2 KORINTUS 7:5 - BIBEL JAMITA NA DENGGAN

⁵ Di na lalu pe hami tu Makedonia, laing so marnamantak do hasusaan sian hami. Dihaliangi hasusaan do hami; parsalisian sian pihak na asing dohot biar ni roha sian hami sandiri.

2 KORINTUS 7:5 ပူးပေါင်းရင်းမြစ်များ

PAMUNGKAAN 8:9

Tapi dibaen ditutup aek i dope sude tano, nada dapot darapati i inganan hasonggopanna. Jadi gabe mangulahi ma ia ro tu kapal i, jana disurduhon si Noak ma tanganna pamasukkonsa mangulahi tu bagasan.

JOB 18:11

Sai na manginte do na jorbut sian sasudena tu halak na jahat; diayak-ayak biar do sian langka na sada tu langka na sada.

JESAYA 33:12

Nitutungan ma angka bangso gabe kapur baen soda, jana nitutungan di bagasan api songon sihirput na dirambas.

JEREMIA 20:10

Tarbege ma halak marhusipi di sude inganan, “Biar noma na marroha-roha! Beta ma hita aduhon ia tu raja!” Salangkan angka ale-alengku sudena paintehon hadadabungku noma. Didok halahi, “Aropku marhite elek-elek, tartaluhon hita do i, anso tarbaen hita palalu hosom tusia.”

JEREMIA 45:3

humolos do ho songon on, ‘Iale, na sial ma antong iba on! Bahatna antong hasusaanku, hape laing ditamba Tuhan muse dope dohot parkancitan. Loja au na humolos i, so adong saotik pe hasonangan!’

JEREMIA 6:25

Nada puluk hami ruar tu dalan sanga kehe tu balian, angke di sude inganan sai mambaen gogo do angka musu na marsinjata.

JEREMIA 8:18

Mabugang ate-atengku jana maniak, nada haubatan pardangolanniba.

BAENON NI ANGKA RASUL 20:1

Jadi dung mantak hagaoron na di Epesus i, dipalagut si Paulus ma sudena parlagutan i, laho paingotkon halahi. Dung i marhata partinggal ma ia tu halahi, didalani ia ma tu Makedonia.

SURAT NI SI PAULUS TU PARLAGUTAN ROM 15:26

Harana madung saroha angka parlagutan na di Makedonia dohot na di Akaya laho mangalehen pangurupion tu angka dongan na pogos sian tonga-tonga ni dongan sahaporsayaan.

1 KORINTUS 15:31

Hamu ale angka dongan! Ganop ari do manaon parkancitan au hara ni moga ni rohangku mida ngolumunu na porsaya hamu tu Kristus Jesus Tuhanta i.

1 KORINTUS 16:5

Giot topotonku do hamu, dung hubolus Makedonia, harana adong do maksudku mamolus sian i.

2 KORINTUS 2:13

Tapi inda sonang huhilala, hara ni na so marsuo au dohot donganta si Titus disi. Gabe huparmisihon noma tu halak kota i lalu kehe au tu Makedonia.

2 KORINTUS 2:3

Hara ni i do umbaen na husuratkon songon i tu hamu. Nada ra au ro manopot hamu anso marsak, harana hamu do na sapatutna angkon pajop rohangku. Harana pos do rohangku, muda marjop ni roha au, dohot do hamu sude marjop ni roha.

2 KORINTUS 2:9

Hubaen pe surat i tu hamu, laho manguji rohamunu do au sanga na tongtong do hamu ra mangoloi angka sipaingotku.

GALATIA 4:11

Songon na gamang do au, betak na parcuma do halolojangki dibaen hamu!

PANGARATAION 32:25

Parporangan mambaen marmatean di dalan-dalan, na di bagas pe didondoni habiaran. Naposo nauli bulung jagar-jagar ni bangso ma giot mate na baru sorang, na maradu tobang pe nada dia imbarna be.

1 TESSALONIKA 3:5

Jadi dung so tartaon be lungunna, gabe husuru ma si Timoteus, anso huboto sanga na bia pangalaho ni haporsayaanmunu. Songon na ganggu do rohangku betak na nigoda ni tukang goda i do hamu, gabe sayang sude halojaonnami i.