2 PETRUS 1:8 - BIBEL JAMITA NA DENGGAN

⁸ Angka pangalaho na songon i ma na porlu di hamu. Muda tibu magodang angka bako na songon i di dirimunu, gabe mur marjop ni roha ma hamu jana mur marguna mamake parbinotoanmunu taringot tu Jesus Kristus Tuhanta i.

2 PETRUS 1:8 ပူးပေါင်းရင်းမြစ်များ

PODA 19:15

Muda giot parlosok ho, rohamu ma di ho! Torus ma ho modom, lalu ma naron malean ho.

MATEUS 13:22

Same na madabu tu tonga-tonga ni duri i, i ma tarsongon halak na mambege jamita i, tapi humolos ma halahi hara ni ngolu ni halahi. Sai giot marlobi-lobi do ngolu ni halahi. Jadi tarhapit ma jamita i di bagasan roha ni halahi, gabe nada marbatu.

MATEUS 20:3

Dung pukul sambilan manyogot i, kehe ma mangulahi nampuna kobun i, diligi ia ma sanga na piga-piga halak na ngongong marsoan songon i di balerong.

MATEUS 20:6

Dung hira-hira pukul lima andospotang, kehe muse ma ia. Diligi ia muse, hape laing adong dope halak na jongjong sajo songon i inda adong karejona. Gabe disapai ia ma halahi, ‘Biasi he jongjong sajo hamu dison sasadari so adong na niampalmunu?’

MATEUS 25:26

‘Ho ma naposo na jahat jana na losok!’ ning tuan i. ‘Inda he diboto ho, hubuat do parbatu sian na so husuan, dung i hubuat do suha sian na so husabur?

JOHANNES 15:2

Diambungkon Ia do sude rantingKu na so marbatu; jana sude ranting na ramos dipaias Ia do anso mur ramos muse batuna.

JOHANNES 17:3

On ma hangoluan na so mantak; anso ditanda halak Ama i, sasada Ia do Debata na tutu, jana mananda Jesus Kristus na nisuruhon ni Ama i.

JOHANNES 5:42

Hutanda do hamu. Huboto do na so dihaholongi hamu Debata di bagasan rohamunu.

SURAT NI SI PAULUS TU PARLAGUTAN ROM 12:11

Ulang ma nian sumurut hariringgasmunu i, marsigorgor ma tondimu laho mangoloi Tuhan i.

1 KORINTUS 15:58

Hara ni i hamu ale angka dongan na nihaholongan, sai togu ma hamu jana hot. Marsitutu ma markarejo di Tuhan, angke diboto hamu do, sude na nikarejohonmunu di Tuhan, nada sayang boti sudena i.

2 KORINTUS 13:5

Uji hamu ma dirimunu sanga na togu do haporsayaanmunu! Tangkasi hamu ma dirimunu sanga na so porsaya hamu di dirimunu paboa na tutu do Jesus Kristus maringanan di bagasan hamu! Harana muda nada songon i nada tahan hamu niuji.

2 KORINTUS 8:2

Na dung hona uji do halahi di angka hasusaan na borat situtu. Tapi di tonga-tonga ni hasusaan i pe laing marjop ni roha do halahi jana miduk do silehen-lehen ni halahi laho mangurupi halak na asing, haru pogos sajo pe halahi, tapi na mora do halahi di asi ni roha.

2 KORINTUS 8:7

Burju do hamu di sude pangalaho. Denggan do hamu di na mangkaporsayai, di na paboahon pandapot, di parbinotoan, di ragam-ragam ni karejo, dohot di bagasan holong ni rohamunu maradopkon hami. Jadi hara ni i, angkon laing umburju muse ma hamu nian di karejo na denggan on.

2 KORINTUS 9:14

Halahi pe dioban do hamu di tangiangna, jana lungun do rohana di hamu hara ni na marningot asi ni roha na sumurung na sian Debata tu hamu.

PILIPPI 1:9

On do tangiangku salaho tu hamu: Anso nian mur mabagas holong ni rohamunu mardongan parbinotoan na sintong bope dohot panatapan na tumbuk,

PILIPPI 2:5

Angkon songon parroha ni Kristus Jesus do hamu:

PILIPPI 3:8

Nada hum i dope, huetong do sasudena i gabe angka na parugi-rugihon au sajo. Ummarga do na adong di au saonnari on: I ma na mananda Jesus Kristus Tuhanki. Hara ni Kristus, gabe hupalua do sasudena. Songon rompak-rompak noma i sude huhilala, anso laing dapot au Kristus,

KOLOSSE 1:10

Jadi gabe tarbaen hamu ma mangolu mangihutkon na nipangido ni roha ni Debata bope na pasonangkon rohaNia tongtong, anso sai tarpatidahon hamu angka pangalaho na denggan di sude karejomunu. Jana mur martamba muse ma parbinotoanmunu taringot tu Debata.

KOLOSSE 2:7

jana marurat tuSia ma hamu. Pajongjong hamu ma ngolumunu jana Kristus ma baen hamu ojahanna. Sugari mur margogo ma nian haporsayaanmunu hombar tu na dung diajarkon tu hamu. Jana sai mur marsigorgor ma rohamunu mandok tarimakasi.

KOLOSSE 3:16

Sai mur maringan ma angka pangajaran ni Kristus tu bagasan rohamunu jana dilehen ma pasupasuNa di hamu mardapot-dapot. Marsiajar-ajaran ma hamu jana marsipaingotan samalomunu. Endehon hamu ma Masmur dohot puji-pujian bope angka ende partondion tu Tuhan. Mardongan hatarimakasion sian bagasan rohamunu, marende ma hamu tu Debata.

1 TESSALONIKA 3:12

Sai dipabahat, jana dipalobi Tuhanta ma holong ni roha di hamu sama hamu, bope mida ganop halak, laing songon hami mida hamu.

1 TESSALONIKA 4:1

Dung i muse ale angka dongan, ihutkon hamu ma pangajaran na nijagitmunu sian hami sanga bia na patut ngolumunu laho pasonangkon roha ni Debata. Tutu nian saonnari pe madung songon i ngolumunu. Tapi saonnari mangasahon kuaso ni Tuhan Jesus gomos hami pangido jana hami sosoi hamu anso mur marsitutu hamu mangkaburjuhon i!

2 TESSALONIKA 1:3

Angkon sai tongtong do hami mandok tarimakasi tu Debata hara ni hamu ale angka dongan. Jana songon i do na patut baenonnami, angke mur porsaya do hamu tu Kristus jana mur marsihaholongan do hamu sude sama hamu.

1 TIMOTEUS 5:13

Boti muse hum pasude-sude hatiha noma i, puas-pais halahi manaek mijur tu bagas ni halak, jana na jumatjat dope, marsiajar disi ma halahi pahata-hata halak dohot na mangantoi karejo ni halak dohot na mangkata-hatai na so sihataan.

TITUS 3:14

Angkon marsiajar do angka ruasta i patupahon angka na denggan anso tarbaen manggohi angka na porlu situtu; ulang jabat gabe halak na so marguna ngolu ni halahi.

PILEMON 1:6

Hutangiangkon do anso nian parkahamaranggionta songon angka halak na porsaya mur pamalohon hita mangastui sude angka pasupasu na tajagit hara ni na domu hita dohot Kristus.

IBRANI 6:12

Nada por rohanami gabe losok hamu. Anggo giotnami, mangolu ma hamu songon halak na manjagit sanga aha na nijanjihon ni Debata hara ni haporsayaanmunu tuSia dohot hasobaranmunu paintehonsa.

2 PETRUS 1:2

Mur martamba ma di hamu asi ni roha dohot hasonangan markite-hite parbinotoan taringot tu Debata dohot Tuhanta Jesus.

2 PETRUS 1:3

Dipio Debata do hita anso dohot hita mangkilalahon hagodanganNa dohot mandai hadengganan ni rohaNia. Mardongan kuasoNia sandiri bope sian na taboto taringot tuSia sandiri, dilehen Debata na mamiohon hita i do tu hita sanga aha na porlu anso mangolu hita songon halak na maribadat tu Debata.

2 PETRUS 2:20

Muda dung ditanda sanga ise Tuhan i dohot Sipaluanta, Jesus Kristus i, jana hara ni i madung malua ia sian angka na marpardomuan tu portibi on na manyegohon parange ni jolma, hape tarjorat muse ia mangulahi jana ditaluhon angka pangalaho ni portibi on, ujungna gabe jumatjat dope na masa tusia ulang pado na parjolo i.

2 PETRUS 3:18

Sai mur pangkilalahon hamu ma hadengganan ni roha ni Tuhan, Sipaluanta i, i ma Jesus Kristus, jana sai mur tangkas ma nian ditanda hamu Ia. Tarpuji ma Ia saonnari bope ro di salolot-lolotna. Amen.