalananna.

2 PETRUS 2:18

Sian angka pangkobarion ni halahi na mardongan lancap jana na rumar i dipake halahi ma hagiot na jat laho mangaronjomkon halak sanga ise na baru malua sian angka na mardalan dihaliluon di ngoluna.

2 PETRUS 2:3

Hara ni na ahut tu dirina, caritohonon ni angka guru pargabus i ma tu hamu angka carito na nibaen ni halahi sandiri anso dapotan untung halahi sian hamu. Tapi anggo panguhuman laho manguhum halahi madung tibu dipasingkop jana hamagoan na dung ditontuhon pe tu halahi madung paintehon tu halahi.

2 PETRUS 3:16

Di sude suratnia i, sai dipaboa si Paulus do taringot tusi. Tutu nian, adong do piga-piga pangalaho na maol astuan di bagasan suratnia i. Jana angka halak na so togu haporsayaanna dohot na so angarti di surat ni si Paulus i, gabe dipabalik-balik halahi do na nisuratkon ni si Paulus i. Deba sian na tarsurat di Buku Na Badia i laing songon i do dibaen halahi. Pangalaho ni halahi do mambaen mago halahi.

1 JOHANNES 2:16

Sasudena na adong di portibi on na nihalungunkon ni jolma – i ma sasude hagiot ni sibuk, hagiot ni mata dohot na pagodangkon dirina – nada sian Debata haroroan ni angka na songon i, tapi sian portibi on do.

JUDAS 1:11

Marjaya ma halahi! Dalan ni si Kain do na nibolus ni halahi. Anso dapotan upa, gabe didohoti halahi do angka hasalaan songon na nibaen ni si Bileam. Jana mago do halahi hara ni na manggaori songon na nibaen ni si Kora.

HALUMBAAN 12:9

Diambungkon ma naga i tu ruar! I ma ulok na tobang i na margoar Sibolis sanga Setan, na paoto-otohon sude portibi on. Diambungkon ma ia tu tano on rap dohot sude surusuruannia i.