2 KORINTUS 5:3 - BIBEL JAMITA NA DENGGAN

³ Harana muda marpamatang na imbaru do hita, nada tardapot hita di na so marpamatang.

2 KORINTUS 5:3 ပူးပေါင်းရင်းမြစ်များ

HARURUAR 32:25

Diida si Musa ma, madung songon kudo na malua sian tambatan bangso i – patunda ni na nipalua ni si Harun lopus gabe siincahan ni angka musuna.

2 KORINTUS 5:2

Holsoan do hita anggo di bagasan bandarta na saonnari on, hara ni lungun ni rohanta tu bagasta na sian banua ginjang i anso dipapakehon ma i tu hita.

2 KORINTUS 5:4

Salolot di bandar on hita maringanan, sai holsoan do hita hara ni dokdok ni pananggunganta. Nada hara ni na por rohanta malua sian pamatangta na sian tano on, tapi hara ni na lungun do rohanta laho manyolukkon pamatang na sian banua ginjang i tu na parjolo i anso dibondut hangoluan i pamatangta na ra mate on.

HALUMBAAN 16:15

“Ligi ma! Ro ma Au songon parro ni panangko! Martua do sanga ise na tongtong jonggor jana na manjagohon pakeanna, anso ulang salang-salang ia mardalan, jana anso ulang tarida hailaannia!”

HALUMBAAN 3:18

Jadi Hupaingot ma hamu anso tobusi hamu ma sian Au sere, i ma sere na polin, anso tutu hamu gabe mamora. Laing dohot ma pakean na bontar tobusi hamu sian Au anso marpakean hamu, ulang diida halak be hamu di pangalahomunu na marsaemara jana na pailahon i. Jana tobusi hamu muse ma ubat ni matamunu i anso marnida hamu.