2 KORINTUS 3:1 - BIBEL JAMITA NA DENGGAN

¹ Adong he songon na mamuji-muji diri hami idaon mangulahi? Betak na porlu do di hami surat pujian maradopkon hamu, sanga sian hamu, songon angka halak na deba na mamorluhon songon i?

2 KORINTUS 3:1 ပူးပေါင်းရင်းမြစ်များ

BAENON NI ANGKA RASUL 18:27

Dung i ditahi roha ni si Apollos ma giot kehe tu Akaya. Jadi mambaen surat ma angka halak na porsaya i di Epesus tu angka dongan na porsaya di Akaya anso sonang roha ni halahi manjagit si Apollos. Jadi dung lalu si Apollos di Akaya, marguna situtu do hape pangurupinia tu halak na porsaya hara ni asi ni roha ni Debata.

SURAT NI SI PAULUS TU PARLAGUTAN ROM 16:1

Hupasahat ma ibotonta si Poibe na mangurupi na saidanna i di parlagutan na di Kenkrea.

1 KORINTUS 10:33

Songon ngolungkon ma parngoluonmunu. Sai huparayak do pasonang roha ni sudena halak di bagasan sasude na hukarejohon, so pola giot mambuat untung di au sandiri. Anggo tujuanku hum on do; anso tarpalua nian halahi sudena.

1 KORINTUS 16:3

Jadi muda dung lalu au, suruonku ma angka dongan na dung nisatujuanmunu. Lehenonku ma tu halahi suratna anso halahi noma maroban hepeng i tu Jerusalem.

1 KORINTUS 3:10

Hara ni hamaloon na nilehen ni Debata di au, songon tukang bagas na malo madung sidung hubaen ojahan ni bagas i, jana halak na asing do pajongjongkon bagas di ginjang ni ojahan i. Angkon jolo tangkas do parrohahonon ni tukang i sanga songon dia bagas na giot pajongjongonnia i di ginjang ni ojahan i.

1 KORINTUS 4:15

Songon halak Kristen hamu, didok rohangku madung adong sampulu ribu halak gurumunu, tapi nada adong na gabe ama di hamu. Hum au do na gabe ama di hamu sude, harana Jamita Na Denggan taringot tu Kristus Jesus i do na huoban di hamu.

2 KORINTUS 10:12

Harana nada puluk hami patudoskon sanga mambaen dirinami sarupa dohot angka halak na mangetong dirina halak na godang. Na oto do halak na mambaen ukuranna sandiri jana na mangukur dirina sandiri mangihutkon ukuran i.

2 KORINTUS 10:18

Dibaen nada haposan dope na mamuji dirina, tapi na nipuji ni Tuhan i do.

2 KORINTUS 10:8

Nada pola ila rohangku muda jotjot pe hupaboa-boa kuaso na nilehen ni Tuhan di hami, harana na giot mambangun hamu do i umbaen na dilehen, nada na giot manyegohon.

2 KORINTUS 12:11

Satutuna, ma gabe songon halak na oto au hubaen, tapi hamu do mambaen au gabe songon i. Sapatutna angkon hamu do nian mamuji au. Angke haru songon jolma na so mararti pe au, nada bagi talu au maradopkon “angka rasulmunu” na luar biasa i!

2 KORINTUS 12:19

Betak na dipikir rohamunu do na laho mangabarahon dirinami sandiri hami maradopkon hamu sahonokna on. Di adopan ni Debata dohot Kristus hami dokkon ma: Sasudena i dikarejohon laho patoguhon haporsayaanmunu.

2 KORINTUS 2:17

Nada songon halak na asing anggo hami, na mambaen jamita na sian Debata i songon barang sigadison sajo. Polin do tujuannami, harana Debata do na marsuru hami markarejo. Jana diida Debata sandiri do hami songon naposo ni Kristus pasahat jamita i.

2 KORINTUS 5:12

Jadi dison nada na dipangido rohanami anso pujionmunu hami. Hum na mangalehen alasan na denggan do hami tu hamu anso godang rohamunu hara ni hami, anso diboto hamu sanga na bia laho mangalusi halak na sai pajolohon angka pangalaho na tarida sian balian hape nada pajolohon angka na adong di bagasan roha.