2 KORINTUS 9:7 - BIBEL JAMITA NA DENGGAN

⁷ Angkon marguru tu na nionjar ni rohana be ma mangalehen. Ulang pola hara ni na alang-alangan sanga hara ni na tarpaksa, angke dihaholongi Debata do sanga ise na mangalehen sian jop ni roha.

2 KORINTUS 9:7 ပူးပေါင်းရင်းမြစ်များ

1 JUJUR TAON 29:17

Huboto do, na niujimu roha ni ganop halak jana dihalomohon rohamu do halak parroha na ias. Sian sada ni rohangku, di bagasan jop ni roha huhaulkon ma sudena on tu Ho. Madung tangkas huida sanga songon dia bangsoMu na marlagut dison marjop ni roha marsioban haulna be tu Ho.

1 JUJUR TAON 29:9

Sian na nionjar ni rohana diparleheni jolma i ma tu Tuhan jana jop do roha ni halahi hara ni na dung bahat dihaulkon halahi. Raja Daud pe, i noma jop ni rohania.

HARURUAR 25:2

“Suruhon ma halak Israel maroban somba-somba tu Au. Jagiti sajo ma sanga aha na nipasahat ni halahi sian ias ni rohana be.

HARURUAR 35:5

‘Baen hamu ma sian barang sinadonganmunu haul tu hapunjungan di Tuhan; ganop halak na nionjar ni rohana, angkon obanonna do haul hapunjungan tu Tuhan:

PODA 11:25

Halak na mangalehen pasupasu, mur bahat manjagit pasupasu, halak na sai manolong, laing dapotan tolongan ia.

PODA 22:9

Pasupasuon ni Tuhan do halak na denggan marroha, dibaen marbagi rasoki do ia dohot halak na hurangan.

JESAYA 32:5

Halak na bodo nada be etongon na marsangap, jana pargabus nada be didokkon i na jujur.

JESAYA 32:8

Tapi anggo halak na burju roha sai na tigor do i jana pir do i mampartahankon na tigor.

BAENON NI ANGKA RASUL 20:35

Sanga taringot tu pasal bagi aha pe, madung hupatidahon di hamu tiruan na patuduhon angkon urupanta do halak na so margogo markite-hite na marsitutu karejo. Angke angkon ingotonta do, na nidok ni hata ni Tuhan i, ‘Martuaan do halak na mangalehen sian na manjagit.’ ”

SURAT NI SI PAULUS TU PARLAGUTAN ROM 12:8

Halak na laho paingotkon dongan, angkon marsitutu ma paingotkon halak na asing. Halak na marsilehen-lehen na adong disia, angkon sian burju ni roha na patut ma i dibaen. Halak na mamimpin, angkon dihaburjuhon ma na mamimpin i. Halak na maribo ni roha tu na asing, angkon sian jop ni rohana do i baenonna.

2 KORINTUS 8:12

Muda ringgas do rohamunu marsilehen-lehen, jagiton ni Debata do silehen-lehenmunu i marguru tu sinadonganmunu, nada marguru tu na soadamunu.

PANGARATAION 15:14

Sian basa ni roha, lehen hamu ma tusia sanga aha na nibasa-basahon ni Tuhan tu hamu – biri-biri, gandum dohot anggur.

PILEMON 1:14

Tapi nada tarbaen au sanga na aha, anggo so jolo adong isin sian ho. Dumenggan do ninna rohangku muda sian ias ni rohamu sandiri mambaen songon i; nada ra au mamaksa ho.

JAKOBUS 5:9

Ulang mungut-ungut hamu jana marsipasalaan anso ulang diuhumi Debata hamu. Ingot! Ro ma panguhum i.

1 PETRUS 4:9

Marsijagitan ma hamu na sada tu na asing di bagasna be, so pola humolos.