2 KORINTUS 4:2 - BIBEL JAMITA NA DENGGAN

² Nada hami baen dalan na so ture. Nada ra hami markarejo mamake akal-akal sanga na pabalik-balikkon pandohan ni Debata. Torus torang do hami paboa sanga na aha na nipangido ni roha ni Debata. Jadi, marguru tu sada-sada halak ma laho manimbangi hami di bagasan taroktokna be di adopan ni Debata.

2 KORINTUS 4:2 ပူးပေါင်းရင်းမြစ်များ

1 RAJA-RAJA 18:34

didok ia ma, “Sanoli nari,” dung i dibaen halahi muse. “Sanoli nari,” ning si Elia, jana dibaen halahi mangulahi.

SURAT NI SI PAULUS TU PARLAGUTAN ROM 1:16

Dibaen nada maila au hara ni Jamita Na Denggan i, angke i do hagogoon ni Debata na markarejo laho paluahon sudena halak na porsaya; na parjolo i ma halak Jahudi, dung i muse angka bangso na asing.

SURAT NI SI PAULUS TU PARLAGUTAN ROM 6:21

Antong, parbatu aha ma na dapot hamu sian i? Sudena i mambaen hamu maila saonnari, angke hamatean do ujung ni i.

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

2 KORINTUS 1:12

Anggo na pagodang rohanami on do: Dipapos taroktoknami do rohanami taringot tu sude na hami karejohon di tano on – lumobi na marpardomuan tu hamu – sian roha na ias jana na polin na sian Debata do hami baen i sudena, nada sian habisuhon ni portibi, tapi sian asi ni roha ni Debata do.

2 KORINTUS 11:3

Tapi songon na ganggu do rohangku, betak na hona goda do hamu jana nada setia be hamu tu Kristus, sarupa dohot si Hawa narobi na hona goda dibaen habisuhon ni ulok i.

2 KORINTUS 11:6

Betak na oto pe au mandok hata, tapi anggo taringot tu parbinotoan taringot tu Debata do nada halak na oto au. Hami pataridahon do sudena i tu hamu di sude pangalaho.

2 KORINTUS 2:17

Nada songon halak na asing anggo hami, na mambaen jamita na sian Debata i songon barang sigadison sajo. Polin do tujuannami, harana Debata do na marsuru hami markarejo. Jana diida Debata sandiri do hami songon naposo ni Kristus pasahat jamita i.

2 KORINTUS 5:11

Hami boto do tangkas, sanga songon dia na nidok mangkabiari Debata; i do umbaen na manggogo hami papos roha ni halak na asing. Tangkas sajo do hami ditanda Debata, jana pos muse do rohangku torang muse au di bagasan rohamunu.

2 KORINTUS 6:8

Diparsangapi halak do hami, tapi laing adong do na palayas-layaskon; dipuji do hami tapi laing adong na pabilehon. Haru tigor pe hami, laing didok do hami pargabus.

2 KORINTUS 7:14

Hupuji-puji hian do hamu tusia, tuani ma inda pola dipaila hamu au. Tutu do sude na dung hami paboa i tu hamu. Songon i muse sanga na aha na hami puji-puji i hamu tu si Titus, hape tutu muse do.

EPESUS 4:14

Jadi nada be dakdanak hita na so marhatontuan jana na taroban-oban tu jae tu julu baenon ni angka pangajaran na marragam rupa na sian halak na bisuk. Lilu do halak dibaen halahi hara ni malo-malo ni halahi.

EPESUS 5:12

Angke anggo angka na nibaen ni halahi di na buni, maila ma iba mangkobari i.)