2 PETRUS 1:5 - BIBEL JAMITA NA DENGGAN

⁵ Antong hara ni i, haburjuhon hamu ma markarejo jana tambahon hamu ma di bagasan haporsayaanmunu haburjuon, jana di bagasan haburjuon parbinotoan.

2 PETRUS 1:5 ပူးပေါင်းရင်းမြစ်များ

MASMUR 119:4

Dilehen Ho do, ale Tuhan, parentaMu tu hami, anso setia hami nian mandalankon i.

PODA 4:23

Jagohon ma pikiranmu denggan, harana pikiranmi do manontuhon pardalan ni ngolumu.

JESAYA 55:2

Baen aha manobusi barang na so bisa panganon, dohot markarejo baen tu sipanganon na so pabutongkon? Ihutkon ma parentangKu, gabe dapot ho ma na denggan, jana daionmu ma sipanganon na tabo.

ZAKARIA 6:15

Marroan be ma angka halak sian na dao jana urupanna ma pajongjong Bagas Ni Tuhan. Muda dung sidung dibangun Bagas Ni Tuhan, botoonmunu ma bahaso Tuhan Na Markuaso i do na marsuru au mandapotkon hamu. Tulus ma sudena i muda tutu situtu dioloi halahi angka parenta na sian Au Tuhan Debata ni halahi.”

LUKAS 16:26

Tamba ni i, madung dibaen lung na bidang mangkolangi ho dohot hami, anso ulang tarbaen sian hami on kehe tusi, songon i muse halak na sian i nada tarbaen ro tuson!’

LUKAS 24:21

Hape anggo hami arop hian do rohanami, Ia humani ma na paluahon Israel! Tapi madung salpu tolu ari na masa i!

JOHANNES 6:27

Ulang pola marloja-loja hamu markarejo hara ni sipanganon na ra abis dohot na ra busuk. Markarejo ma hamu, anso dapot hamu sipanganon na so ra busuk jana na mangalehen hangoluan na so mantak. Lehenon ni Anak Ni Jolma i do di hamu panganon i; angke madung dilehen Damang, i ma Debata, kuaso i diSia.”

1 KORINTUS 14:20

Hamu ale angka dongan! Ulang ma songon dakdanak parrohaonmunu. Taringot tu hajahatan, sugari laing tong ma hamu songon dakdanak na menek. Tapi anggo diparrohaon, gabe songon halak na dung impas godang ma hamu.

EPESUS 5:17

Ulang hamu maoto, tapi sihiri hamu ma sanga aha giot ni Tuhan i sibaenonmunu.

PILIPPI 1:9

On do tangiangku salaho tu hamu: Anso nian mur mabagas holong ni rohamunu mardongan parbinotoan na sintong bope dohot panatapan na tumbuk,

PILIPPI 2:12

Hara ni i hamu angka dongan na nihaholongan, songon pangoloimunu tu au dompak di tonga-tongamunu au, saonnari pe haru dung padao-dao, angkon mur olo ma hamu nian tu au. Usahohon hamu ma tongtong anso mur sanggam haluaanmunu i. Mardongan biar dohot hitir ma baen hamu sudena i,

PILIPPI 4:8

Ujungna, ale angka dongan, bagi aha na sintong, na pantun, na tigor, na ias, na jeges, na denggan begeon, angka parange na denggan jana sipujion, i ma pikiri hamu.

KOLOSSE 1:9

I do umbaen na hami tangiangkon hamu tongtong mamungka hami bege taringot tu hamu. Hami pangido do tu Debata anso dilehen Tondi Parbadia nian di hamu hamaloan dohot pangastuion anso diboto hamu tangkas sanga aha na nipangido ni roha ni Debata.

KOLOSSE 2:3

Harana dibagasan Ia do buni sude arta habisuhon dohot hapistaran.

IBRANI 11:6

Muda so marhaporsayaan sanga ise pe nada tarbaen pasonang roha ni Debata. Angke sanga ise na ro tu Debata angkon porsaya do ia na tutu adong Debata jana lehenon ni Debata do upa tu angka na manjalahi Ia.

IBRANI 12:15

Jagohon hamu ma anso ulang adong sanga ise na morot sian asi ni roha ni Debata; anso ulang adong na gabe duri dohot sihupi di tonga-tongamunu na parohon hasusaan jana na mambaen sego halak na bahat.

IBRANI 6:11

Giotnami nian sugari laing ringgas ma hamu, lopus dijagit hamu na niarop ni rohamunu i.

JOSUA 7:3

mulak ma halahi jana paboahon tu si Josua. Didok halahi ma, “Nada pola porlu hita sude kehe mamorangi Ai. Tar dua tu tolu ribu halak pe disuru. Ulang pola sude parangan i disuru tusi laho marporang, harana menek sajo do kota i.”

1 PETRUS 3:7

Bope hamu angka ama, mardongan bisuk ma hamu maradopkon dadaborumunu jana mardongan roha na torang, ingot hamu ma halak na gale do halahi. Sangap ma baen hamu halahi, angke rap na giot hasahatan ni ngolu na tutu na sian Debata do halahi dohot hamu. Di ngolu na songon i, nada adong be na mangambati tangiangmunu maradopkon Tuhan.

2 PETRUS 1:10

Hara ni i hamu ale angka dongan, mur haburjuhon hamu ma markarejo anso mur togu pamioon ni Debata dohot panodoonNia tu hamu. Muda dipatulus hamu songon i, nada jadi be madabu hamu.

2 PETRUS 1:11

Jadi muda songon i, lehenonNa ma di hamu hak na gok anso gabe anggota ni Harajaan Na Manongtong, i ma Harajaan Ni Tuhan dohot Sipalua hita, i ma Jesus Kristus na mamarenta salolot ni lolotna.

2 PETRUS 3:14

Hara ni i hamu angka dongan na nihaholongan, di na painte-intehon Ari i hamu, situtui hamu ma mangkarejohon anso ulang mardosa be hamu jana martihas di jolo ni Debata. Jana ulang so denggan pardomuanmunu tu Debata.

2 PETRUS 3:18

Sai mur pangkilalahon hamu ma hadengganan ni roha ni Tuhan, Sipaluanta i, i ma Jesus Kristus, jana sai mur tangkas ma nian ditanda hamu Ia. Tarpuji ma Ia saonnari bope ro di salolot-lolotna. Amen.