2 PETRUS 1:18 - BIBEL JAMITA NA DENGGAN

¹⁸ Hami bege sandiri do sora i ro sian banua ginjang hatiha i di na rap hami dohot Ia di ginjang ni dolok na badia i.

2 PETRUS 1:18 ပူးပေါင်းရင်းမြစ်များ

HARURUAR 3:1

Di sada ari dompak diparmahan si Musa angka biri-biri dohot hambeng ni si Jetro, tulangnia malim di tano Midian i, jana hatiha mangolat pahan-pahanan i ia tu bariba ni halongonan, lalu ma ia tu Dolok Sinai, i ma dolok na badia.

HARURUAR 3:5

Dung i didok Debata ma, “Ulang padonok. Buka solopmi, angke di tano na badia do ho na jongjong on.”

JESAYA 11:9

Di sude dolokKu na badia, nada adong na jahat sanga pe mara, gok parbinotoan taringot tu Tuhan ma angka luat, songon aek na manggohi dano mangalantap.

JESAYA 56:7

“BoanonKu ma hamu tu dolokKu na badia i, lehenonKu jop ni roha di hamu di bagas paribadatanKu. JagitonKu angka haul na nihaulkonmunu di langgatanKu. Goaran ma bagasKu bagas partangiangan ni sandok bangso.”

ZAKARIA 8:3

Songon on do hata ni Tuhan Na Markuaso i, “Mulak noma Au tu Jerusalem tu kotangKu na badia i, jana maringanan ma Au disi. Tarbarita ma Jerusalem songon kota na tigor jana goaron ma Dolok Ni Tuhan Na Markuaso i, Dolok Na Badia.”

MATEUS 17:6

Dung dibege anak sisean ni Jesus i sora i, mabiar sajo ma halahi jabat tungkap be tu tano i.

JOSUA 5:15

Dialusi panglima ni tentara ni Tuhan i ma, “Buka sipatumi, tano na badia do tano na nijongjonganmi.” Jadi gabe dibuka si Josua ma sipatunia.