2 KORINTUS 4:4 - BIBEL JAMITA NA DENGGAN

⁴ Na nigupgupan ni Debata na mangarajai portibi on do roha ni halahi na so porsaya i. I do na manyundati halahi anso ulang dohot halahi marnida sinondang na sian Jamita Na Denggan i, i ma taringot tu hasangapan ni Kristus i na gabe songon gambaran ni Debata.

2 KORINTUS 4:4 ပူးပေါင်းရင်းမြစ်များ

1 RAJA-RAJA 22:22

‘Bia ma?’ ninna Tuhan manyapai. Dialusi Tondi i ma, ‘Kehe pe au jana hubaen ma anso sude panurirang ni si Ahab i margabus.’ Didok Tuhan ma, ‘Denggan, baen ma anggo songon i, harana manjadi do i anggo ho manggabusi ia.’ ”

MASMUR 50:2

Sian Sion, kota na jumeges, marsinondang Debata maradu torang.

JESAYA 6:10

Pamajal ma pikiran ni angka jolma i, paingol pinggolna i jana papitung matana i, anso ulang marnida sanga marbinege sanga mangarti jana anso ulang ro tu Au jana malum.”

MATEUS 13:22

Same na madabu tu tonga-tonga ni duri i, i ma tarsongon halak na mambege jamita i, tapi humolos ma halahi hara ni ngolu ni halahi. Sai giot marlobi-lobi do ngolu ni halahi. Jadi tarhapit ma jamita i di bagasan roha ni halahi, gabe nada marbatu.

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

JOHANNES 1:18

Nada adong halak na unjung marnida Debata, asing sian Anak Sasada ni AmaNa, na diampuan ni Ama i, jana Ia do na papatarkonsa tu hita.

JOHANNES 12:31

Saonnari ma hatihana uhuman portibi on; taluhonon ma raja ni portibi on saonnari.

JOHANNES 12:35

Dialusi Jesus ma, “Santongkin nari sajo noma hatiuran i di tonga-tongamunu. Jadi dalani hamu ma sidalananmunu salolot laing adong na torang i anso ulang ditutupi hagolapan i hamu. Sanga ise na mardalan di na golap nada diboto ia sanga na giot tu dia ia kehe.

JOHANNES 12:40

“Hupapitung do mata ni halahi, jana Hupagolap pikiran ni halahi; lopus nada marnida mata ni halahi, jana nada marbuka pikiran ni halahi. Anso ulang mulak halahi tu Au, gabe Hupamalum halahi muse.”

JOHANNES 12:45

Jana sanga ise na marnida Au, diida Ia muse do na marsuru Au.

JOHANNES 14:30

Nada pola bahat be Au mandok hata tu hamu angke madung ro raja ni portibi on. Tapi nada markuaso i tu Au.

JOHANNES 15:24

Madung Hubaen di tonga-tonga ni halahi angka pangalaho na so jungada dibaen halak na asing sanga ise pe. Sugari na so Hubaen angka na songon i di tonga-tonga ni halahi, ias do halahi sian hasalaan. Saonnari haru pe madung diida halahi angka pangalaho i, hape laing hosom dope roha ni halahi tu Au dohot tu Damang.

JOHANNES 16:11

madung manguhumi Debata, dibaen madung hona uhum parkuaso ni portibi on!

JOHANNES 8:12

Didok Jesus dope mangulahi tu halahi, “Au do sinondang ni portibi on. Dapotan sinondang hangoluan do sanga ise na mangihutkon Au. Nada be mardalan di na golap halahi.”

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

BAENON NI ANGKA RASUL 26:23

i ma na mandok, angkon markancit do Kristus i na nijanjihon ni Debata i jana Ia ma halak na parjolo mulak mangolu dung jolo mate; jadi hara ni i tarpatidahon Ia ma sinondang tu bangso on bope tu angka bangso na asing.”

1 KORINTUS 10:20

Inda adong i! Na hudok, anggo na nihaulkon tu gana-ganaan i, nada tu Debata i dihaulkon, tapi tu angka setan do. Jana nada giot au anggo mardomu hamu dohot setan.

2 KORINTUS 2:11

Hubaen pe songon i, anso ulang adong do dalan di Sibolis i laho mangarajai hita, angke taboto do angka sangkap ni Sibolis.

2 KORINTUS 2:12

Dung lalu au di Troas, laho manjamitahon Jamita Na Denggan taringot tu Kristus i do nian maksudku. Madung tarbuka muse dalan dibaen Tuhan i di au laho markarejo di inganan i.

2 KORINTUS 3:11

Harana muda marsangap do na giot mago i, tontu dao dope tumorang na manongtong i didongani hasangapan.

2 KORINTUS 3:14

Madung digupgupi roha ni halahi. Jana lopus tu sadari on pe laing targupgup dope roha ni halahi dibaen panggupgupina i muda disise halahi angka buku taringot tu parjanjian na honok. Angkon marhasadaon dohot Kristus do, anso tarungkap halak panggupgupi i.

2 KORINTUS 3:18

Saonnari nada nigupgupan be bohinta. Songon sormin na nisondangan dohot hatiuran ni Tuhan Jesus do hita. Jadi hara ni i, torus do hita dipauba anso gabe songon Ia, mur honok, mur marsinondang do hita hara ni hatiuran na sian Tondi Ni Tuhanta i.

2 KORINTUS 4:6

Debata do mandok, “Bincar ma na torang sian na golap.” Laing Debata na sada i muse do na pabincarkon sinondang i di bagasan rohanta, anso gabe torang rohanta laho mangastui hamuliaon ni Debata na marsinondang di bohi ni Jesus.

GALATIA 1:4

na dung mangalehen diriNa hara ni dosanta, laho paluahon hita sian hajahatan saonnari, mangihutkon hagiot ni Debata Amanta i.

EPESUS 2:2

Angka hasomalan ni portibi on do dipaolo-oloi hamu hatiha i; astuanna, tunduk tu angka parkuaso ni harajaan na di awang-awang i do hamu, i ma tondi na laing mangela-ela roha ni angka halak na so ra tunduk tu Debata saonnari.

EPESUS 6:12

Angke nada marporang hita mangalo jolma, tapi na laho mangalo gogo ni angka setan na markuaso di hatiha na jahat on do. Angka tondi na jahat na mangkuasoi awang-awang i do na taalo.

PILIPPI 2:6

Anggo satutuna sarupa do Ia dohot Debata, tapi dihilala Ia nada pola angkon sai partahankononNia haDebataanNia i.

KOLOSSE 1:15

Ia do gambaran ni Debata na so tarida, siangkaan ni sude na nitompa i.

KOLOSSE 1:27

Anggo tu bangsoNia i ra do Debata paboahon sanga na bia dengganna dohot godangna rahasiaNia i di sudena jolma manusia. On do rahasia i: Di bagasan dirimunu do Kristus, jadi gabe dohot ma hamu maruli di hagodangan ni Debata.

1 TIMOTEUS 1:11

Anggo pangajaran i, i ma na tarsurat di Jamita Na Denggan i na dung dipasahat tu au di bagasan pos ni roha, i ma Jamita Na Denggan na sian Debata na sangap i.

TITUS 2:13

Saonnari na painte-intehon Ari na niarop ni rohanta i do hita. Anggo di Ari i, idaon ni portibi on ma hasangapan ni Jesus Kristus, i ma Debata Na Gumodang i jana Jesus Kristus Sipalua hita.

IBRANI 1:3

Ia do sinondang hasangapan ni Debata, jana Ia do gambaran ni Debata sandiri dohot na mangasahon sasude markite-hite hataNia na gok kuaso. Dung sidung dipaias Ia jolma sian angka dosa ni halahi, juguk ma Ia di siamun ni Na Sun Margogo i di banua ginjang.

IBRANI 6:4

Nabaruon madung maringanan halahi di sinondang na sian Debata, jana madung didai halahi hatonggian ni angka pasupasu na sian banua ginjang. Halahi pe madung manjagit Tondi Parbadia.

2 PETRUS 1:19

I do umbaen na mur pos rohanami di barita ni Debata na nipaboa ni angka panurirang i. Denggan sajo do sugari dohot hamu mamparate-atehon barita i, angke songon lampu na marsinondang di inganan na golap do barita i jana marsinondang ma i songon sinondang ni bintang di andostorang di bagasan rohamunu.

1 JOHANNES 2:11

Tapi halak na margoyak ni roha mida donganna, laing na di hagolapan dope i. Na mardalan di bagasan hagolapan dope i jana na so diboto ia do sanga na giot tu dia ia kehe, angke nada marnida ia dibaen hagolapan i.

1 JOHANNES 2:8

Tapi haru songon i pe, laing tona na imbaru do dohonon na husuratkon on. Madung tangkas tarida parenta on di diri ni Jesus Kristus dohot di dirimunu; angke madung mamungka salpu hagolapan jana mamungka ma bincar sinondang na tigor.

1 JOHANNES 5:19

Taboto do na sian Debata haroroanta, jana sude na satano on di bagasan tangan ni si Parjahat i.