2 PETRUS 1:14 - BIBEL JAMITA NA DENGGAN

¹⁴ Angke huboto do, nada pola honok be marujung ma ngolungku, harana madung tangkas dipaboa Tuhanta Jesus Kristus tu au.

2 PETRUS 1:14 ပူးပေါင်းရင်းမြစ်များ

JESAYA 38:12

Tos ma hosangku, dapot ma ajalku, songon undung-undung ni parmahan na dibungkar; songon abit na nigotap sian partonunanna; huambang paujungon ni Tuhan ma ngoluniba.

JOHANNES 13:36

“O Tuhan, na giot tu dia do Ho Tuhan?” ning si Simon Petrus manyapai Jesus. Didok Jesus ma, “Na giot kehe do Au tu sada inganan, tapi nada tarihutkon ho Au tusi saonnari. Tu pudi on pe ihutkononmu Au.”

BAENON NI ANGKA RASUL 20:25

Madung hutogu hamu sudena jana madung hujamitahon muse tu hamu Harajaan Ni Debata. Anggo saonnari ninna rohangku, nada marsuo be au dohot hamu.

2 KORINTUS 5:1

Angke hita boto do, muda dibungkar bandar na taingani na saonnari, i ma pamatang na sian tano on, adong do di hita sada bagas na sian Debata, na so dipature ni tangan ni jolma, na salolot ni lolotna di banua ginjang.

PANGARATAION 31:14

Dung i didok Tuhan ma tu si Musa, “Nada pola lolot be ho mangolu. Jadi piohon ma si Josua, jana oban ma ia tu Bandar ParmiananKu, anso tarlehen Au angka panogu-noguon tusia.” Jadi kehe ma si Musa dohot si Josua tu Bandar Parmianan,

2 TIMOTEUS 4:6

Anggo taringot tu au, madung dapot hatihana mate au songon haul tu Debata. Santongkin nari tadingkononku ma portibi on.

JOSUA 23:14

Saonnari dumpang ma hatihana marujung ngolungku. Hamu sude – pasada-sada – diboto hamu do torang, na dung dilehen Tuhan do sandok na denggan na nijanjihonNia i. Pasada-sada na nijanjihonNia madung dipatulus Ia; umpe sada na so dipatulusSa.

2 PETRUS 1:13

Salolot mangolu au, na patut do huhilala manyungguli hamu taringot tusi.