2 KORINTUS 5:16 - BIBEL JAMITA NA DENGGAN

¹⁶ Jadi hara ni i, nada marguru tu parsuhatan ni jolma be hami manimbang halak. Najolo jungada do hami parsuhatkon parsuhatan ni jolma tu Kristus, tapi anggo saonnari nada be.

2 KORINTUS 5:16 ပူးပေါင်းရင်းမြစ်များ

BILANGAN 10:30

“Tarimakasi ma da,” ning si Hobab mangalusi, “tapi anggo au giot mulak tu huta hagodanganku do.”

MATEUS 10:37

Halak na humolongan rohana mida amangna sanga inangna ulang mida Au, nada tumbuk halak sisongon i di Au. Songon i muse halak na humolongan rohana mida anakna sanga boruna ulang mida Au, nada tumbuk halak sisongon i gabe siihutkon Au.

JOHANNES 15:14

Angka ale-alengKu ma hamu muda dikarejohon hamu sanga aha na Huparentahon tu hamu.

JOHANNES 2:4

Dialusi Jesus ma, “Aha do na dihagiotimu sian Au, inang? Napodo dapot dope hatihangKu.”

JOHANNES 6:63

Tondi i do na mangalehen hangoluan, anggo sibuk nada adong guna ni i. Angka hata na Hudokkon, i do tondi dohot hangoluan.

JOHANNES 8:15

Diuhumi hamu do halak mangihutkon pambaen ni jolma; anggo Au nada adong sahalak pe na Huuhumi.

2 KORINTUS 11:18

Bahat do nian halak na pagodang diri hara ni angka pangalaho na di tano on, jadi au pe por do rohangku mamuji diringku saotik.

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

PANGARATAION 33:9

Sumurung do haburjuon ni halahi tu Ho. Sumurung sian simatobang maradu koum sisolkot. Dioloi halahi do angka parentaMi parjanjianMu pe digohi.

PILIPPI 3:4

Nian tarbaen au do marguru tu angka upacara i. Angke sugari adong halak na mandok di bagasan rohana tarbaen ia marguru tu angka upacara i ia, mur au ma.

KOLOSSE 3:11

Hara ni sasudena i gabe mago ma angka parasingan ni halak Jahudi dohot na so Jahudi, halak na marsunat dohot na so marsunat; nada adong be parasingan ni angka bangso; nada adong be hatoban sanga na mardeka; angke hum Kristus noma sasudena. Mardomu do Kristus dohot halahi sudena!

JAKOBUS 3:17

Tapi sanga ise na maruli habisuhon na ro sian ginjang, na parjolo: Na ias do i, dung i pardame, na burju dohot na ra mangoloi. Gok do i dohot ibo ni roha bope na pataridahon angka parange na denggan. Nada ganggu rohana jana nada mangalancap.

1 SAMUEL 2:29

Antong, biasi dope laing maradu songkal ho mida angka haul na dihaulkon ni bangsongKi tu Au? Eli, biasi sumangap dibaen ho angka anakmi ulang pado Au, jana dipadiar ho pamokmok dirina halahi marhite bagian na dumenggan sian sandok na nihaulkon ni bangsongKu tu Au?