2 KORINTUS 4:7 - BIBEL JAMITA NA DENGGAN

⁷ Tapi hami paoban-oban do arta partondion na jeges i di bagasan dirinami na so mararga on, i ma na nibaen sian tano. Jadi muda songon i, torang ma anggo hagodangan ni kuaso i marguru di Debata do, nada marguru di hami.

2 KORINTUS 4:7 ပူးပေါင်းရင်းမြစ်များ

JOB 10:9

Ingot ma na sian tano liat do dijadihon Ho iba! Biasi angkon mulak gabe abu baenonMu iba?

JOB 33:6

Anggo di Debata nada marimbar hita na dua rap sian tano liat do hita ditompa.

JOB 4:19

Mur ma hape mahluk na sian tano liat na sian orbuk na songon tande-tande do tarpisat!

ANDUNG 4:2

Najolo songon sere na arga do angka na bajar di kota Sion, hape saonnari tudos tu hudon tano noma dibaen.

MATEUS 13:44

“Anggo Harajaan Ni Banua Ginjang, tarsongon arta na arga do i, na tanom di bagasan ladang. Jadi dapot sada halak ma i. Ditabunihon ia ma mangulahi tu bagasan ladang i. Jadi hara ni jop ni rohania, digadis ia ma sude sinadongannia. Mulak ma ia, ditobusi ia ma ladang i.”

MATEUS 13:52

Dung i ninna Jesus ma, “Hara ni i ma, sude Siboto Surat na dung mangguruhon Harajaan Ni Banua Ginjang i, gabe tarsongon sada halak tuan di sada bagas do i, na paruarkon sian panyimpananna sude barang-barangnia sigodang arga, na imbaru dohot na dung honok.”

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

1 KORINTUS 1:28

Dipili Debata do angka na nietong ni portibi on, toruk, na bile dohot na nietong ni portibi on sisoada, anso disego-sego Debata angka na nipasangap ni portibi on.

2 KORINTUS 10:10

Dokkonon ni halahi ma, “Pir jana marsahala do angka surat ni si Paulus i, hape muda hatiha di tonga-tonganta, gale-gale do ia idaon jana hatania pe so binoto sanga aha astuanna!”

2 KORINTUS 13:4

Nian anggo dompak na niparsilangkon i Ia, gale do Ia tutu, hape anggo saonnari mangolu do Ia hara ni kuaso ni Debata. Hami pe gale do di bagasan Ia, tapi angkon mangolu do hami rap dohot Ia salaho tu hamu hara ni kuaso ni Debata.

2 KORINTUS 4:1

Na niurupan ni Debata do hami mangkarejohon karejo on. Na nilehenNia do karejo on di hami. Hara ni i ma umbaen na so mandele hami.

2 KORINTUS 5:1

Angke hita boto do, muda dibungkar bandar na taingani na saonnari, i ma pamatang na sian tano on, adong do di hita sada bagas na sian Debata, na so dipature ni tangan ni jolma, na salolot ni lolotna di banua ginjang.

2 KORINTUS 6:10

Haru pe dipaarsak rohanami, hape sai marjop ni roha do hami. Anggo idaon pogos do hami, hape bahat do halak gabe maradong hami baen. Anggo idaon na so adong do sanga na ahanami, tapi anggo satutuna sasudena do adong di hami.

EPESUS 2:5

Jadi hatiha mate hita di partondionta, hara ni pangalaosionta dipangolu Ia hita mangulahi rap dohot Kristus. Jadi hum hara ni asi ni roha do umbaen na dipalua hamu.

EPESUS 3:8

Sian sudena na margoar halak na porsaya, au ma i tardok na umbile. Hape laing dipasahat Debata do tu au hasurungan on: I ma, anso hujamitahon Jamita Na Denggan on tu angka halak na so Jahudi paboa na adong do bahat sajo sinadongan na so ra abis di Kristus;

KOLOSSE 1:27

Anggo tu bangsoNia i ra do Debata paboahon sanga na bia dengganna dohot godangna rahasiaNia i di sudena jolma manusia. On do rahasia i: Di bagasan dirimunu do Kristus, jadi gabe dohot ma hamu maruli di hagodangan ni Debata.

KOLOSSE 2:12

Angke di na nididihon i hamu, ditanom do hamu rap dohot Kristus; jana laing hara ni pandidion i muse, dohot do hamu dipangolu mangulahi rap dohot Kristus angke dihaporsayai hamu do kuaso ni Debata na dung pangoluhon Kristus sian hamatean.

KOLOSSE 2:3

Harana dibagasan Ia do buni sude arta habisuhon dohot hapistaran.

1 TESSALONIKA 1:5

Angke di na manjamitahon Jamita Na Denggan i hami tu hamu, nada hum hata-hata sajo na hami jamitahon i, tapi mardongan kuaso na sian Tondi Parbadia do. Jana pos situtu do rohamunu na tutu do Jamita Na Denggan i. Diboto hamu do sanga na bia ngolunami laho manyarihon hamu dompak di tonga-tongamunu hami.

1 TESSALONIKA 4:4

Ganop halaklahi sian hamu angkon malo ma mangaririt sada dadaboru na gabe dongan saripena dohot dalan na badia jana na pantun.

2 TIMOTEUS 2:20

Anggo di bagasan bagas godang adong do marragam panjamaan nada hum panjamaan na sian perak sanga sere na adong, tapi laing adong do na sian hayu dohot tano. Adong na nipake tu angka pangalaho na sangap, jana adong muse na nipake tu pangalaho na bile.

HAKIM-HAKIM 7:2

Didok Tuhan ma tu si Gideon, “Mabahattu do anak buami. Nada tarlehen Au hamonangan di halahi maralohon halak Midian, angke dipikir halahi muse hara ni gogo ni halahi sandiri umbaen na monang halahi, gabe nada dilehen halahi pujian tu Au.