2 PETRUS 2:1 - BIBEL JAMITA NA DENGGAN

¹ Najolo di tonga-tonga ni bangso ni Debata, ro do angka panurirang pargabus. Laing songon i muse do di tonga-tongamunu, marroan ma angka guru pargabus. Baritahonon ni halahi ma angka pangajaran na so tutu, na pasegohon. Jana diporso halahi do Parkuaso na dung marhancit laho paluahon halahi. Jadi na mangalap magona do halahi disi, na tibu mandondoni halahi sandiri.

2 PETRUS 2:1 ပူးပေါင်းရင်းမြစ်များ

1 RAJA-RAJA 22:6

Jadi dipalagut si Ahab ma hira-hira opat ratus halak panurirang jana disapai ia ma tu halahi, “Tola dehe kehe au mamorangi Ramot sanga nada?” “Tola do!” ning halahi. “Lehenon ni Tuhan do hamonangan tu raja i.”

HARURUAR 15:16

Biar dohot sursar mandondoni halahi; O Tuhan, paida-ida gogoMi, jana umpe margogo be jongjong hara ni na humitir halahi lopus mamolus bangsoMi – bangso na nipaluaMu sian parhatobanan i.

JESAYA 9:15

Uluna, i ma bagian hatobangon dohot halak na marsangap; ihurna, i ma angka panurirang na mangalehen angka pangajaran na mangaliluhon!

JEREMIA 29:21

Madung didok Tuhan Na Markuaso i Debata ni Israel taringot tu si Ahab anak ni si Kolaya, dohot taringot tu si Zedekia anak ni si Maaseya na mamake goar ni Tuhan laho palaluhon tu hamu angka pangalaho na so tutu. Didok Tuhan do na giot pasahatonNia halahi tu toru ni kuaso ni si Nebukadnesar raja ni Babel, na giot mamunu halahi di jolo ni matamunu.

JEREMIA 37:19

Di dia dehe angka panurirang ni raja i na mandok na so ro raja ni Babel manyerang raja i dohot luat on?

JEREMIA 6:13

Marsijalahi untungna be do halahi sude sian dalan na so patut, na menek dohot na magodang. Salang panurirang pe dohot malim margabus do tu halak.

ANDUNG 2:14

Na niturihon ni angka panurirang tu ho, hum gabus do i jana buras sajo. Paoto-oto hamu do angka hata ni halahi, nada jungada dipatorang halahi dosamunu i, gabe nada dipauba hamu rohamunu. Didokkoni halahi do angka hata gabus na paliluhon hamunu.

HOSEA 9:8

Efraim, bangso ni Debatangku mangintip angka panurirang, mambaen jorat songon na manangkup unggas di angka dalanna. Dimusui halahi do angka panurirang i di Bagas Ni Debata.

MIKA 2:11

Sugari ro sahalak na sai margabus, ‘Paboanku ma hasurirangon tu hamu, taringot tu anggur dohot arak.’ Jadi ia do na patut manyurirangi tu bangso on!”

MIKA 3:11

Anso dapotan hepeng sogok do umbaen na mamarenta angka parkuaso ni kota, angka malim mangajarkon Uhum Ni Tuhan anso dapotan gaji, marjamita angka panurirang anso dapotan hepeng – dung i diambang halahi ma di pihak ni halahi Tuhan i. Didok halahi ma, “Di tonga-tonganta do Tuhan; nada pola ro parmaraan tu hita.”

MIKA 3:5

Dipaoto-oto angka panurirang do bangsongKu, i ma angka panurirang na burju tu angka jolma na mangalehen hepeng, tapi na margoyak ni roha tu halak na so mangalehen. Tu angka panurirang na songon i didok Tuhan ma,

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

MATEUS 10:33

Tapi sanga ise na mamorso Au di jolo ni halak, i ma na so paboahon na mangihutkon Au do ia, Au pe porsoonKu ma ia di jolo ni Damang na di banua ginjang i.”

MATEUS 24:11

Bahat muse ma marroan angka panurirang pargabus. Paoto-otoon ni halahi ma bahat halak.

MATEUS 24:24

Harana, marroan do disi angka kristus pargabus dohot angka panurirang pargabus. Patupaon ni halahi ma angka pambaenan na luar biasa dohot angka na pahomang roha laho paoto-otohon halak. Sugari tarbaensa, dohot bangso ni Debata i pe giot paoto-otoon ni halahi muse do.

MATEUS 24:5

Angke bahat do halak na ro mamake goarKu, jana dokkonon ni halahi ma, ‘Au do Kristus!’ Paoto-otoon ni halahi ma bahat halak.

MATEUS 7:15

“Jago-jago ma hamu tu angka panurirang pargabus. Songon biri-biri do idaon haroro ni halahi tu hamu, tapi anggo di bagasan satutuna songon sorigala panyoro do halahi.

MARKUS 13:22

Harana marroan do angka kristus pargabus dohot angka panurirang pargabus. Baenon ni halahi ma angka tanda hahomangan dohot angka na ganjil-ganjil laho paoto-otohon angka halak ni Debata. Salang sugari tarbaen dohot tu angka na ditodo i dope.

LUKAS 12:9

Tapi barang ise na mamorso Au di jolo ni jolma, porsoon do ia di adopan ni angka surusuruan ni Debata.

LUKAS 21:8

Didok Jesus ma, “Jago ma hamu anso ulang tarpaoto-oto hamu. Angke bahat do halak na giot marroan mamake goarKu. Dokkonon ni halahi ma, ‘Au ma da Ia!’ dohot ‘Madung dapot hatihana.’ Ulang ihutkon hamu halahi.

LUKAS 6:26

Marjaya ma hamu muda sude halak mamuji hamu; angke songon i do angka panurirang panipu najolo dipapuji-puji angka ompung ni halahi.”

SURAT NI SI PAULUS TU PARLAGUTAN ROM 16:18

Harana anggo halak sisongon i nada tu Kristus Tuhanta i halahi markarejo, tapi laho palalu na di roha ni halahi sajo do. Markite-hite hata na lambok jana na tabo begeon, dipaoto-oto halahi do angka halak na bulus roha.

1 KORINTUS 11:19

Madung sapatutna masa parsalisian di hamu, anso tarida sanoli on sanga ise Kristen na tahan uji.

1 KORINTUS 6:20

Madung ditobus Debata hamu jana lunas digarari Ia. Hara ni i, denggan ma pake hamu pamatangmunu i anso marsangap Debata.

1 KORINTUS 7:23

Na nitobus ni Debata do hamu jana madung lunas do dibaen Ia. Hara ni i, ulang be pasahat hamu dirimunu gabe hatoban ni jolma.

GALATIA 2:4

haru pe bahat angka pangalancap na marsuru ia mambaen songon i. Angka halak na manyisip-nyisipi do i tu hita jana dipaula-ula halahi ma songon na donganta halahi. Disisipi halahi ma masuk tu hita laho manangkasi sanga na bia pangalaho ni haluaan na adong di hita hara ni hasadaonta dohot Kristus Jesus. Na giot paulakkon hita do halahi tu pangalaho na parjolo, i ma na gabe hatoban muse,

GALATIA 3:13

Madung ditobus Kristus hita sian bura ni Tona i, markite-hite na gabe bura hara ni hita, angke tarsurat do, “Na hona bura do sanga ise na hona gantung di hayu parsilang.”

GALATIA 4:17

Anggo angka halak na asing i marsiadu be do i laho manjalahi hamu, tapi nada na denggan maksud ni halahi. Na giot manggotap parsambunganmunu sajo do sian hami anggo giot ni halahi, anso ra hamu marsiadu mangihutkon halahi.

GALATIA 5:20

na manyomba gana-ganaan, sihir, parbadaan, parsalisian, mamikirkon diri sandiri, tahi-tahi na jat, pamola-mola,

EPESUS 1:7

Angke di bagasan Ia, dapotan haluaan do hita markite-hite mudarNia, i ma hasesaan ni dosa mangihutkon godang ni asi ni rohaNia,

EPESUS 4:14

Jadi nada be dakdanak hita na so marhatontuan jana na taroban-oban tu jae tu julu baenon ni angka pangajaran na marragam rupa na sian halak na bisuk. Lilu do halak dibaen halahi hara ni malo-malo ni halahi.

PANGARATAION 32:6

Songon i ma he pamalosmu di hadengganan ni Tuhanmu, ale jolma na so marbisuk boti na sun otomu? Nada he Amangmu do Ia, na manjadihon ho, na manompa hamu gabe sada bangso?

PILIPPI 3:19

Anggo ujungna angkon gabe sego do ngolu ni halak sisongon i, angke na martuhankon hagiot ni pamatangna sandiri do halahi. Angka pangalaho sihailahononkon, hape gabe i do na niargahon ni halahi; angke hum angka na mardomu tu tano on sajo do na nisarihonna.

KOLOSSE 2:18

Ulang hamu ra digorahon halak na paula-ula martoruk roha jana na manyomba angka surusuruan. Angka siginjang roha do sudena i hara ni angka pikiran ni halahi na marojahan tu portibi on. Na marguru tu angka parnidaanna do i,

KOLOSSE 2:8

Manat ma hamu, ulang jabat adong na manarik hamu markite-hite angka hapistaran ni jolma na so marguna, tapi hum na palilu-liluhon sajo. Nada sian Kristus angka hapistaran na songon i, tapi sian angka panurirangon ni jolma sajo do i dohot sian panarik ni angka tondi ni pangarajai ni portibi on.

1 TIMOTEUS 5:8

Muda halak na so paturehon koum sisolkotna, lumobi donganna samudar, na mamorso haporsayaanna do halak na songon i; jumatjat dope i sian halak na so porsaya.

2 TIMOTEUS 4:3

Angke angkon ro do hatihana na so ra be halak manjagit pangajaran na sintong. Gumonan noma hagiot ni halahi sandiri ihutkonon ni halahi, jana gabe palaguton ni halahi ma angka guru laho mangajarkon angka pangalaho na tabo begeon ni pinggol ni halahi.

TITUS 1:11

Angkon dijait do giotna pamangan ni jolma sisongon i, harana madung bahat angka bagas ni halak na gabe gaor sudena hara ni angka pangajaran na so patut na nibaen ni halahi. Na manjalahi untung na so patut do antong halahi di karejona i!

TITUS 3:10

Sanga ise na patubu bada di parlagutan i angkon paingotonmu do sanoli sanga dua noli; dung i indangkon be sai mardomu ho dohot halakna i.

IBRANI 10:29

Haru tu halak na songon i, i ma borat ni uhumanna, mur bia muse dope ulaning borat ni uhuman tu angka jolma na songon on: Na mangalayasi Anak Ni Debata, halak na marnayang ni roha mida hamamate ni Kristus na songon jaminan ni janji ni Debata na mangkaholongi Ia. Hilala hamu ma sanga bia dokdok ni uhuman tu angka jolma sisongon i!

1 PETRUS 1:8

Dihaholongi hamu do Ia haru pe nada jungada diida hamu Ia najolo. Jana dihaporsayai hamu do Ia haru pe saonnari nada diida hamu Ia. Dipapuji-puji hamu do Debata mardongan jop ni roha godang na so tarpajojor dohot hata.

2 PETRUS 2:3

Hara ni na ahut tu dirina, caritohonon ni angka guru pargabus i ma tu hamu angka carito na nibaen ni halahi sandiri anso dapotan untung halahi sian hamu. Tapi anggo panguhuman laho manguhum halahi madung tibu dipasingkop jana hamagoan na dung ditontuhon pe tu halahi madung paintehon tu halahi.

1 JOHANNES 2:26

Na husurat on, i ma taringot tu angka halak na sai giot paoto-otohon hamu.

1 JOHANNES 4:1

Angka dongan na nihaholongan! Ulang ma hamu porsaya tu ganop tondi, tapi uji hamu ma angka tondi i sanga na marharoroan sian Debata do i, harana madung bahat angka panurirang pargabus ro tu portibi on.

JUDAS 1:18

Madung dipaboa halahi hian tu hamu, marroan do angka halak na mangincahi hamu marayak dapot ari na parpudi; i ma angka na mangolu mangihutkon giot-giot ni halahi sandiri na jat i.

JUDAS 1:4

Angke madung adong masuk tu tonga-tonganta sian angka halak na so porsaya so sian pamotoanta. Dipabalik-balik halahi do jamita taringot tu asi ni roha ni Tuhanta i, anso tarbaen halahi patuluskon angka parange ni halahi na so ture. Jana na so ra do halahi mangoku paboa Jesus Kristus do Parkuaso dohot Tuhanta na sasada i. Mamungka sian nahinan madung dipaboa hian di Buku Na Badia i uhuman na tu halahi.

HALUMBAAN 13:14

Dipatola do ia mambaen angka hahomangan; jana dipaoto-oto ia do sude jolma na mangolu di tano on hara ni angka hahomangan na nibaennia i di jolo ni binatang na parjolo i. Jana disuru ia ma halahi sudena pajongjong sada patung laho mamparsangapi binatang na mabugang dibaen podang i, hape laing mangolu.

HALUMBAAN 2:13

Huboto do sanga di dia hamu maringanan. Di inganan ni kuaso ni Sibolis i do ingananmunu. Burju do hamu tu Au. Dompak na dibunu i pe si Antipas saksingKu na burju i di tonga-tongamunu di markas ni Sibolis i, disi pe nada disoadahon hamu paboa na porsaya hamu di Au.

HALUMBAAN 2:9

Huboto do hasusaanmunu; na pogos do hamu – tapi anggo satutuna na mora do hamu! Huboto do angka adu-aduan na nituhaskon ni angka na manggoari dirina halak Jahudi, hape nian nada tutu; parlagutan ni sibolis do halahi!

HALUMBAAN 3:8

Huboto do sanga aha na nibaenmunu. Haru so sadia pe gogomunu, tapi laing dioloi hamu do pangajaranKu jana unduk do hamu tu Au. Madung Hubuka sada pintu na godang di hamu na so tartutup sanga ise pe.

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.

HALUMBAAN 6:10

Jana pio-pio ma halahi marsora na gogo ninna ma, “Ale Tuhan, na badia jana na sintong! Sadia honok nari dope anso diuhumi, jana dibaloskon Ho mudarnami tu angka na maringanan di tano on?”