2 KORINTUS 7:4 - BIBEL JAMITA NA DENGGAN

⁴ Pos situtu do rohangku di hamu. Moga situtu do pangkilalaanku hara ni hamu. Haru pe bahat hasusaan hami taon, tarapul situtu do rohangku hara ni hamu. Jop sajo do rohangku!

2 KORINTUS 7:4 ပူးပေါင်းရင်းမြစ်များ

BAENON NI ANGKA RASUL 5:41

Morot ma halahi sian rapot ugamo i mardongan jop ni roha, harana na dung dietong roha ni halahi do patut marlayas hara ni Jesus.

SURAT NI SI PAULUS TU PARLAGUTAN ROM 5:3

Tapi nada hum i sajo, di bagasan pardangolan pe laing marmoga-moga ma hita, angke madung taboto gabe mur sobar do halak dibaen pardangolan,

1 KORINTUS 1:4

Sai tongtong do au mandok tarimakasi tu Debata hara ni hamu, dibaen madung dijagit hamu basa-basa na sian Debata markite-hite Jesus Kristus.

2 KORINTUS 1:14

Jadi muda ro Tuhan Jesus muse, moga ma hamu hara ni hami songon moga ni rohanami di hamu.

2 KORINTUS 1:4

Diapoi Ia do rohanami di bagasan sasudena hasusaan na hami bolus, anso tarapoi hami muse ma roha ni halak na di bagasan hasusaan markite-hite gogo na hami jagit i sian Debata.

2 KORINTUS 10:8

Nada pola ila rohangku muda jotjot pe hupaboa-boa kuaso na nilehen ni Tuhan di hami, harana na giot mambangun hamu do i umbaen na dilehen, nada na giot manyegohon.

2 KORINTUS 11:21

Songon na ila do rohangku mandok na magaletu hami laho mambaen songon i. Tapi muda adong halak na puluk pagodang diri, au pe puluk do mambaen songon i. (Songon halak na oto do au mandok on.)

2 KORINTUS 2:14

Tapi tarimakasi ma di Debata, tongtong do diuluhon Ia hami mangihutkon uduran ni hamonangan ni Kristus. Dipake Debata do hami anso songon uap na huskus jamita taringot tu Kristus i.

2 KORINTUS 3:12

Harana sisongon i do na niarop ni rohanami, gabe puluk ma hami mangkatahon na songon i.

2 KORINTUS 7:14

Hupuji-puji hian do hamu tusia, tuani ma inda pola dipaila hamu au. Tutu do sude na dung hami paboa i tu hamu. Songon i muse sanga na aha na hami puji-puji i hamu tu si Titus, hape tutu muse do.

2 KORINTUS 8:24

On pe patidahon hamu ma holong ni rohamunu maradopkon halahi jana sanga aha na hami taringoti gabe pujian salaho tu hamu, sai tutu ma nian songon i.

PILIPPI 1:14

Jana dung di bagasan hurungan on au, gabe bahatan ma angka dongan sahaporsayaan gabe mur marpos ni roha tu Tuhan, mambaen halahi gabe mur puluk manjamitahon hata ni Debata so pola mardongan biar.

PILIPPI 1:20

Hum on ma i na sai hupangidohon dohot na huaropkon: Ulang nian gabe so tulus sidung karejongku. Sai diarop rohangku do tongtong lumobi saonnari anso mur puluk au sian sudena roha bope pamatangku – sanga mangolu sanga na mate pe au – laing nipasangap ma Kristus.

PILIPPI 1:26

Hara ni i, muda dung lalu au di tonga-tongamunu, mur bahat ma pamujianmunu di bagasan Kristus Jesus hara ni au.

PILIPPI 2:17

Betak na angkon dohot dope haulkononku pamatangkon pasanggamkon haul na ni haulkonmunu i di bagasan haporsayaanmunu na gok tu Debata. Muda pe angkon songon i, mandok tarimakasi do au tu Debata hara ni i jana dohot ma au marjop ni roha rap dohot hamu.

KOLOSSE 1:24

Saonnari jop do rohangku manaon parkancitan laho pasari-sari hamu. Angke hara ni sitaonon na adong di pamatangkon, hupaujung do sanga aha dope na angkon taonon ni Kristus hara ni parlagutanNia i, i ma pamatangNia i.

1 TESSALONIKA 2:19

Ise dope lakna arop ni rohanami bagi hajojop ni rohanami dohot tuku hasangapannami di adopan ni Jesus Tuhanta i, hatiha haroroNia? Nada he hamu do i?

1 TESSALONIKA 2:2

Diboto hamu do dompak so ro hami mandapotkon hamu tu Tessalonika, na dung jolo marhancit do hami jana marlayas di Pilippi. Hape madung dilehen Debata do tu hami habaranion laho manjamitahon Jamita na Denggan na sian Debata i tu hamu haru bahat pe paraloan tu hami.

2 TESSALONIKA 1:4

Hara ni i do umbaen na hami puji hamu di tonga-tonga ni sude angka parlagutan ni Debata. Sian godang ni rohanami, hami paboa do sanga na bia togu ni rohamunu dohot haporsayaanmunu tu Kristus i di tonga-tonga ni siksaan dohot parkancitan na nitaonmunu.

PILEMON 1:7

Hara ni holong ni rohami Pilemon, gabe tamba do jop ni rohangku jana mur maringgas! Gabe tarapul do sude roha ni angka dongan sahaporsayaan hara ni ho.

JAKOBUS 1:2

Hamu angka dongan! Muda manaon pandugaan na marragam-ragam hamu, etong hamu ma i songon sada hauntungan.