2 KORINTUS 13:9 - BIBEL JAMITA NA DENGGAN

⁹ Jop do rohanami muda gale hami, jana hamu margogo. Laing hami tangiangkon do anso gabe sanggam hamu nian.

2 KORINTUS 13:9 ပူးပေါင်းရင်းမြစ်များ

SURAT NI SI PAULUS TU PARLAGUTAN ROM 15:2

Gumonan do hita manjalahi hasonangan ni dongan, laho parayakkon hadenggananna jana paulihonsa.

1 KORINTUS 1:10

Hamu ale angka dongan! Mangasahon goar ni Tuhanta Jesus Kristus hupangido anso saroha hamu sudena di sude pangkataionmunu, anso ulang masa parbolat-bolatan di hamu. Angkon laing sada do hamu di pikiran dohot di angka haputusanmunu.

1 KORINTUS 2:3

Dompak rap au dohot hamu, gale jana humitir do au hara ni na mabiar.

1 KORINTUS 4:10

Gabe angka na oto do hami hara ni Kristus jana hamu angka na malo dibagasan Kristus! Hami angka na gale, hamu na gogo! Hami diincahi, anggo hamu dipapuji-puji!

2 KORINTUS 11:30

Muda angkon pagodang diri au, hara ni hagaleanku noma pagodang diri au.

2 KORINTUS 13:11

Ujungna hamu ale angka dongan! Sai marjop ni roha ma hamu jana margogo parayakkon na sanggam. Jagit hamu ma sude sipaingotki. Sai saroha ma hamu jana mardame-dame. Donganan ni Debata parholong jana pardame i ma hamu.

2 KORINTUS 13:4

Nian anggo dompak na niparsilangkon i Ia, gale do Ia tutu, hape anggo saonnari mangolu do Ia hara ni kuaso ni Debata. Hami pe gale do di bagasan Ia, tapi angkon mangolu do hami rap dohot Ia salaho tu hamu hara ni kuaso ni Debata.

2 KORINTUS 4:12

Jadi sian i, anggo hamatean i hape laing na manggogo do mambaen dalanna di bagasan dirinami, hape anggo di hamu hangoluan do na manggogo.

2 KORINTUS 7:1

Antong hamu ale dongan na nihaholongan! Tu hita do dibaen angka janji i sudena. Tapaias ma dirinta sian sasude na pahodarkon pamatang dohot rohanta. Tahabiari ma Debata, anso sanggam tarbaen hita mangolu mamunjung tu Debata.

KOLOSSE 1:28

Kristus do na hami jamitahon tu ganop halak. Hami paingot do halahi sudena jana hami ajari mardongan sudena hamaloan na adong di hami. Anggo tujuannami, anso sude do jolma taroban tu Debata songon halak na dung impas godang di angka pangalaho partondion, hara ni na dung mardomu dohot Kristus.

KOLOSSE 4:12

Tabe ni si Epafras di hamu. Laing sian hamu on do asalnia. Naposo ni Jesus Kristus do ia, na sai manangiangkon hamu. Marsitutu do ia mangido tu Debata anso margogo hamu nian jana anso tongtong togu; boti muse anso laing mardongan pos ni roha na togu hamu mangoloi hagiot ni Debata.

1 TESSALONIKA 3:10

Arian na borngin hami pangidohon do sian sude rohanami, anso tarbaen hami nian marsuo bohi dohot hamu laho manggohi sanga aha na hurang di haporsayaanmunu.

2 TIMOTEUS 3:17

Mardongan Buku Na Badia i dipasingkop do sadenggan-dengganna sanga ise na mangoloi Debata di sude ragam ni parkarejoan na denggan.

IBRANI 12:23

Sada parsuoan godang do na niadopanmunu – parsuoan ni angka anak siangkaan ni Debata na dung disuratkon goarna di banua ginjang. Debata do na niadopanmunu, Panguhum ni sude jolma manusia. Adopanmunu do angka tondi ni halak na burju na dung dipasanggam.

IBRANI 13:21

Sai dipasingkop Debata mual ni hasonangan i ma hamu di sasude na denggan i na porlu di hamu laho patuluskon hagiot ni rohaNia. Sai dibaen Debata ma di hita sanga aha giot ni rohaNia markite-hite Jesus Kristus. Tarpuji ma Jesus salolot-lolotna! Amen.

IBRANI 6:1

Hara ni i, tapadiar ma jolo ojahan na parjolo sian ajaran taringot tu Kristus, jana taparayak ma hasanggapan i. Ulang be taulahi mambaen ojahan taringot tu hamubaan ni roha sian pambaenan na so hasaya, jana ojahan haporsayaan tu Debata,

1 PETRUS 5:10

Tapi dung ditaon hamu santongkin parkancitan i, Debata sandiri noma mambaen hamu gabe sanggam. PajongjongonNia ma hamu jana patoguonNia dohot parjugukmunu pe pahotonNia muse ma. Angke Debata parroha na sun denggan do Ia, na mamiohon hamu anso dohot mangkilala hasangapanNia na manongtong i markite-hite Kristus.