2 KORINTUS 7:9 - BIBEL JAMITA NA DENGGAN

⁹ Tapi anggo saonnari jop do rohangku nada hara ni na gabe marsak i hamu, tapi hara ni na dung muba do pangalahomunu hara ni arsak ni rohamunu i. Denggan do tutu di Debata arsak ni rohamunu na songon i. Jadi, nada rugi hamu hami baen.

2 KORINTUS 7:9 ပူးပေါင်းရင်းမြစ်များ

MASMUR 38:18

Huoku do hasalaanku, marsak rohangku hara ni angka dosangku.

PARJAMITA 7:3

Gumonan do hamarsahan umpado na martata. Padiar ma murhing bohi, asal ma bahat pangastuion.

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

MATEUS 3:8

Baen hamu ma pangalaho na pataridahon na dung muba rohamunu, sian angka dosamunu.

LUKAS 15:10

Hudok ma di hamu! Laing songon i ma angka surusuruan ni Debata. Marjop ni roha ma halahi muda adong sada halak na jahat paubahon rohana.”

LUKAS 15:32

Tapi anggo saonnari na patut do hita mambaen pesta jop ni roha, angke na dung mate do anggimi, hape saonnari mulak mangolu; madung lilu ia, hape saonnari madung mulak.’ ”

LUKAS 15:7

Laing songon i ma pangalahona di banua ginjang i, tangkas ma Hupaboa di hamu! Jumop do roha ni Tuhan hara ni sada halak na jahat na pauba rohana sian angka dosana ulang pado sisambilan pulu sambilan halak na denggan roha na so porlu paubahon roha.”

BAENON NI ANGKA RASUL 20:21

Sanga na tu halak Jahudi pe sanga na tu bangso na asing, sai tongtong do hupaingot anso dipauba halahi be rohana sian angka dosa ni halahi jana anso ro mandapotkon Debata bope anso porsaya tu Tuhan Jesus.

2 KORINTUS 1:12

Anggo na pagodang rohanami on do: Dipapos taroktoknami do rohanami taringot tu sude na hami karejohon di tano on – lumobi na marpardomuan tu hamu – sian roha na ias jana na polin na sian Debata do hami baen i sudena, nada sian habisuhon ni portibi, tapi sian asi ni roha ni Debata do.

2 KORINTUS 2:16

Anggo di halak na giot kehe tu hamagoan, sarupa tu uap ni bangke na mamatehon do hami; tapi anggo di angka na nipalua, songon uap na maroban tu hangoluan do hami. Antong, ise ma na tama tu karejo on?

2 KORINTUS 7:8

Haru pe gabe marsak hamu hara ni suratki, nada manyosal au na hubaen i surat i. Tutu nian songon na manyosal do au dung huida gabe marsak hamu – haru pe nian hum parsantongkinan arsak ni rohamunu i.