2 KORINTUS 7:11 - BIBEL JAMITA NA DENGGAN

¹¹ Ligi hamu ma jolo antong sanga aha do na ro sian hamamarsak na sian Debata i! Gabe diparayak hamu ma laho padenggankon na gaor. I ma suhana! Gabe magigi hamu mida dosa, gabe mabiar hamu, malungun hamu, gabe marsitutu, gabe ra hamu manguhum na sala! Di bagasan sudena parsoalan on madung dipatuduhon hamu na so marsala hamu.

2 KORINTUS 7:11 ပူးပေါင်းရင်းမြစ်များ

NEHEMIA 13:25

Hugorahon antong halahi jana huburai. Adong do na hubalbali jana hujangging obukna i, dung i husuru ma halahi marsumpa mangasahon goar ni Debata songon on: “Na so jadi lehenonmunu borumunu tu anak ni halahi, jana na so jadi alaponmunu boru ni halahi bahen dadaborumunu, sanga bahen dadaboru ni anakmunu sandiri!”

JOB 42:6

Jadi gabe ila do rohangku paingot-ingot sude hatangku jana juguk di abu dohot orbuk do au manyolsoli rohangku.”

MASMUR 119:139

Marsigorgor do murukku, hara ni na layas roha ni musungku di pangajaranMu.

MASMUR 130:6

Sai huhalungunkon do Tuhan, lumobi sian lungun ni panjago na paintehon torang ni ari, lumobi sian panjago malam na paintehon mataniari bincar.

MASMUR 145:19

Dipasonang Ia do roha ni angka na burju marugamo, ditangihon Ia do pio-pio ni halahi jana dipalua Ia.

MASMUR 2:11

Haburjuhon hamu ma mamuji Tuhan paunduk hamu ma marsomba di joloNa jana humitir.

MASMUR 35:13

Dompak marnyae halahi, marsak do au jana nada mangan, martangiang au lalu paunduk simanjujung,

MASMUR 38:9

Tuhan, diboto Ho do sandok lungun ni rohangku, nada buni di Ho holos ni rohangku.

MASMUR 42:1

Songon ursa na manghalungunkon batang aek, songon i do tondingku manghalungunkon Ho, ale Debatangku.

MASMUR 69:9

Holong ni roha tu BagasMu pagurgurkon rohangku, incak ni halak na palayas goarMu mandondoni au.

PODA 14:16

Jamot do halak na bisuk jana dipasimbil do hajahatan, tapi muda halak na oto dipapuas do hagiotna jana jop rohana.

PODA 28:14

Tongtong ma pasangap Tuhan, gabe martua ma ho. Muda dialo ho Ia, dapot mara ma ho.

ENDE NA GODANG 8:6

Sai tulus ma anggimon hasian ni roha ni dangkang, ulang haol sanga na ise pe asing sian anggimon. Togu do holong ni roha i, atehe, sagogo ni hamatean do holong ni roha i; songon inganan ni na mate do tohong ni holong ni roha. Songon parjimbur ni jilam ni api, marjilam-jilam songon api na hagaraanna.

JESAYA 26:8

Hami patulus do giotMu, ale Tuhan, hum Ho sajo do haposannami dohot lungun ni rohanami.

JESAYA 66:2

Nada he tanganKu do mambaen sasudena umbahen masa na songon on? Songon i do pandok ni Tuhan. Tapi tu halak si songon on ma nolnol Au marnida, jolma na tartindas dohot na maheu, na mabiar tu hatangKu.

DANIEL 6:14

Didok halahi muse ma tu raja i, “Si Daniel sada halak buangan na sian Juda, nada dipasangap ia raja i, songon i dohot parenta ni raja i nada dioloi ia. Torus do ia martangiang tolu noli sadari.”

MARKUS 3:5

Marsak ma Jesus hara ni pir ni roha ni halahi. Jadi muruk ma Jesus marnida halahi na humaliang i, didok Ia ma tu bayo i, “Pahortang ma tanganmi!” Dipahortang ia ma tangannia i dung i gabe malum ma.

JOHANNES 2:17

Dung i tarsingot ma tu roha ni angka siseanNia i ayat na di Buku Na Badia i songon on, “Holong ni roha maradopkon BagasMu, sai marsigorgor do songon api na mambaen mosok!”

BAENON NI ANGKA RASUL 17:16

Di na painte-intehon si Silas dohot si Timoteus si Paulus di Atena, marsak ma rohania mida kota i hara ni gokna disi angka gana-ganaan.

SURAT NI SI PAULUS TU PARLAGUTAN ROM 11:20

Tutu do nian songon i. Tapi diambungkon pe halahi, hara ni na so porsaya do halahi, jana dijagit pe ho hara ni na porsaya do ho. Jadi ulang pola gabe ginjang rohamu hara ni i; gari ada angkon mabiar do ho.

SURAT NI SI PAULUS TU PARLAGUTAN ROM 14:18

Sanga ise na mangoloi Kristus songon i, i ma halak na pasonang roha ni Debata jana diargahon angka dongan na asing.

SURAT NI SI PAULUS TU PARLAGUTAN ROM 3:5

Tapi muda mur tarida na tigor Debata hara ni na tabaen na so tigor, aha ma na tardok hita? Na geduk ma he lakna Debata muda diparo Ia rimasNia? (Mangihutkon hata ni jolma do na hudok i.)

1 KORINTUS 12:25

Jadi muda songon i, nada marbagi-bagi be pamatang i; marsipasari-sarian do i na sada tu na asing.

1 KORINTUS 5:2

Haru ma songon i, hape laing pagodang-godang diri dope hamu. Angkon marsak ma hamu nian, jana paorotonmunu ma halak na marpangalaho sisongon i sian tonga-tongamunu.

2 KORINTUS 13:7

Hami tangiangkon do tu Debata anso diurupi Ia nian hamu ulang mambaen na jat. Nada na giot paboa-boahon na malo hami mandalankon tugasnami, tapi anso dikarejohon hamu do sanga aha na denggan sibaenonmunu – haru pe idaon songon na gagal hami, nada pola bia i!

2 KORINTUS 2:6

Anggo tu halak na songon i pangalahona, tuk ma holau uhuman na dung somal na nidalankonmunu i baen hamu tu halakna i.

2 KORINTUS 6:4

Tapi di bagasan sasudena pangalahonami, hami patuduhon do na tutu do hami pangoloi ni Debata. Sude hasusaan na marragam rupa, sobar do hami manaonkon i:

2 KORINTUS 7:1

Antong hamu ale dongan na nihaholongan! Tu hita do dibaen angka janji i sudena. Tapaias ma dirinta sian sasude na pahodarkon pamatang dohot rohanta. Tahabiari ma Debata, anso sanggam tarbaen hita mangolu mamunjung tu Debata.

2 KORINTUS 7:7

Nada hum hara ni haroro ni si Titus umbaen na tarapul rohanami, tapi dohot do hara ni boa-boania na tarapul ia sandiri hara ni hamu. Pandoknia tu hami: Na lungun sajo do rohamunu marsuo dohot au; na manyosal situtu rohamunu jana saonnari sian sonang ni rohamunu giot urupanmunu ma au. Angka i ma na mambaen mur tamba jop ni rohangku.

2 KORINTUS 7:9

Tapi anggo saonnari jop do rohangku nada hara ni na gabe marsak i hamu, tapi hara ni na dung muba do pangalahomunu hara ni arsak ni rohamunu i. Denggan do tutu di Debata arsak ni rohamunu na songon i. Jadi, nada rugi hamu hami baen.

2 KORINTUS 9:2

Angke huboto do na ringgas hamu mangurupi jana hupuji do hamu tu angka dongan na di Makedonia. Hudok do tu halahi, na dung singkop hamu di Akaya on laho mangalehen pangurupion mamungka sian taon na salpu i. Hara ni situtu ni rohamunu i, madung gabe marsitutu muse bahatan sian halahi.

EPESUS 4:26

Muda muruk hamu, ulang oloi hamu gabe jabat mardosa hara ni na muruk i. Ulang ma muruk hamu sasadari.

EPESUS 5:11

Ulang dohoti hamu angka jolma na mambaen parange na golap angka na so marguna. Gumonanan do gorahon hamu angka na songon i. (

PILIPPI 2:12

Hara ni i hamu angka dongan na nihaholongan, songon pangoloimunu tu au dompak di tonga-tongamunu au, saonnari pe haru dung padao-dao, angkon mur olo ma hamu nian tu au. Usahohon hamu ma tongtong anso mur sanggam haluaanmunu i. Mardongan biar dohot hitir ma baen hamu sudena i,

1 TESSALONIKA 4:6

Taringot tuson, ulang ma adong na mambaen sala tu donganna sanga na paoto-otohon. Na salpu i madung tangkas hami ondolkon di na hami paboa tu hamu, angkon uhuman ni Debata do angka halak na songon i pangalahona.

1 TIMOTEUS 5:20

Sanga ise na mardosa, angkon paingoton do di jolo ni sude parlagutan i anso mabiar na asing i.

2 TIMOTEUS 2:15

Haburjuhon ma na markarejo i anso dioku Debata ho gabe halak na tama markarejo di Debata. Parayak ma anso ulang jabat maila ho hara ni karejomu, tapi sintong ma ajarkon angka pangajaran na sian Debata.

TITUS 3:8

Tutu do sasudena sanga aha na hudok on. Jadi giotku, gomos ma dokkon taringot tu angka na hudok on, anso marsitutu angka na porsaya tu Debata patuluskon angka karejo na denggan na marguna tu sude halak.

IBRANI 4:1

Antong, laing adong dope janji ni Debata na giot lehenonNia dope di hita i ma paradianan. Jadi jago ma hita anso ulang jabat adong sahalak pe sian hamu na so tola masuk tu paradianan na nijanjihonNa i.

JAKOBUS 3:17

Tapi sanga ise na maruli habisuhon na ro sian ginjang, na parjolo: Na ias do i, dung i pardame, na burju dohot na ra mangoloi. Gok do i dohot ibo ni roha bope na pataridahon angka parange na denggan. Nada ganggu rohana jana nada mangalancap.

1 PETRUS 1:17

Didok hamu Amang tu Debata dompak martangiang hamu. Antong, Debata i do na mandabuhon uhuman tu jolma marguru tu pambaenanna be so pola mangaligi bohi. Hara ni i, salolot di tano on hamu, pagodang hamu ma Debata di ngolumunu.

1 PETRUS 2:2

Songon dakdanak na baru sorang na sai manguas di susu na polin, laing songon i ma hamu manguas tongtong di susu na polin sian Hata Ni Debata; anso mur magodang hamu jana dipalua.

JUDAS 1:23

Palua hamu ma halak sian api. Maradopkon angka halak na asing sian i pe laing maribo ni roha ma hamu mardongan biar, tapi hagigihon hamu ma anggo pakean ni halahi na hodar dibaen angka hagiot ni halahi na mardosa i.

HALUMBAAN 3:19

Sanga ise halak na Huhaholongi, i do na Humuruhi dohot na Husambok. Hara ni i, angkon marsitutu ma hamu jana pauba hamu ma rohamunu.