2 KORINTUS 7:8 - BIBEL JAMITA NA DENGGAN

⁸ Haru pe gabe marsak hamu hara ni suratki, nada manyosal au na hubaen i surat i. Tutu nian songon na manyosal do au dung huida gabe marsak hamu – haru pe nian hum parsantongkinan arsak ni rohamunu i.

2 KORINTUS 7:8 ပူးပေါင်းရင်းမြစ်များ

ANDUNG 3:32

Haru pe dibaen Ia hita susa, tapi nauli basa do anggo Tuhan, hot do holong ni rohaNia marlobi-lobian.

JOHANNES 16:6

Mur hancit muse noma rohamunu dung Hupaboa na songon i tu hamu.

JOHANNES 21:17

Patolu-nolihon laing disapai Jesus dope tusia, “O Simon anak ni si Jona. Holong do rohamu mida Au?” ning Ia. Gabe marsak ma si Petrus hara ni na nisapaan ni Jesus i ia jabat tolu noli di na nidok ni Jesus, “Holong dehe rohamu mida Au?” Tapi laing dialusi si Petrus ma, “O Tuhan diboto Ho do Tuhan sasudena. Diboto Ho do Tuhan na holong rohangku mida Ho!” Dung i didok Jesus ma tusia, “Antong parmahani ma angka biri-biringKi.

2 KORINTUS 7:11

Ligi hamu ma jolo antong sanga aha do na ro sian hamamarsak na sian Debata i! Gabe diparayak hamu ma laho padenggankon na gaor. I ma suhana! Gabe magigi hamu mida dosa, gabe mabiar hamu, malungun hamu, gabe marsitutu, gabe ra hamu manguhum na sala! Di bagasan sudena parsoalan on madung dipatuduhon hamu na so marsala hamu.

2 KORINTUS 7:12

Jadi haru pe madung hubaen surat i tu hamu, nada hara ni halak na sala i nibaen surat i. Nada muse hara ni angka na dung marnyae dibaen hasalaan i. Hubaen pe surat i anso diboto hamu sandiri do di jolo ni Debata sanga na bia tangkasna diparrohahon hamu hami.

2 KORINTUS 7:6

Tapi tuani ma, sai dipagodang Debata do roha ni halak na menek roha; dipatogar Ia do rohanami markite-hite haroro ni si Titus.

2 KORINTUS 7:7

Nada hum hara ni haroro ni si Titus umbaen na tarapul rohanami, tapi dohot do hara ni boa-boania na tarapul ia sandiri hara ni hamu. Pandoknia tu hami: Na lungun sajo do rohamunu marsuo dohot au; na manyosal situtu rohamunu jana saonnari sian sonang ni rohamunu giot urupanmunu ma au. Angka i ma na mambaen mur tamba jop ni rohangku.

2 KORINTUS 7:9

Tapi anggo saonnari jop do rohangku nada hara ni na gabe marsak i hamu, tapi hara ni na dung muba do pangalahomunu hara ni arsak ni rohamunu i. Denggan do tutu di Debata arsak ni rohamunu na songon i. Jadi, nada rugi hamu hami baen.

HALUMBAAN 3:19

Sanga ise halak na Huhaholongi, i do na Humuruhi dohot na Husambok. Hara ni i, angkon marsitutu ma hamu jana pauba hamu ma rohamunu.