2 KORINTUS 4:1 - BIBEL JAMITA NA DENGGAN

¹ Na niurupan ni Debata do hami mangkarejohon karejo on. Na nilehenNia do karejo on di hami. Hara ni i ma umbaen na so mandele hami.

2 KORINTUS 4:1 ပူးပေါင်းရင်းမြစ်များ

JESAYA 40:30

Salang dakdanak na bajar gale-gale, jana halak na poso tinggang hara ni na loja.

JESAYA 40:31

Hape anggo di na mangido pangurupion sian Tuhan, dipasuang do hagogoan. Lopus tu ginjang manaek do halahi, songon na marhabongkon habong ni rajawali. Marlojongi do halahi so marnaloja, jana mardalan halahi nada ra gale.

JEREMIA 45:3

humolos do ho songon on, ‘Iale, na sial ma antong iba on! Bahatna antong hasusaanku, hape laing ditamba Tuhan muse dope dohot parkancitan. Loja au na humolos i, so adong saotik pe hasonangan!’

LUKAS 18:1

Dung i dipaboa Jesus muse ma sada umpama laho mangajar angka siseanNia anso tongtong martangiang halahi jana ulang mandele.

1 KORINTUS 3:5

Jolma na bia ma he pola si Apollos? Jana tarbia muse si Paulus? Pangoloi ni Debata sajo do hami na dua, na dung manogu-nogu hamu anso porsaya tu Debata. Karejo na nipasahat ni Tuhan i tu hami be, i sajo do na hami dalankon.

1 KORINTUS 7:25

Saonnari taringot tu angka na so marripe noma. Anggo taringot tusi nada adong dope hujagit angka parenta sian Tuhan. Tapi haru songon i pe, songon halak na manjagit asi ni roha ni Tuhan na patut sihaposan, giot lehenonku do sipaingotku.

2 KORINTUS 3:12

Harana sisongon i do na niarop ni rohanami, gabe puluk ma hami mangkatahon na songon i.

2 KORINTUS 3:6

Ia do na mambaen hami sanggup gabe pangoloi di sada parjanjian na imbaru; i ma parjanjian na marguru tu Tondi Parbadia, nada marguru tu angka aturan na tarsurat. Angke mamatehon do anggo na tarsurat i, hape na sian Tondi Parbadia i, na pangoluhon do.

2 KORINTUS 4:16

Hara ni i ma umbaen na so mandele hami. Haru pe mur sego hajolmaonnami parduru on, tapi anggo hajolmaon parbagasan i mur dipaimbaru do sian ari tu ari.

2 KORINTUS 5:18

Debata do mambaen i sude, anso mardenggan hita dohot Debata markite-hite Kristus. Dung i disuru Ia muse ma hita palaluhon Jamita Na Denggan i anso laing dohot muse halak na asing mardenggan dohot diriNa.

GALATIA 6:9

Hara ni i, ulang ma loja hita mambaen angka na denggan; angke muda inda marnaloja hita mambaen angka pangalaho na songon i angkon sabionta do suha ni i di hadudumpang ni hatihana.

EPESUS 3:13

Jadi pangidoanku: Ulang pola ganggu be rohamunu mamikirkon sanga aha pe na hutaon hara ni hamu; laho patamahon na tu hamu do sudena i.

PILIPPI 4:13

Markite-hite kuaso na nilehen ni Kristus i tu au, taradopi au do sude ragam-ragam ni angka na masa.

2 TESSALONIKA 3:13

Tapi anggo hamu ale angka dongan, ulang ma nian loja hamu mambaen na denggan.

1 TIMOTEUS 1:13

Najolo, madung hupalayas Ia, huparkanciti jana hupabile. Tapi haru songon i pe asi do roha ni Debata mida au, angke nada porsaya dope au hatiha i, gabe nada huboto sanga aha na hubaen i.

IBRANI 12:3

Ingot hamu ma Ia na manaon sai bahat hata partangkangon sian angka pardosa, anso ulang gale hamu, jana ulang mandele rohamunu.

1 PETRUS 2:10

Na jolo, nada bangso ni Debata hamu, hape anggo saonnari bangso ni Debata do hamu. Najolo, nada dihaholongi Debata hamu, hape anggo saonnari didai hamu do asi ni rohaNia.

HALUMBAAN 2:3

Huboto do na sobar hamu dohot na manaon parkancitan hara ni goarKu, hape laing nada pola mandele hamu.