2 KORINTUS 9:4 - BIBEL JAMITA NA DENGGAN

⁴ Harana betak na adong do halak Makedonia rap dohot au sanolion muda ro au mandapotkon hamu. Jadi anggo pola do tardapot halahi hamu laing nada singkop, na pailahon noma i tu hami. Harana ma sanga hami dok, na pos do rohanami tu hamu! Hamu pe tontu gabe maila ma.

2 KORINTUS 9:4 ပူးပေါင်းရင်းမြစ်များ

SURAT NI SI PAULUS TU PARLAGUTAN ROM 15:26

Harana madung saroha angka parlagutan na di Makedonia dohot na di Akaya laho mangalehen pangurupion tu angka dongan na pogos sian tonga-tonga ni dongan sahaporsayaan.

1 KORINTUS 16:2

Ganop Ari Minggu, painding hamu ma ganop be marguru tu pangomoanna be. Simpan hamu ma hepeng i lopus ro au, anso ulang pola papungu-punguhon be muda dung lalu au.

2 KORINTUS 11:17

Jadi saonnari paboaonku ma pamujionku di diringku, tapi nada na nisuru ni Tuhan i au mandok i. Songon jolma na oto do au na mandok on.

2 KORINTUS 8:24

On pe patidahon hamu ma holong ni rohamunu maradopkon halahi jana sanga aha na hami taringoti gabe pujian salaho tu hamu, sai tutu ma nian songon i.

2 KORINTUS 9:2

Angke huboto do na ringgas hamu mangurupi jana hupuji do hamu tu angka dongan na di Makedonia. Hudok do tu halahi, na dung singkop hamu di Akaya on laho mangalehen pangurupion mamungka sian taon na salpu i. Hara ni situtu ni rohamunu i, madung gabe marsitutu muse bahatan sian halahi.

PILEMON 1:19

Au sandiri na manyuratkon dison tu ho: “Au ma si Paulus manggararsa tu ho.” (Tontu nada pola porlu sunggulanku tu ho, paboa na marutang muse do ho tu au, i ma dirimu sandiri.)