2 KORINTUS 5:7 - BIBEL JAMITA NA DENGGAN

⁷ Harana anggo ngolunta marojahan di haporsayaan do, nada marojahan tu na tarida,

2 KORINTUS 5:7 ပူးပေါင်းရင်းမြစ်များ

1 KORINTUS 13:12

Sanga aha na taida saonnari, tarsongon halinu na hurang torang do i di sormin. Tapi anggo saulahon idaonta ma tangkas pangalaho na satutuna. Saonnari hurang tangkas dope parbinotoan na adong di au, tapi anggo saulahon botoonniba ma tangkas, songon tangkas ni parbinoto ni Debata di au.

2 KORINTUS 1:24

Nada pola hupaksahon sanga na aha tu hamu taringot tu sihaporsayaanmunu, harana na dung porsaya situtu do hamu. Hum na rap markarejo do au dohot hamu anso mur marjop ni roha hamu.

2 KORINTUS 4:18

Angke anggo rohanami, tu angka pangalaho na so tarida do hami tujuhon, nada tu angka na tarida. Anggo na tarida, hum santongkin do i tahan, tapi anggo na so tarida i manongtong do i salolot-lolotna.

GALATIA 2:20

Anggo na mangolu saonnari on, nada au be i, tapi Kristus noma na mangolu di bagasan diringku. Anggo ngolu ni pamatangkon saonnari, na mangolu sian na mangkaporsayai Anak Ni Debata na manghaholongi au noma i, jana na mangalehen diriNa manghopkop au.

PANGARATAION 12:9

dibaen nada masuk dope hamu tu tano na giot silehenon ni Tuhan Debatamunu tu hamu, i ma ingananmunu, disi ma tarbaen hamu mangolu di bagasan sonang.

IBRANI 10:38

Jana halakKu na tigor roha i, mangolu do hara ni haporsayaanna, tapi muda adong sian halahi na sumurut, nada jop be rohangKu mida i.”

1 PETRUS 1:8

Dihaholongi hamu do Ia haru pe nada jungada diida hamu Ia najolo. Jana dihaporsayai hamu do Ia haru pe saonnari nada diida hamu Ia. Dipapuji-puji hamu do Debata mardongan jop ni roha godang na so tarpajojor dohot hata.

1 PETRUS 5:9

Alo hamu ma i, jana ulang ma ganggu haporsayaanmunu tu Kristus i, harana diboto hamunu do, angka donganmunu pe di portibi on na rap sahaporsayaan tu Kristus i, laing manaon parkancitan do songon hamu.