2 KORINTUS 5:4 - BIBEL JAMITA NA DENGGAN

⁴ Salolot di bandar on hita maringanan, sai holsoan do hita hara ni dokdok ni pananggunganta. Nada hara ni na por rohanta malua sian pamatangta na sian tano on, tapi hara ni na lungun do rohanta laho manyolukkon pamatang na sian banua ginjang i tu na parjolo i anso dibondut hangoluan i pamatangta na ra mate on.

2 KORINTUS 5:4 ပူးပေါင်းရင်းမြစ်များ

JESAYA 25:8

AbiskononNia ma hamatean ro di salolot-lolotna! Apusan ni Tuhan Debata ma ilu-ilu sian ganop mata, jana padaoonNa habilean na nitanggung ni halakNia di sude portibi on. Madung didok Tuhan i songon i, angkon tulus do i tarjadi.

JESAYA 38:12

Tos ma hosangku, dapot ma ajalku, songon undung-undung ni parmahan na dibungkar; songon abit na nigotap sian partonunanna; huambang paujungon ni Tuhan ma ngoluniba.

SURAT NI SI PAULUS TU PARLAGUTAN ROM 8:23

Tapi nada hum i sajo, dohot do hita manjagit patumonaan ni Tondi i, humolos muse do hita di bagasan rohanta huhut painte-intehon hadakdanahan i, i ma haluaan ni pamatangta.

1 KORINTUS 15:51

Ligi da, hupaboa ma sada rahasia di hamu: Nada jabat mate hita sude tapi nipauba ma hita sudena.

2 KORINTUS 5:2

Holsoan do hita anggo di bagasan bandarta na saonnari on, hara ni lungun ni rohanta tu bagasta na sian banua ginjang i anso dipapakehon ma i tu hita.

2 KORINTUS 5:3

Harana muda marpamatang na imbaru do hita, nada tardapot hita di na so marpamatang.

2 PETRUS 1:13

Salolot mangolu au, na patut do huhilala manyungguli hamu taringot tusi.