2 KORINTUS 4:5 - BIBEL JAMITA NA DENGGAN

⁵ Anggo Jamita na hami pasahat i nada barita taringot tu dirinami sandiri i. Barita taringot tu Jesus Kristus do i; paboahon na tutu do Ia Tuhan jana hami ma angka naposomunu hara ni Ia.

2 KORINTUS 4:5 ပူးပေါင်းရင်းမြစ်များ

MATEUS 23:8

Tapi anggo hamu, indangkon sai ra hamu dipiohon halak ‘Gurunami’, angke hum sada do Gurumunu jana markahamaranggi do hamu sude.

MATEUS 3:11

Anggo au, aek do hudidihon tu hamu. I ma pataridahon na dung muba rohamunu sian angka dosamunu. Tapi anggo na giot ro i di pudingku, Tondi Na Badia dohot api do didihononNia tu hamu. Gumodang dope Ia sian au. Hum mambuka tali ni sipatuNia pe tehe nada tuk dope au.

JOHANNES 7:18

Anggo halak na marroha-roha mandok hatana, na manjalahi sangap tu dirina sajo do i. Tapi anggo halak na manjalahi sangap tu na marsuru ia, i ma halak na tigor; nada adong gabus disia.

BAENON NI ANGKA RASUL 10:36

Hamu ale angka dongan, tontu madung diboto hamu isi ni jamita na nipabolkas ni Debata tu halak Israel. Jamita Na Denggan do barita i na paboahon dame markite-hite Jesus Kristus, i ma Tuhan ni sude jolma.

BAENON NI ANGKA RASUL 2:36

“Hara ni i ma angkon gabe sude halak Israel tangkas umboto bahaso Jesus na niparsilangkonmunu i, laing Jesus i muse do na nibaen ni Debata gabe Tuhan dohot Kristus!”

BAENON NI ANGKA RASUL 5:31

Jana madung dipabangkit Debata Ia markite tangan siamunNia gabe Pamimpin dohot Sipalua; anso marhamubaan ni roha dohot manjagit hasesaan ni dosa Israel i.

1 KORINTUS 1:23

Hape anggo hita hum taringot tu Kristus na mate di parsilang i do tajamitahon. Hancit do roha ni halak Jahudi dibaen barita i. Jana angka bangso na asing na so Jahudi, dietong halahi do haotoan jamita i.

1 KORINTUS 10:33

Songon ngolungkon ma parngoluonmunu. Sai huparayak do pasonang roha ni sudena halak di bagasan sasude na hukarejohon, so pola giot mambuat untung di au sandiri. Anggo tujuanku hum on do; anso tarpalua nian halahi sudena.

1 KORINTUS 12:3

Hara ni i hupabotohon ma tu hamu anggo halak na dipimpin ni Tondi Parbadia nada tardok halahi, “Sai hona bura ma Jesus!” Laing songon i muse nada adong sahalak pe na malo mandok, “Jesus do Tuhan!” anggo inda digohi Tondi Parbadia halakna i.

1 KORINTUS 15:47

Sian tano do dijadihon anggo si Adam na parjolo i, tapi anggo si Adam na paduahon sian banua ginjang do i.

1 KORINTUS 2:2

Harana madung putus hian di rohangku, salolot rap au dohot hamu, nada pajojoronku bagi aha tu hamu asing sian Jesus Kristus; lumobi ma i taringot tu hamamateNia di parsilang i.

1 KORINTUS 4:15

Songon halak Kristen hamu, didok rohangku madung adong sampulu ribu halak gurumunu, tapi nada adong na gabe ama di hamu. Hum au do na gabe ama di hamu sude, harana Jamita Na Denggan taringot tu Kristus Jesus i do na huoban di hamu.

1 KORINTUS 8:6

Tapi anggo di hita, hum sada sajo do Debata. Ia do Ama na manjadihon sasudena na adong. Na giot diSia do ngolunta on. Tuhan pe hum sada sajo do, i ma Jesus Kristus. Markite-hite Ia dijadihon ma sasudena jadi hara ni Ia do umbaen na mangolu hita.

2 KORINTUS 1:19

Harana anggo Jesus Kristus, Anak Ni Debata na nijamitahon ni si Silvanus, si Timoteus dohot au sandiri tu hamu nada halak na “Olo” sanga “Inda”. Hum alus na “Olo” sajo do diSia.

2 KORINTUS 1:24

Nada pola hupaksahon sanga na aha tu hamu taringot tu sihaporsayaanmunu, harana na dung porsaya situtu do hamu. Hum na rap markarejo do au dohot hamu anso mur marjop ni roha hamu.

GALATIA 5:13

Na dung dipiohon do hamu angka dongan anso gabe halak na bebas. Tapi ulang ma hara ni na bebas hamu gabe dalan laho mangoloi giot-giotmunu na sai mardosa i. Tapi marsioloan ma hamu sama hamu hara ni holong ni roha.

PILIPPI 1:15

Tutu do nian adong deba sian halahi na manjamitahon Kristus hara ni na mangiburu bope hara ni na marsalisi, tapi anggo deba hara ni burju ni roha do manjamitahon Kristus i.

PILIPPI 2:11

Angkon torang ma okuon ni halahi paboa Jesus Kristus do Tuhan; jadi nipasangap ma Debata Ama i muda songon i.

2 TIMOTEUS 2:10

Hara ni i do umbaen na huhasobarkon mananggung sudena i pasari-sari angka dongan na dung nipili ni Debata. Hutaon pe sudena i bia anso laing dohot halahi maruli haluaan na di bagasan Kristus Jesus, dohot hasangapan salolot-lolotna.

TITUS 1:11

Angkon dijait do giotna pamangan ni jolma sisongon i, harana madung bahat angka bagas ni halak na gabe gaor sudena hara ni angka pangajaran na so patut na nibaen ni halahi. Na manjalahi untung na so patut do antong halahi di karejona i!

2 PETRUS 2:3

Hara ni na ahut tu dirina, caritohonon ni angka guru pargabus i ma tu hamu angka carito na nibaen ni halahi sandiri anso dapotan untung halahi sian hamu. Tapi anggo panguhuman laho manguhum halahi madung tibu dipasingkop jana hamagoan na dung ditontuhon pe tu halahi madung paintehon tu halahi.