2 PETRUS 1:10 - BIBEL JAMITA NA DENGGAN

¹⁰ Hara ni i hamu ale angka dongan, mur haburjuhon hamu ma markarejo anso mur togu pamioon ni Debata dohot panodoonNia tu hamu. Muda dipatulus hamu songon i, nada jadi be madabu hamu.

2 PETRUS 1:10 ပူးပေါင်းရင်းမြစ်များ

MASMUR 112:6

Anggo halak na burju nada ganggu, salolot-lolotna do ia niingot.

MASMUR 121:3

Nada padiaronNia ho tinggang madabu, sai jonggor do sipanjagomu.

MASMUR 15:5

jana painjamkon hepeng so marbunga; na so giot manjagit hepeng suap laho mangarugi i halak na so marsala. Halak na mambaen songon i tongtong sonang nada adong manyusai.

MASMUR 37:24

Muda tinggang pe ia, nada jabat poran bugangnia, angke digolom Tuhan do tangannia.

MASMUR 62:2

Hum Ia do na mangondihon dohot na paluahon au, Ia do mambela au, nada taluhonon be au.

MASMUR 62:6

Hum Ia do na mangondingi dohot na paluahon au, Ia do mambela au, nada tartaluhon be au.

JESAYA 56:2

Martua ma halak na mandalankon i, dohot Anak Ni Jolma na marojahan tusi: Na marningot Ari Sabat jana nada dilaosi ari i, dohot na mangorom dirina tu hajahatan.”

MIKA 7:8

Ulang ho marjop ni roha mida au, ale musungku! Angke haru pe madabu au, laing muli jongjong do au. Saonnari di na golap au, tapi sondangan ni Tuhan do au.

MATEUS 22:14

Dung i dipaujung Jesus ma umpama i markite-hite pandohan, “Bahat do nian na niontang tapi hum saotik do na tarpili.”

SURAT NI SI PAULUS TU PARLAGUTAN ROM 11:29

Dibaen nada disolsoli Debata rohaNia, taringot tu na nilehen dohot na nipiohonNia.

2 TIMOTEUS 2:19

Hape anggo ojahan na nibaen ni Debata, ojahan na togu situtu do i jana na so tarhutur. Di ginjangna i tarsurat do, “Ditanda Tuhan do angka nampunaNia,” bope “Sanga ise na mandok nampuna ni Tuhan ia, angkon mantak ma halakna i mambaen dosa”.

IBRANI 6:11

Giotnami nian sugari laing ringgas ma hamu, lopus dijagit hamu na niarop ni rohamunu i.

IBRANI 6:19

Arop ni rohanta i ma na gabe sitiopan na togu jana na pasonangkon rohanta di ngolu on, na dung masuk lalu tu pudi ni tire i.

JAKOBUS 2:10

Harana sanga ise na mangkarejohon sude Tona i, tapi nada dikarejohon ia sada sian i, na marsala do ia maradopkon sasudena i.

JOSUA 7:3

mulak ma halahi jana paboahon tu si Josua. Didok halahi ma, “Nada pola porlu hita sude kehe mamorangi Ai. Tar dua tu tolu ribu halak pe disuru. Ulang pola sude parangan i disuru tusi laho marporang, harana menek sajo do kota i.”

1 PETRUS 1:2

mangihutkon sangkap ni Debata Ama jana na niparbadiai ni Tondi, anso mangoloi Jesus Kristus jana manjagit pamispion ni mudarNia. Mur martamba ma asi ni roha dohot hasonangan di hamu.

1 PETRUS 1:5

Di hamu do i sudena, hara ni na dung porsaya hamu tu Debata. Gabe dijago kuaso ni Debata ma hamu anso dohot hamu manjagit haluaan na dung singkop giot pabotohonon di hatiha parpudi.

2 PETRUS 1:3

Dipio Debata do hita anso dohot hita mangkilalahon hagodanganNa dohot mandai hadengganan ni rohaNia. Mardongan kuasoNia sandiri bope sian na taboto taringot tuSia sandiri, dilehen Debata na mamiohon hita i do tu hita sanga aha na porlu anso mangolu hita songon halak na maribadat tu Debata.

2 PETRUS 1:5

Antong hara ni i, haburjuhon hamu ma markarejo jana tambahon hamu ma di bagasan haporsayaanmunu haburjuon, jana di bagasan haburjuon parbinotoan.

2 PETRUS 3:14

Hara ni i hamu angka dongan na nihaholongan, di na painte-intehon Ari i hamu, situtui hamu ma mangkarejohon anso ulang mardosa be hamu jana martihas di jolo ni Debata. Jana ulang so denggan pardomuanmunu tu Debata.

2 PETRUS 3:17

Tapi anggo hamu angka dongan na nihaholongan, madung diboto hamu taringot tusi. Hara ni i, jonggor ma hamu, anso ulang jabat tarela-ela hamu tu haliluon ni angka halak na so mananda parenta ni Debata, anso ulang madabu hamu sian ojahanmunu i.

JUDAS 1:24

Debata do na margogo manjagohon hamu, anso ulang tinggang, jana na pajongjongkon hamu di adopan ni hasangapanNia di bagasan jop ni roha, jana nada martihas.

HALUMBAAN 22:14

Martua do sanga ise halak na paiaskon baju jubana lopus ias. Halahi do na tola mangankon batu ni hayu hangoluan dohot na tola mandalani masuk tu kota i sian harbanganna i.