2 PETRUS 2:13 - BIBEL JAMITA NA DENGGAN

¹³ Songon balos ni pambaenan ni halahi na jahat i, angkon mardangol ma halahi. Anggo pangalaho na pasonangkon roha ni halahi, i ma na mambaen sanga aha sajo di arian na papuaskon hagiot ni pamatang ni halahi. Muda juguk halahi rap dohot dongan di parpestaan, gabe jatjat do goar ni dongan baenon ni halahi jana marlayas, angke mabuk do halahi di sude parange ni halahi na so denggan.

2 PETRUS 2:13 ပူးပေါင်းရင်းမြစ်များ

ENDE NA GODANG 4:7

Uli nai ho, ale haholongan, nada adong tihasmu.

JESAYA 3:11

Marjaya ma halak na jahat! Parmaraan angkon mandondoni halahi. Harana baloshononkon ma tu halahi hombar tu pambaenanna sandiri.

SURAT NI SI PAULUS TU PARLAGUTAN ROM 13:13

Angkon pantun do hita songon na somal dibaen halak di ari na torang, ulang ma marpesta godang marlobi-lobi, sanga mabuk. Ulang rorang, sanga marpangalaho na so ture. Ulang marbada-badai, sanga mangiburu.

EPESUS 5:27

Jadi songon i ma dibaen Ia anso marsangap parlagutan i jongjong jana polin di adopanNia, nada martihas sanga markerut.

PILIPPI 3:19

Anggo ujungna angkon gabe sego do ngolu ni halak sisongon i, angke na martuhankon hagiot ni pamatangna sandiri do halahi. Angka pangalaho sihailahononkon, hape gabe i do na niargahon ni halahi; angke hum angka na mardomu tu tano on sajo do na nisarihonna.

2 TIMOTEUS 4:14

Si Aleksander tukang tumbaga i, madung bahat dibaen ia na jahat tu au. Baloskonon ni Tuhan ma tusia hombar tu pangalahonia i.

JAKOBUS 5:5

Marlobi-lobi do ngolumunu di tano on jana didai hamu na sonang. Tarsongon na pamokmok-mokmokkon diri do hamu laho sambolon.

1 PETRUS 4:4

Saonnari gabe homang ma roha ni angka halak na so mananda Tuhan i hara ni na so dohot be hamu mandohoti ngolu na so denggan i songon halahi. Hara ni i ma umbaen na nitilakoan ni halahi hamu.

2 PETRUS 2:15

Gabe lilu do halahi hara ni na so ra halahi mangihutkon dalan na tingkos. Dalan na nibolus ni si Bileam anak ni si Beor nahinan, i do diihutkon halahi. Na sai por sajo do roha ni si Bileam mida upa ni pambaenan na jat.

HALUMBAAN 18:6

Baen hamu ma tusia balos ni na nibaennia i tu hamu; dua noli lompit baloskon hamu sandok na nibaennia. Isi hamu ma mangkukna i dohot siinumon na dua noli lompit korasna sian siinumon na niparade di hamu.