2 KORINTUS 6:4 - BIBEL JAMITA NA DENGGAN

⁴ Tapi di bagasan sasudena pangalahonami, hami patuduhon do na tutu do hami pangoloi ni Debata. Sude hasusaan na marragam rupa, sobar do hami manaonkon i:

2 KORINTUS 6:4 ပူးပေါင်းရင်းမြစ်များ

JESAYA 61:6

Gonan ma hamu gabe naposo ni Debatanta jana digoaran angka malim ni Tuhan. Hamu noma nampuna arta ni angka bangso, jana pakeonmunu ma i manggodang diri.

JOEL 1:9

Ma pola abis gandum dohot anggur sudena nada adong be sihaulkonon di Bagas Ni Tuhan. Gabe marsak ma angka malim, dibaen nada adong be haul di Tuhan.

JOEL 2:17

Angka malim na manghobasi di Bagas Ni Tuhan, di antara ni langgatan dohot emper parjolo an, tangis jana mangandungi di jolo ni langgatan jana didok ma, “Haholongi ma ale Tuhan, bangsoMon ulang padiar bangsoMon marlayas jana diparkanciti, jana gabe siincahan ni angka bangso na asing. Biasi sai didokkon halak di tonga-tonga ni angka bangso, ‘Di dia do Debata ni halahi?’ ”

LUKAS 21:19

Muda martahan hamu jana sobar, dapotan ngolu ma hamu.”

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

BAENON NI ANGKA RASUL 2:22

“Hamu angka halak Israel, tangihon hamu ma hata on: Na humaksud i ma Jesus na sian Nasaret, na dung ditontuhon ni Debata markite-hite hagogoan dohot hahomangan dohot tanda na binaen ni Debata markite-hite Ia di tonga-tongamunu, songon na dung tangkas diboto hamu.

BAENON NI ANGKA RASUL 20:34

Hamu pe diboto hamu do i, gogongku sandiri do hupake markarejo laho manjalahi na hasaya di au dohot di angka dongan na mandongani au.

BAENON NI ANGKA RASUL 9:16

Jana patuduhononKu do tusia angka sitaonon na giot taononnia hara ni Au.”

SURAT NI SI PAULUS TU PARLAGUTAN ROM 14:18

Sanga ise na mangoloi Kristus songon i, i ma halak na pasonang roha ni Debata jana diargahon angka dongan na asing.

SURAT NI SI PAULUS TU PARLAGUTAN ROM 16:10

Tabe tu si Apelles, na polin di bagasan Kristus i. Tabengku muse tu dongan sabagas ni si Aristobulus,

SURAT NI SI PAULUS TU PARLAGUTAN ROM 3:5

Tapi muda mur tarida na tigor Debata hara ni na tabaen na so tigor, aha ma na tardok hita? Na geduk ma he lakna Debata muda diparo Ia rimasNia? (Mangihutkon hata ni jolma do na hudok i.)

SURAT NI SI PAULUS TU PARLAGUTAN ROM 5:8

Hape dipatidahon Debata do holong ni rohaNia mida hita, di na mate i Kristus humopkop hita dompak pardosa dope hita.

1 KORINTUS 3:5

Jolma na bia ma he pola si Apollos? Jana tarbia muse si Paulus? Pangoloi ni Debata sajo do hami na dua, na dung manogu-nogu hamu anso porsaya tu Debata. Karejo na nipasahat ni Tuhan i tu hami be, i sajo do na hami dalankon.

1 KORINTUS 4:1

Etong hamu ma hami angka pangoloi ni Kristus, na manjagit tanggung jawab laho manjamitahon angka sangkap ni Debata na so diboto portibi on dope.

1 KORINTUS 9:11

Madung hami sabur same partondion di bagasan ngolumunu. Jadi muda hami jagit pasupasu sinadongan sian hamu, pola ma he na mabahattu songon i hami pangido sian hamu?

2 KORINTUS 11:23

Angka naposo ni Kristus dehe halahi? Aropku songon halak na dung lalaen do au, tapi hape dao dumenggan dope au songon pangoloi ulang pado halahi sudena! Marsitutuan dope au karejo, jumotjot dope au tarhurung ulang halahi, umbahat dope parkancitan na hutaon jana jotjot do au giot mate.

2 KORINTUS 11:27

Mapukpuk holi-holingku, songon na so jungada mida ari na torang na markarejo i, jotjot mangkar mata au, na so mangan na so minum, huhul marpuaso do au, ngalian hara ni na hurang pakean jana nada adong bagas inganan.

2 KORINTUS 11:9

Haru hurangan pe au di hatiha i, nada adong sanga ise pe sian hamu na gabe susa hubaen. Sanga aha na porlu di au, angka dongan na sian Makedonia do pasingkopkon. Tongtong do hujago sadenggan-dengganna anso ulang jabat hususai sanga ise pe sian hamu sanga na bia pe pangalahona jana sai hujagohon do anso laing tongtong songon i.

2 KORINTUS 12:10

Jadi gabe jop do rohangku hara ni angka hagaleanki. Jop do rohangku muda adong na mangalayasi au, muda taruli hasusaan, muda dipakojar-kojar halak au, bope muda hubolus hasusaan hara ni Kristus. Angke muda gale au, hape apala disi ma gabe margogo au.

2 KORINTUS 12:12

Sasudena na pataridahon paboa au do rasul na tutu, madung dikarejohon di tonga-tongamunu di bagasan hasobaron ni roha markite-hite tanda hahomangan dohot kuaso.

2 KORINTUS 2:17

Nada songon halak na asing anggo hami, na mambaen jamita na sian Debata i songon barang sigadison sajo. Polin do tujuannami, harana Debata do na marsuru hami markarejo. Jana diida Debata sandiri do hami songon naposo ni Kristus pasahat jamita i.

2 KORINTUS 3:6

Ia do na mambaen hami sanggup gabe pangoloi di sada parjanjian na imbaru; i ma parjanjian na marguru tu Tondi Parbadia, nada marguru tu angka aturan na tarsurat. Angke mamatehon do anggo na tarsurat i, hape na sian Tondi Parbadia i, na pangoluhon do.

2 KORINTUS 4:17

Jana anggo hasusaan na so sadia on na hami taon santongkin, lehenon ni i do di hami hasangapan na so tarsuhat jana na manongtong. Dao dope gumodang hasangapan i sugari nipartimbangkon tu hasusaan i sandiri.

2 KORINTUS 4:2

Nada hami baen dalan na so ture. Nada ra hami markarejo mamake akal-akal sanga na pabalik-balikkon pandohan ni Debata. Torus torang do hami paboa sanga na aha na nipangido ni roha ni Debata. Jadi, marguru tu sada-sada halak ma laho manimbangi hami di bagasan taroktokna be di adopan ni Debata.

2 KORINTUS 4:8

Sian sasudena do marrongoman angka na pasusahon i, hape laing inda tarhapit hami. Sompit do hami hilala, hape inda jabat mandele hami.

2 KORINTUS 7:11

Ligi hamu ma jolo antong sanga aha do na ro sian hamamarsak na sian Debata i! Gabe diparayak hamu ma laho padenggankon na gaor. I ma suhana! Gabe magigi hamu mida dosa, gabe mabiar hamu, malungun hamu, gabe marsitutu, gabe ra hamu manguhum na sala! Di bagasan sudena parsoalan on madung dipatuduhon hamu na so marsala hamu.

KOLOSSE 1:11

Sai dipatogu kuaso na sian Debata na gumodang i ma nian hamu, anso tahan hamu manaonkon sanga aha pe na ro, di bagasan sobar dohot jop ni roha

KOLOSSE 1:24

Saonnari jop do rohangku manaon parkancitan laho pasari-sari hamu. Angke hara ni sitaonon na adong di pamatangkon, hupaujung do sanga aha dope na angkon taonon ni Kristus hara ni parlagutanNia i, i ma pamatangNia i.

1 TESSALONIKA 3:7

Hara ni i do hamu ale angka dongan, umbaen na tarapul rohanami umbege baritamunu di bagasan sude ragam ni hasusaan dohot parkancitannami. Dipagodang haporsayaanmunu do rohanami,

1 TESSALONIKA 5:14

Laing hami pangido dope, hamu ale angka dongan, anso gorahon hamu angka halak na so maraturan. Apoi hamu ma angka na menek roha; urupi hamu ma angka na gale jana sobar ma hamu maradopkon halak sudena.

1 TIMOTEUS 2:15

Haru songon i pe, paluaon do angka dadaboru hara ni na manubuhon angka dakdanak, asal ma tongtong porsaya, tongtong marholong ni roha jana habadiaan mardongan hapantunon.

1 TIMOTEUS 4:6

Muda diajarkon ho sudena i tu angka dongan na porsaya, gabe pangoloi na denggan ma ho markarejo di Jesus Kristus. Jana angkon pupuonmu do padenggan rohamu hombar tu Hata Ni Debata na tahaporsayai i dohot angka pangajaran na sintong na dung diihutkon ho sahonokna on.

1 TIMOTEUS 6:11

Tapi anggo ho, halak ni Debata do ho, jadi angkon mandao do ho sian i sudena. Parayak ma anso halak na bonar ho di parnidaan ni Debata, jana na mangoloi tu Debata boti na porsaya tu Kristus, na marholong ni roha, sobar dohot marlambok ni roha.

2 TIMOTEUS 1:8

Jadi hara ni i, ulang ma maila ho pajojorkon hasaksian taringot tu Tuhanta jana ulang maila ho hara ni au na tarhurung hara ni Ia. Gumonan ma dohot ho manaon parkancitan hara ni Jamita Na Denggan i mangasahon gogo na sian Debata.

2 TIMOTEUS 2:24

Anggo naposo ni Tuhan nada tola martongkari; angkon rama do tu halak sudena, jana tarajarisa halak na asing denggan jana sobar.

2 TIMOTEUS 4:5

Tapi haru songon i pe, ulang pola jabat dut rohamu marnida sanga aha pe na masa. Sobar ma ho di parkancitan, karejohon ma karejomu, songon parjamita ni Jamita Na Denggan i jana dalankon ma na nipaporsankon tu ho sadenggan-dengganna.

IBRANI 12:1

Jadi anggo taringot tu hita, bahat sajo do humaliang hita angka saksi! Hara ni i, sasudena na padokdok hita bope dosa na sai lohot tu hita, tatalgangi ma sudena sian hita. Jana marsitutu ma hita manyalpui parlumbaan na di jolonta.

HALUMBAAN 1:9

Si Johannes do au, kahanggi bope donganmunu saparjuangan na topet manaon parkancitan, di harajaan dohot di pohom ni roha paintehon Jesus. Na tarbuang do au di pulo Patmos hara ni na pararatkon jamita na sian Debata na nipasahat ni Jesus.

HALUMBAAN 3:10

Hara ni na dung nioloanmunu parentangKu anso sobar hamu, Au pe jagohononKu ma hamu anso laing horas torkis hamu mamolus hasusaan na giot masa tu sude portibi on. I ma na giot tarjadi laho manguji sasude jolma na satano on.