2 KORINTUS 4:16 - BIBEL JAMITA NA DENGGAN

¹⁶ Hara ni i ma umbaen na so mandele hami. Haru pe mur sego hajolmaonnami parduru on, tapi anggo hajolmaon parbagasan i mur dipaimbaru do sian ari tu ari.

2 KORINTUS 4:16 ပူးပေါင်းရင်းမြစ်များ

MASMUR 119:81

Malungun situtu do rohangku di haluaan na sian Ho, ale Tuhan, janjiMu do na huhaposi.

MASMUR 27:13

Pos do rohangku daionku do hadengganan ni Tuhan dompak dison di hangoluan.

MASMUR 51:10

Tompa ma roha na polin di au, ale Debata, paimbaru ma rohangku di bagasan dohot tondi na marsihohot.

MASMUR 73:26

Haru pe gabe gale pamatangku dohot rohangku, Ho do ale Debata hagogoonku; hum Ho sajo noma na huporluhon sudena salolot ni lolotna.

JESAYA 40:29

Dipargogoi Ia halak na gale, dilehen Ia kuaso di halak na dae-dae.

JESAYA 40:31

Hape anggo di na mangido pangurupion sian Tuhan, dipasuang do hagogoan. Lopus tu ginjang manaek do halahi, songon na marhabongkon habong ni rajawali. Marlojongi do halahi so marnaloja, jana mardalan halahi nada ra gale.

JEREMIA 45:3

humolos do ho songon on, ‘Iale, na sial ma antong iba on! Bahatna antong hasusaanku, hape laing ditamba Tuhan muse dope dohot parkancitan. Loja au na humolos i, so adong saotik pe hasonangan!’

LUKAS 11:3

Lehen ma ganop ari sipanganon na porlu di hami.

SURAT NI SI PAULUS TU PARLAGUTAN ROM 12:2

Ulang pahombar hamu dirimunu tu hasiangan on, tapi pauba hamu ma dirimunu markite-hite haimbaruon ni rohamunu anso tartimbang hamu sanga dia do hagiot ni Debata: Na denggan, na tumbuk jana na sanggam.

SURAT NI SI PAULUS TU PARLAGUTAN ROM 7:22

Anggo di bagasan, jop do rohangku adop Tona Ni Debata;

1 KORINTUS 15:58

Hara ni i hamu ale angka dongan na nihaholongan, sai togu ma hamu jana hot. Marsitutu ma markarejo di Tuhan, angke diboto hamu do, sude na nikarejohonmunu di Tuhan, nada sayang boti sudena i.

2 KORINTUS 12:15

Jadi hara ni i sudena, sian jop ni rohangku ra do au mangalehen sasudena hara ni hamu, haru diringku sandiri pe ra do au pasahatkon i tu hamu. Muda songon i ma holong ni rohangku tu hamu, tama dope he laing hurang holong ni rohamunu mida au?

2 KORINTUS 4:1

Na niurupan ni Debata do hami mangkarejohon karejo on. Na nilehenNia do karejo on di hami. Hara ni i ma umbaen na so mandele hami.

EPESUS 3:16

Hutangiangkon do anso lomo nian roha ni Debata na sun marmulia i laho patoguhon rohamunu dohot TondiNia i.

EPESUS 4:23

Sugari angkon nipaimbaru ma nian sasudena rohamunu.

KOLOSSE 3:10

Madung dipapakehon tu hamu ngolu na imbaru, na laing torus dipaimbaru anso dapotan parbinotoan na sintong mangihutkon rupa ni Panompania.

TITUS 3:5

Dipalua Ia do hita, nada hara ni na tabaen sanga aha na denggan, tapi hara ni ibo ni rohaNia sandiri do tu hita. Dipalua Ia do hita markite-hite Tondi Parbadia na mangalehen hasosorang na imbaru dohot ngolu na imbaru marhite na paiaskon hita.

1 PETRUS 3:4

Tapi na sian roha ma nian hajegesonmunu; umpamana halambohon dohot hadameon ni pangalaho; i do hajegeson na manongtong na mararga situtu di parnidaan ni Debata.

1 PETRUS 4:14

Na maruntung do hamu muda dipabile halak hamu songon sada siihutkon Kristus. I ma tandana paboahon na maruli Tondi na sangap hamu, i ma Tondi Parbadia.