2 KORINTUS 6:2 - BIBEL JAMITA NA DENGGAN

² Didok Debata do di Buku Na Badia i, “Di hatiha na nipatumbuk, madung Hutangihon pio-piomu, jana di ari haluaan madung Huurupi ho.” Tangkas ingot hamu! Saonnari ma hatiha na nipatumbuk i. Saonnari ma arina, ari haluaan.

2 KORINTUS 6:2 ပူးပေါင်းရင်းမြစ်များ

MASMUR 69:13

Tapi tu Ho ma au martangiang, ale Tuhan, ale Debata, alusi ma i di hatiha na tumbuk tu hagiot ni rohaMu, angke na marlobian do holong ni rohaMu na manongtong i; urupi ma au hara ni denggan ni rohaMi.

JESAYA 49:8

Didok Tuhan tu bangsoNia, “Di hatiha na ungkap rohangKu alusanKu ma ho, di hatiha na paluahon Au, tolongonKu ma ho. Madung Hujadihon jana Hulehen ho gabe janji maradopkon jolma, laho mambangun portibi on mangulahi, jana mambagi-bagihon tano pusako na dung mamolngit i.

JESAYA 61:2

Diutus do au laho mamaritahon paboa na tibu noma Tuhan ro paluahon. PaluaonNia ma bangsoNa, jana musu ni halahi taluhononNa. Madung disuru Tuhan muse au laho mangapoi na marsak roha.

JEHESKIEL 16:8

Dung i mamolus ma Au sian i jana Huida ma ho, tutu, madung hatihana ho marhaposoon. Hupahembang ma abitKu tu ho laho mangulosi ho. Hubaen ma parjanjian dohot ho, songon i ma pandok ni Tuhan Debata, jana marhite na songon i Au ma nampuna ho.

LUKAS 18:37

Didok halahi ma, “Mamolus Jesus, halak Nasaret i.”

LUKAS 4:19

dohot paboahon taon na denggan na sian Tuhan.”

IBRANI 3:13

Jadi, anso ulang adong sanga ise sian hamu na hona tipu dibaen dosa, na mambaen gabe mangalo tu Debata, angkon marsipaingotan do hamu sama hamu ganop ari salolot mangolu hita di hatiha na nidok “Sadari on” di Buku Na Badia i.

IBRANI 3:7

Hara ni i songon na nidok ni Tondi Parbadia, “Muda dibege hamu sadarion sora ni Debata,

IBRANI 4:7

Harana madung ditontuhon Debata sada ari na asing, i ma na nigoaran “Sadari on”. Dung adong piga-piga taon, dipaboa Debata ma taringot tusi markite-hite si Daud, i ma di ayat sinangkinan i, “Muda dibege hamu sadari on sora ni Debata, ulang ma pajogal hamu rohamunu.”