2 KORINTUS 8:4 - BIBEL JAMITA NA DENGGAN

⁴ gomos do dipangido jana dinungnungi halahi hami, anso dohot halahi mangalehen silehen-lehen tu angka dongan sahaporsayaan.

2 KORINTUS 8:4 ပူးပေါင်းရင်းမြစ်များ

MATEUS 10:42

Sanga ise na mangalehen minum, hum samangkuk aek ngali pe tu sahalak sian angka na menek on hara ni siihutkon Au halahi, angkon dapotan balos do halahi. Songon i ma satutuna!”

MATEUS 12:50

Halak na patuluskon na nipangido ni roha ni Damang na di banua ginjang i, i do kahanggingKu, i do ibotongKu, i do dainang.”

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’

MARKUS 14:7

Anggo halak na pogos tongtong do adong di tonga-tongamunu. Sanga sadihari anggo na ra do hamu, tarurupi hamu do halahi. Tapi anggo Au nada tongtong di lambungmunu.

BAENON NI ANGKA RASUL 11:29

Jadi saroha ma sudena angka na porsaya i tu Jesus laho manongos pangurupion tu angka dongan na tinggal di Judea; marguru tu gogona be ma ditongos.

BAENON NI ANGKA RASUL 16:15

Tardidi ma si Lidia dohot halahi na sabagas. Dung nididihon ia, diontang ia ma hami. Didok ia ma tu hami, “Muda na dung tutu do au porsaya tu Tuhan i dietong rohamunu ale angka dongan, antong di bagasku ma hamu manompang,” ning ia. Digogohon ia ma anso laing hami oloi pangidoannia i.

BAENON NI ANGKA RASUL 24:17

Dung adong sanga piga-piga taon ro ma au muse tu Jerusalem, mulak ma au laho pasahatkon hepeng pangurupion tu bangsongku, bope laho pasahatkon haul tu Debata.

SURAT NI SI PAULUS TU PARLAGUTAN ROM 15:31

Anso malua au sian angka na so porsaya na adong di Judea, jana anso tumbuk tu roha ni halak na porsaya na di Jerusalem karejongki.

1 KORINTUS 16:1

Saonnari taringot tu hepeng na giot silehononmunu ma tu angka donganta sahaporsayaan, anggo anjuranku tu hamu, baen hamu ma i songon na huanjurkon tu angka parlagutan na di Galatia.

1 KORINTUS 16:15

Adong dope sada nari pangidoanku tu hamu ale angka dongan. Diboto hamu do, anggo si Stefanus dohot donganna sabagas, i ma angka halak na parjolo porsaya di Akhaya, jana dipasahat do dirina mangoloi angka na porsaya.

2 KORINTUS 9:1

Anggo salaho tu bantuan na nitongos i tu angka dongan sahaporsayaan, indangkon pola be mambaen surat au tu hamu.

GALATIA 2:10

Hum on sajo ma i pangidoan ni halahi: Anso hami parrohahon halak na pogos. Jana pangalaho na songon i muse ma jop ni rohangku.

GALATIA 6:10

Jadi salolot adong dope hatiha di hita, angkon sangahononta do mambaen na denggan tu sude halak, lumobi tu angka donganta sahaporsayaan.

1 TIMOTEUS 5:10

tarbarita ia songon sada ina na dung mambaen pangalaho na denggan; isarana: Denggan dipagodang-godang ia angka dakdanaknia, sonang rohana manjagit angka tamu di bagasna, tata bohina manyambut angka na porsaya, dohot na mangurupi halak na susa – pendekna madung dibaen ia sian situtu ni rohana sude ragam ni karejo na denggan.

IBRANI 6:10

Nada Debata na so tigor. Nada halupahononNia sanga aha na denggan na nibaenmunu tuSia. Sai na ingotonNia do holong ni roha na nipatuduhonmunu tuSia di bagasan pangurupionmunu na nipasahatmunu maradopkon angka dongan Kristen na asing i. Jana lopus saonnari pe laing dilehen hamu do pangurupion i.