2 KORINTUS 2:12 - BIBEL JAMITA NA DENGGAN

¹² Dung lalu au di Troas, laho manjamitahon Jamita Na Denggan taringot tu Kristus i do nian maksudku. Madung tarbuka muse dalan dibaen Tuhan i di au laho markarejo di inganan i.

2 KORINTUS 2:12 ပူးပေါင်းရင်းမြစ်များ

BAENON NI ANGKA RASUL 14:27

Dung lalu halahi di Antiokia, dipalagut halahi ma angka dongan na di parlagutan i. Dibaritahon halahi ma sude na dung dibaen Debata markite-hite halahi. Laing dipaboa halahi ma sanga na bia dibaen Debata laho mangungkap dalan anso laing dohot halak na asing na so Jahudi mangkaporsayai Jesus.

BAENON NI ANGKA RASUL 16:11

Hami tadingkon ma Troas torus ma hami markapal tu Samotrake, ancogotna i tu Neapolis.

BAENON NI ANGKA RASUL 16:8

Jadi dipatorus halahi ma sian Misia lopus lalu tu Troas.

BAENON NI ANGKA RASUL 20:8

Di bilik na di ginjang i, i ma inganan parluhutannami, bahat do lampu disi.

SURAT NI SI PAULUS TU PARLAGUTAN ROM 1:1

Sian si Paulus, naposo ni Kristus Jesus, na dipio gabe rasul jana disuru laho mambaritahon Jamita Na Denggan na sian Debata.

1 KORINTUS 16:9

Topet do hatihana saonnari dison mambaen karejo na mararga, haru pe bahat muse halak na mangalo.

1 KORINTUS 9:12

Muda adong hak ni halak na asing manjagit sisongon i sian hamu, inda he umbahatan dope haknami ulang halahi? Tapi anggo au nada hupake dope hak na songon i. Gumonan dope hutaonkon sasudena timbang mambaen ambat-ambat laho pararatkon Jamita Na Denggan taringot tu Kristus i.

1 KORINTUS 9:14

Laing songon i muse do na dung diaturkon Tuhan, angkon dapotan balanjo do angka na manjamitahon Jamita Na Denggan i sian parjamitaonna i.

1 KORINTUS 9:16

Angke, sugari hum hara ni na manjamitahon Jamita Na Denggan na sian Debata i sajo do, nada tola au pagodang diri, harana karejongku do i. Marjaya do au muda nada hujamitahon Jamita Na Denggan i!

2 KORINTUS 10:14

Jadi, haru hami dapotkon pe hamu laho maroban Jamita Na Denggan taringot tu Kristus tu hamu, nada hami salpui dope batas ni karejonami disi, angke laing di bagasan batas i dope hamu.

2 KORINTUS 11:4

Harana sai jop do rohamunu manjagit sanga ise na ro mandapotkon hamu jana mangajarkon Jesus na asing – nada Jesus na hami ajarkon i tu hamu. Jana dijagiti hamu do “Tondi” dohot “Jamita Na Denggan” na tangkas sajo marasing sian Tondi Parbadia dohot sian Jamita Na Denggan na dung nijagitmunu sian hami.

2 KORINTUS 11:7

Na mardosa ma he au di na hupatutoru diringku laho patuginjangkon hamu, hara ni na hujamitahon Jamita Na Denggan na sian Debata di hamu songon sada silehen-lehen?

2 KORINTUS 4:3

Muda na laing so diastui dope Jamita Na Denggan na hami jamitahon i, hum angka jolma na giot tu hamagoan sajo noma na so mangastui i.

2 KORINTUS 4:4

Na nigupgupan ni Debata na mangarajai portibi on do roha ni halahi na so porsaya i. I do na manyundati halahi anso ulang dohot halahi marnida sinondang na sian Jamita Na Denggan i, i ma taringot tu hasangapan ni Kristus i na gabe songon gambaran ni Debata.

2 KORINTUS 8:18

Laing hami suru do rap dohot si Titus sahalak donganta na tarpuji di sude parlagutan i hara ni parkarejoanna manjamitahon Jamita Na Denggan i na sian Debata.

2 KORINTUS 9:13

Hara ni hadengganan na dipataridahonmunu, gabe bahat halak pasangapkon Debata, angke diida halahi ma antong burju ni rohamunu maradopkon Jamita Na Denggan i na patorangkon Jesus Kristus na niihutkonmunu i. Mardomu muse hara ni habasaonmunu laho mambagi-bagihon sanga aha na adongmunu tu halahi bope tu sude halak na asing.

KOLOSSE 4:3

Laing tangiangkon hamu ma hami anso dilehen Debata di hami hatiha na denggan laho pararatkon rahasia na sian Debata taringot tu Kristus i. Angke hara ni i do umbaen na pola tarhurung au saonnari.

1 TESSALONIKA 3:2

jadi hami suru ma si Timoteus donganta i. Dongan saparkarejoan di Debata do ia na markarejo manjamitahon Jamita Na Denggan taringot tu Kristus i. Hami suru do si Timoteus manopot hamu, anso dipatogu ia rohamunu jana disosoi ia anso mur togu haporsayaanmunu,