2 KORINTUS 8:3 - BIBEL JAMITA NA DENGGAN

³ Huida sandiri do dipasahat halahi intap na adong, deba lobi sian i dope tehe. Indangkon pola adong na marsuru,

2 KORINTUS 8:3 ပူးပေါင်းရင်းမြစ်များ

1 JUJUR TAON 29:9

Sian na nionjar ni rohana diparleheni jolma i ma tu Tuhan jana jop do roha ni halahi hara ni na dung bahat dihaulkon halahi. Raja Daud pe, i noma jop ni rohania.

MASMUR 110:3

Di ari haroromu mardongan kuaso maju ma rayatmu sian na nionjar ni rohana mardongan habadiaan. Songon ombun manyogot-nyogot marroan angka doli-doli mandapotkon ho.

HARURUAR 35:29

Marsioban sian na nionjar ni rohana be ma sude halak Israel baen haul ni halahi tu Tuhan, sipakeon tu parkarejoan na niparentahon ni Tuhan markite-hite si Musa.

HARURUAR 35:5

‘Baen hamu ma sian barang sinadonganmunu haul tu hapunjungan di Tuhan; ganop halak na nionjar ni rohana, angkon obanonna do haul hapunjungan tu Tuhan:

MARKUS 14:8

Anggo anak boru on, ma dibaen ia intap ni na lobas gogonia. Dompak so dapot dope hatihana ma dihobasi ia hian Au dohot miak na huskus i tu hatiha hatatanomKu.

BAENON NI ANGKA RASUL 11:29

Jadi saroha ma sudena angka na porsaya i tu Jesus laho manongos pangurupion tu angka dongan na tinggal di Judea; marguru tu gogona be ma ditongos.

SURAT NI SI PAULUS TU PARLAGUTAN ROM 10:2

Dibaen husaksihon do taringot tu halahi, na ringgas do halahi di Debata, tapi nada dohot roha na mangastui.

1 KORINTUS 16:2

Ganop Ari Minggu, painding hamu ma ganop be marguru tu pangomoanna be. Simpan hamu ma hepeng i lopus ro au, anso ulang pola papungu-punguhon be muda dung lalu au.

1 KORINTUS 9:17

Sugari ma rupani hara ni giot-giotku sandiri sajo na mandalankon karejo i, tontu tola ma au mararop ni roha manjagit upa. Tapi nada hagiotku manjamitahon Jamita Na Denggan i. Debata do marsuru au mandalankon i.

GALATIA 4:15

I noma jop ni rohamunu hatiha i. Hape saonnari, ma di dia hamogaanmunu i? Huoku do anggo di hatiha i salang mangholuk matamunu sandiri rade do hamu anso lehenonmunu di au sugari tarbaen songon i.

PILIPPI 2:13

angke Debata sandiri do na markarejo di bagasan dirimunu, na mambaen hamu gabe ra jana sanggup pasonangkon roha ni Debata.

KOLOSSE 4:13

Husaksihon sandiri do na dung marsitutu ia karejo manyarihon hamu dohot angka dongan na di Laodikea dohot Hierapolis.

1 TESSALONIKA 2:8

Songon i do hami, di bagasan holong ni rohanami na situtu di hamu, nada hum Jamita Na Denggan i, tapi dohot do ngolunami sandiri hami lehen di hamu.

PILEMON 1:14

Tapi nada tarbaen au sanga na aha, anggo so jolo adong isin sian ho. Dumenggan do ninna rohangku muda sian ias ni rohamu sandiri mambaen songon i; nada ra au mamaksa ho.

1 PETRUS 4:11

Sanga ise na marjamita, barita na sian Debata ma dijamitahon; sanga ise na mangurupi halak na asing, mangasahon gogo na sian Debata ma ia mangurupi, anso tarpasangap Debata markite-hite Jesus Kristus di bagasan sasudena i. Ia do na markuaso jana na patut pasangapon salolot-lolotna. Angkon songon i ma na sapatutna. Amen.

1 PETRUS 5:2

anso parmahani hamu punguan ni biri-biri ni Debata na nipasahat tu hamu. Sonang ma rohamunu marmahani halahi songon na nihagiotan ni Debata, ulang ma borat rohamunu. Jana ulang ma hum hara ni na giot manjalahi labo baen hamu, tapi hara ni situtu ni rohamunu ma mangoloi.