2 PETRUS 1:9 - BIBEL JAMITA NA DENGGAN

⁹ Tapi anggo halak na so marpangalaho na songon i, gabe sompit do parnidaan ni i, nada adong diida ia jana lupa do ia na nisesa angka dosania na salpu i.

2 PETRUS 1:9 ပူးပေါင်းရင်းမြစ်များ

HAMALIMON 13:55

Dung i dipareso malim mangulahi. Muda so muba tompa ni lapuk i haru pe nada manamba, na ramun do barang i, hara ni i angkon nitutung do i, nada marimbar haru sabola sian pudi sanga sian jolo na lapuhon i.

MARKUS 10:21

Dipanotnoti Jesus ma bayo i hara ni holong ni rohaNia midasa. Didok Ia ma, “Hum sada nari noma pangalaho na porlu di ho. Kehe ma ho manggadis sude sinadonganmu. Lehen ma hepengna i tu angka halak na pogos, dung i gabe adong ma dapot ho arta na di banua ginjang. Dung i ro ma ho mangihutkon Au!”

LUKAS 18:22

Umbege na songon i, didok Jesus ma tusia, “Laing adong dope sada nari na angkon sibaenonmu: Gadis ma sude na adong di ho, jana lehen ma i tu halak na pogos; anggo i dapot ho ma arta na di banua ginjang. Dung i beta ma ihutkon Au.”

SURAT NI SI PAULUS TU PARLAGUTAN ROM 6:11

Hamu pe angkon etongonmunu do dirimunu na dung mate maradopkon dosa, jana mangolu hamu di Debata markite-hite Kristus Jesus.

GALATIA 5:13

Na dung dipiohon do hamu angka dongan anso gabe halak na bebas. Tapi ulang ma hara ni na bebas hamu gabe dalan laho mangoloi giot-giotmunu na sai mardosa i. Tapi marsioloan ma hamu sama hamu hara ni holong ni roha.

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

EPESUS 5:26

Dibaen Kristus do songon i anso tarpaias Ia parlagutan i dohot ajaranNia bope markite-hite aek pandidion, anso tarpasahat Ia muse parlagutan i tu Debata.

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.

IBRANI 9:14

mur ma mudar ni Kristus! Markite-hite Tondi na manongtong, dihaulkon Kristus do diriNia sandiri tu Debata gabe haul na sanggam. Dipaias mudarNia i do taroktokta sian angka karejo na so marguna, anso tarbaen hita dohot mangoloi karejo na so marguna, anso tarbaen hita dohot mangoloi Debata na mangolu i.

1 PETRUS 3:21

Antong, na masa i ma na gabe gambaran ni pandidion sisaonnari on na paluahon hamu. Nada karejo na giot paiaskon angka na hodar di pamatangniba pandidion i, tapi songon janjimunu do i tu Debata sian taroktok na denggan. Gabe dipalua pandidion i ma hamu hara ni na dung mulak mangolu Jesus Kristus mangulahi sian hamatean,

1 JOHANNES 1:7

Tapi muda mangolu di na torang hita laing songon Debata na maringanan di na torang i, gabe mangolu ma hita di bagasan pardomuan na solkot na sada tu na asing, jana hara ni mudar ni Jesus AnakNa i gabe ias ma hita sian sasude dosanta.

HALUMBAAN 3:17

Didok hamu, ‘Madung mamora hami jana tuk sude; sada pe nada adong be na hurangnami.’ Hape umpe diboto hamu sanga songon dia dangolmunu dohot parkancitanmunu! Na pogos do hamu, marsaemara jana na mapitung.