2 KORINTUS 5:9 - BIBEL JAMITA NA DENGGAN

⁹ Hara ni i manggogo ma hami parayakkon hasonangan ni rohaNia, sanga dompak di bagasnami on dope hami, sanga pe dung lalu di sadu.

2 KORINTUS 5:9 ပူးပေါင်းရင်းမြစ်များ

PAMUNGKAAN 4:7

Muda na denggan do na nibaenmu, musti angkon tata bohimu; tapi hara ni na nibaenmu na jat, gabe painte-intehon ma dosa laho masuk tu bagasan ate-atemu. Na giot rajaan ni dosa ma dirimu, tapi angkon taluhononmu do i.”

JESAYA 56:7

“BoanonKu ma hamu tu dolokKu na badia i, lehenonKu jop ni roha di hamu di bagas paribadatanKu. JagitonKu angka haul na nihaulkonmunu di langgatanKu. Goaran ma bagasKu bagas partangiangan ni sandok bangso.”

JOHANNES 6:27

Ulang pola marloja-loja hamu markarejo hara ni sipanganon na ra abis dohot na ra busuk. Markarejo ma hamu, anso dapot hamu sipanganon na so ra busuk jana na mangalehen hangoluan na so mantak. Lehenon ni Anak Ni Jolma i do di hamu panganon i; angke madung dilehen Damang, i ma Debata, kuaso i diSia.”

BAENON NI ANGKA RASUL 10:35

Sanga ise na mabiar mida Debata jana na mambaen na denggan dijagit Debata do halahi, so pola marimbar sanga sian bangso dia.

SURAT NI SI PAULUS TU PARLAGUTAN ROM 14:18

Sanga ise na mangoloi Kristus songon i, i ma halak na pasonang roha ni Debata jana diargahon angka dongan na asing.

SURAT NI SI PAULUS TU PARLAGUTAN ROM 14:8

Muda mangolu hita, di Tuhan i do hita mangolu. Jana muda mate pe hita, laing di Tuhan i muse do hita mate. Antong, sanga mangolu sanga na mate, Tuhan i do nampuna hita.

SURAT NI SI PAULUS TU PARLAGUTAN ROM 15:20

Tapi on do na huharinggaskon, anso hujamitahon Jamita Na Denggan, barang di dia na so tarbarita dope goar ni Kristus i, anso ulang hupajongjong bagas di ginjang ni ojahan na nipayakkon ni halak.

1 KORINTUS 15:58

Hara ni i hamu ale angka dongan na nihaholongan, sai togu ma hamu jana hot. Marsitutu ma markarejo di Tuhan, angke diboto hamu do, sude na nikarejohonmunu di Tuhan, nada sayang boti sudena i.

2 KORINTUS 5:6

Gabe pos do tongtong rohanami hara ni i. Hami boto do, salolot di bagasan pamatangta on hita tinggal, laing di duru ni bagas ni Tuhan dope hita.

2 KORINTUS 5:8

hara ni i do umbaen na sobar rohanami. Jopan do rohanami sugari malua nian sian bagasan pamatang on, anso tarbaen hami sainganan dohot Tuhan.

EPESUS 1:6

Pinuji ma Debata hara ni hadengganan ni rohaNia na songon i godang na nipabotohonNia tu hita mardapot-dapot markite-hite Anak haholonganNia i.

KOLOSSE 1:10

Jadi gabe tarbaen hamu ma mangolu mangihutkon na nipangido ni roha ni Debata bope na pasonangkon rohaNia tongtong, anso sai tarpatidahon hamu angka pangalaho na denggan di sude karejomunu. Jana mur martamba muse ma parbinotoanmunu taringot tu Debata.

KOLOSSE 1:29

Hugogoi do markarejo anso lalu tu tujuan i. Marjuang do au mamake sude gogo na nipasahat ni Kristus di au jana na markarejo di bagasan diringku.

1 TESSALONIKA 4:1

Dung i muse ale angka dongan, ihutkon hamu ma pangajaran na nijagitmunu sian hami sanga bia na patut ngolumunu laho pasonangkon roha ni Debata. Tutu nian saonnari pe madung songon i ngolumunu. Tapi saonnari mangasahon kuaso ni Tuhan Jesus gomos hami pangido jana hami sosoi hamu anso mur marsitutu hamu mangkaburjuhon i!

1 TESSALONIKA 4:11

Usahohon ma anso sonang hamu, ulang pola anto-antoi hamu parsoalan ni halak na asing. Marsijalahi ngoluna ma hamu mamake tanganna be, songon na dung hami dok na salpu i tu hamu.

1 TIMOTEUS 4:10

Hara ni i ma dibaen na manggogo hita jana marsitutu na karejo i, hara ni sude arop ni rohanta tu Debata na mangolu i; Ia do Sipalua ni jolma sasudena, lumobi ma i angka halak na porsaya.

IBRANI 12:28

Hara ni na dung tajagit harajaan na so tarhutur i, beta ma tadok tarimakasi jana mangoloi tu Debata mangihutkon angka tona na tama tuSia, mardongan sangap dohot biar.

IBRANI 4:11

Hara ni i ringgas ma hita anso dohot hita masuk tu inganan paradianan i. Ulang jabat adong sahalak pe sian hita na madabu hara ni na mangihutkon tiruan na binaen ni na so porsaya i.

2 PETRUS 3:14

Hara ni i hamu angka dongan na nihaholongan, di na painte-intehon Ari i hamu, situtui hamu ma mangkarejohon anso ulang mardosa be hamu jana martihas di jolo ni Debata. Jana ulang so denggan pardomuanmunu tu Debata.