2 KORINTUS 9:2 - BIBEL JAMITA NA DENGGAN

² Angke huboto do na ringgas hamu mangurupi jana hupuji do hamu tu angka dongan na di Makedonia. Hudok do tu halahi, na dung singkop hamu di Akaya on laho mangalehen pangurupion mamungka sian taon na salpu i. Hara ni situtu ni rohamunu i, madung gabe marsitutu muse bahatan sian halahi.

2 KORINTUS 9:2 ပူးပေါင်းရင်းမြစ်များ

BAENON NI ANGKA RASUL 18:12

Dung si Galio gabe gubernur di Akaya, satahi ma halak Jahudi mangalo si Paulus jana dioban halahi ma ia tu pangadilan.

BAENON NI ANGKA RASUL 24:17

Dung adong sanga piga-piga taon ro ma au muse tu Jerusalem, mulak ma au laho pasahatkon hepeng pangurupion tu bangsongku, bope laho pasahatkon haul tu Debata.

SURAT NI SI PAULUS TU PARLAGUTAN ROM 15:26

Harana madung saroha angka parlagutan na di Makedonia dohot na di Akaya laho mangalehen pangurupion tu angka dongan na pogos sian tonga-tonga ni dongan sahaporsayaan.

1 KORINTUS 16:15

Adong dope sada nari pangidoanku tu hamu ale angka dongan. Diboto hamu do, anggo si Stefanus dohot donganna sabagas, i ma angka halak na parjolo porsaya di Akhaya, jana dipasahat do dirina mangoloi angka na porsaya.

2 KORINTUS 1:1

Surat sian si Paulus, rasul ni Kristus Jesus markite-hite hagiot ni Debata, dohot sian donganta si Timoteus, manopotkon parlagutan ni Debata na di Korintus, dohot sude dongan sahaporsayaan na di Akaya.

2 KORINTUS 7:14

Hupuji-puji hian do hamu tusia, tuani ma inda pola dipaila hamu au. Tutu do sude na dung hami paboa i tu hamu. Songon i muse sanga na aha na hami puji-puji i hamu tu si Titus, hape tutu muse do.

2 KORINTUS 7:4

Pos situtu do rohangku di hamu. Moga situtu do pangkilalaanku hara ni hamu. Haru pe bahat hasusaan hami taon, tarapul situtu do rohangku hara ni hamu. Jop sajo do rohangku!

2 KORINTUS 8:10

Anggo pandapotku, madung sapatutna hamu pasidungkon sanga aha tohap na nipungkamunu di taon na salpu i. Harana hamu sandiri do mamungka tohap i. Jana pikiran laho mambaen karejo na songon i pe sian hamu do haroro ni i.

2 KORINTUS 8:11

Tapi anggo saonnari patulus hamu ma parkarejoan i anso songon jop ni rohamunu mangoloi dompak i, laing songon i ma lehen hamu saonnari intap ni na adong di hamu.

2 KORINTUS 8:19

Tamba ni i muse, madung dohot donganta i dipili jana diputuskon angka parlagutan i laho mandongani hami di angka pardalanannami. Harana giot mardalani do hami laho pasahatkon sumbangan i, anso marsangap Tuhan i jana anso diida hamu na rade do hami laho mangurupi.

2 KORINTUS 8:24

On pe patidahon hamu ma holong ni rohamunu maradopkon halahi jana sanga aha na hami taringoti gabe pujian salaho tu hamu, sai tutu ma nian songon i.

2 KORINTUS 8:8

Nada songon parenta husosohon i tu hamu. Tapi na patuduhon haburjuon ni angka dongan na asing do mangalehen sumbangan laho mangurupi halak. Au pe giot ujionku do sanga na intap ni dia holong ni rohamunu.

1 TESSALONIKA 1:7

Di na songon i, gabe tiruan do hamu tu sude angka na porsaya na adong di Makedonia dohot na di Akaya on.

IBRANI 10:24

Jana marsipamanatan ma hita sama hita anso tarbaen hita marsiparinggasan patupahon angka na denggan dohot patuduhon holong marsihaholongan.