2 KORINTUS 7:7 - BIBEL JAMITA NA DENGGAN

⁷ Nada hum hara ni haroro ni si Titus umbaen na tarapul rohanami, tapi dohot do hara ni boa-boania na tarapul ia sandiri hara ni hamu. Pandoknia tu hami: Na lungun sajo do rohamunu marsuo dohot au; na manyosal situtu rohamunu jana saonnari sian sonang ni rohamunu giot urupanmunu ma au. Angka i ma na mambaen mur tamba jop ni rohangku.

2 KORINTUS 7:7 ပူးပေါင်းရင်းမြစ်များ

MASMUR 141:5

Muda digorahon sanga diuhum halak na tigor au, i ma da sada pangalaho na denggan di au. Tapi anggo pamuji ni halak na jahat nada hujagit i, angke sai torus do au martangiang mangalo hajahatanna i.

MASMUR 30:5

Angke hum santongkin sajo do muruk Tuhan, hadenggananNa do mardalan salolot iba di hangoluan. Saborngin sajo do au tangis, hape maroban hamogaan ma mataniari bincar.

MASMUR 38:18

Huoku do hasalaanku, marsak rohangku hara ni angka dosangku.

MASMUR 51:1

Ibo ma jolo rohaMu mida au, ale Debata mangihutkon denggan ni rohaMu dohot holong ni rohaMu. Sesa ma pangalaosingku mangihutkon ibo ni rohaMu.

MATEUS 26:75

Jana taringot ma tu roha ni si Petrus hata ni Jesus tusia, “Dompak so martahuak manuk, madung diporso ho Au tolu noli.” Kehe ma si Petrus tu balian tangis panguncombopon.

MATEUS 5:4

Martua ma halak na marsak roha; angke na giot apoan do roha ni halahi.

LUKAS 22:44

Mabiar situtu do Jesus, gabe mur marsitutu ma Ia na martangiang i. Songon mudar noma hodokNia manetehi tu tano i.]

BAENON NI ANGKA RASUL 11:23

Jana dung lalu si Barnabas disi, diida ia ma sanga na bia pamasumasu ni Debata di halahi, gabe jop sajo ma rohania. Dung i dipaingot ia ma halahi anso tongtong marsihohot tu Tuhan i.

SURAT NI SI PAULUS TU PARLAGUTAN ROM 1:12

Astuanna na hudok i, dibaen na dung rap porsaya do hita, gabe tarbaen hita ma rap marsipatoguan roha.

1 KORINTUS 5:2

Haru ma songon i, hape laing pagodang-godang diri dope hamu. Angkon marsak ma hamu nian, jana paorotonmunu ma halak na marpangalaho sisongon i sian tonga-tongamunu.

2 KORINTUS 1:14

Jadi muda ro Tuhan Jesus muse, moga ma hamu hara ni hami songon moga ni rohanami di hamu.

2 KORINTUS 1:4

Diapoi Ia do rohanami di bagasan sasudena hasusaan na hami bolus, anso tarapoi hami muse ma roha ni halak na di bagasan hasusaan markite-hite gogo na hami jagit i sian Debata.

2 KORINTUS 2:9

Hubaen pe surat i tu hamu, laho manguji rohamunu do au sanga na tongtong do hamu ra mangoloi angka sipaingotku.

2 KORINTUS 5:2

Holsoan do hita anggo di bagasan bandarta na saonnari on, hara ni lungun ni rohanta tu bagasta na sian banua ginjang i anso dipapakehon ma i tu hita.

2 KORINTUS 7:6

Tapi tuani ma, sai dipagodang Debata do roha ni halak na menek roha; dipatogar Ia do rohanami markite-hite haroro ni si Titus.

2 KORINTUS 7:8

Haru pe gabe marsak hamu hara ni suratki, nada manyosal au na hubaen i surat i. Tutu nian songon na manyosal do au dung huida gabe marsak hamu – haru pe nian hum parsantongkinan arsak ni rohamunu i.

2 KORINTUS 8:16

Tarimakasi do hami dok tu Debata hara ni na dung mangalehen ringgas ni roha tu si Titus gabe songon hami laho mangurupi hamu!

PILIPPI 1:20

Hum on ma i na sai hupangidohon dohot na huaropkon: Ulang nian gabe so tulus sidung karejongku. Sai diarop rohangku do tongtong lumobi saonnari anso mur puluk au sian sudena roha bope pamatangku – sanga mangolu sanga na mate pe au – laing nipasangap ma Kristus.

KOLOSSE 2:5

Angke haru pe dao au sian hamu, anggo tondingku rap do dohot hamu. Jana jop do rohangku mida hamu, di na togu hamu mangkaporsayai Kristus jana marsada roha.

1 TESSALONIKA 3:6

Saonnari madung mulak si Timoteus jana madung dipalalu ia barita jop ni roha taringot tu haporsayaan dohot holong ni rohamunu. Pandoknia tu hami, denggan do parningotanmunu taringot tu hami di bagasan rohamunu. Jana por do rohamunu sugari mida hami, laing songon por ni rohanami sugari mida hamu.

1 TESSALONIKA 3:8

gabe mangolu ma pangkilalaannami saonnari, asal ma sai tongtong hamu mangkaporsayai Tuhan i.

IBRANI 2:1

Hara ni i ma umbaen na porlu hita mur manat tu angka na hita bege, anso ulang mayup hita.

JAKOBUS 5:17

Si Elia pe laing jolma humani do, sarupa dohot hita. Marsitutu do ia martangiang anso ulang ro udan, jana nada ro udan tolu satonga taon honokna.

2 JOHANNES 1:4

Jop sajo do rohangku dung huboto, na adong do hape angka dakdanaknami na mangolu mangihutkon jamita na sintong i na sian Debata songon na dung diparentahon ni Ama i tu hita.

JUDAS 1:3

Angka dongan na nihaholongan! Tutu situtu do ringgas do rohangku mambaen surat on tu hamu taringot tu haluaan na dung tadalani i. Tapi saonnari taronjar do rohangku paingot hamu markite-hite surat on anso laing torus hamu marjuang hara ni haporsayaan i na nilehen tu angka halak na badia.