2 KORINTUS 13:5 - BIBEL JAMITA NA DENGGAN

⁵ Uji hamu ma dirimunu sanga na togu do haporsayaanmunu! Tangkasi hamu ma dirimunu sanga na so porsaya hamu di dirimunu paboa na tutu do Jesus Kristus maringanan di bagasan hamu! Harana muda nada songon i nada tahan hamu niuji.

2 KORINTUS 13:5 ပူးပေါင်းရင်းမြစ်များ

MASMUR 119:59

Madung hutimbangi pangalahongku, jana marjanji giot oloanku paraturanMu.

MASMUR 17:3

Ditanda Ho do rohangku; muda borngin ro do Ho pamanatkon au; hape anggo hata dohot hagiot na jat, nada dapot Ho sian au.

MASMUR 26:2

Sihiri ma au, ale Tuhan, uji ma au, pareso ma lungun dohot pikiranku.

JEREMIA 6:30

Goaron noma halahi perak na so hasaya angke Au Tuhan, madung manulakkon halahi.

ANDUNG 3:40

Denggan ma da hita tangkasi ngolunta jolo, jana mulak ma hita tu Tuhan Debatanta.

JEHESKIEL 18:28

Madung diboto ia torang sude pangalahonia lalu mantak ia mambaen dosa. Jadi di na songon i nada mate be ia, tapi tongtong noma mangolu.

HAGAI 1:5

Hara ni i ninna Tuhan Na Markuaso i ma, “Pamanat hamu ma dirimunu.”

HAGAI 1:7

Songon on ma hata ni Tuhan Na Markuaso, “Pamanat hamu ma dirimunu!”

JOHANNES 14:23

Ninna Jesus ma mangalusi, “Sanga ise na mangkaholongi Au, ihutkononna do angka pangajaranKu. Haholongan ni Damang ma Ia. Ro ma Damang dohot Au sandiri mandapotkon ia jana maringanan ma Hami rap dohot ia.

JOHANNES 15:4

Tinggal ma hamu di bagasan Au, jana Au di bagasan hamu. Anggo ranting, nada tarbaen marbatu sian dirina, anggo so tinggal di bona ni anggur i. Laing songon i do muse hamu muda so tinggal di bagasan Au.

JOHANNES 17:23

sada Au dohot halahi jana sada Damang dohot Au; anso sada situtu halahi jana hara ni i botoon ni portibi on ma Damang do marsuru Au jana dihaholongi Damang do halahi songon panghaholongi ni Damang tu Au.

JOHANNES 17:26

Madung Hupabotohon Damang tu halahi; jana sai pupuonKu do mambaen songon i, anso laing dihilala halahi muse holong ni roha ni Damang tu Au jana Au pe sada ma dohot halahi.”

JOHANNES 6:56

Halak na mangankon pamatangKu jana na manginum mudarKu, ngolu ni halahi ma na sada tu Au jana ngolungKu pe sada tu halahi.

JOHANNES 6:6

Didok Jesus pe songon i laho mancubo roha ni si Pilipus do Ia; harana anggo Jesus sandiri diboto Ia hian do sanga aha na giot baenonNia.)

SURAT NI SI PAULUS TU PARLAGUTAN ROM 1:28

Jadi hara ni na so diporluhon halahi laho mananda Debata, laing songon i ma dipasahat Debata halahi tu parrohaon na so hasaya, mambaen na so tupa.

SURAT NI SI PAULUS TU PARLAGUTAN ROM 8:10

Tapi muda dung nipatigor hamu jana mangolu Kristus di bagasan dirimunu, jadi Tondi i ma gabe hangoluanmunu, haru pe angkon mate pamatangmunu hara ni dosa.

1 KORINTUS 11:28

Jadi angkon marsipareso dirina ma jolo, dung i pe anso tola ia mangan roti dohot minum anggur i.

1 KORINTUS 11:31

Tapi muda jolo tapareso dirinta, nada pola uhumon ni Debata hita.

1 KORINTUS 3:16

Diboto hamu dehe, na Bagas Ni Debata do hamu? Songon i muse na maringanan do Tondi Ni Debata di hamu?

1 KORINTUS 6:15

Diboto hamu do, anggo pamatangmunu i anggota ni pamatang ni Kristus do i. Antong, tola ma he buatonku sada anggota ni pamatang ni Kristus i, gabe hubaen anggota ni pamatang ni panggampang? Nada songon i!

1 KORINTUS 6:19

Sanga nada he diboto hamu, pamatangmunu do inganan ni Tondi Parbadia i? Sian Debata do pamatangmunu, jana nada hamu nampuna dirimunu.

1 KORINTUS 6:2

Adong he na so diboto hamu do angkon uhuman ni angka halak na badia do portibi on? Jadi anggo uhumanmunu do portibi on, na so tarsalosehon hamu be angka parkaro na songon i menekna?

1 KORINTUS 9:24

Tontu sude do hamu mamboto, anggo di na marsiadu hipas marlojong, sude do halak na dohot i marlojong, hape hum sahalak do anggo na manjagit upa. Antong sahipas-hipasna ma lojongi hamu anso dapot hamu upa i.

1 KORINTUS 9:27

Hupadiar do pamatangki dilatik sagogona lopus tarrajai au sudena i. Hubaen pe songon i, anso ulang sanga do tarderet au, dung husosoi halak na asing dohot di parlumbaan i.

2 KORINTUS 6:16

Aha ma he pardomuan ni Bagas Ni Debata dohot bagas ni gana-ganaan? Bagas Ni Debata na mangolu i do hita on, Debata sandiri pe didok Ia do, “Maringanan ma Au di tonga-tonga ni halahi, jana mangolu rap dohot halahi. Au ma gabe Debata ni halahi, jana gabe bangsongKu ma halahi.

GALATIA 2:20

Anggo na mangolu saonnari on, nada au be i, tapi Kristus noma na mangolu di bagasan diringku. Anggo ngolu ni pamatangkon saonnari, na mangolu sian na mangkaporsayai Anak Ni Debata na manghaholongi au noma i, jana na mangalehen diriNa manghopkop au.

GALATIA 4:19

Angka dakdanakku na huhaholongi! Saonnari mangulahi do au markancit hara ni hamu. Songon sada ina na manaon na hancit di na laho manubuhon dakdanakna do huhilala saonnari. Angkon laing i do hilalaonku salolot so marrupa dope angka bako ni Kristus di bagasan dirimunu.

GALATIA 6:4

Marsipareso pangalahona be ma ganop halak sanga na ture do sanga nada. Baru pe anso tola ia marmoga-moga di bagasan rohania hara ni angka pangalaho na denggan na nibaennia i. Indangkon pola sai dipatudos-tudos tu pambaenan ni halak na asing.

EPESUS 3:17

Hara ni na porsaya i hamu tu Kristus, sai maringanan ma nian Kristus di bagasan rohamunu, jana mur togu ma ngolumunu hara ni holong ni roha na dung marurat di bagasan hamu.

KOLOSSE 1:23

Hara ni i angkon ojak jana togu do hamu di bagasan haporsayaan i, jana nada ra be hamu nipaorot sian arop ni roha ni Jamita Na Denggan na dung binegemunu. Madung dijamitahon jamita i tu sude na nitompa di tano on, jana na dung gabe naposo ni i do au si Paulus.

KOLOSSE 1:27

Anggo tu bangsoNia i ra do Debata paboahon sanga na bia dengganna dohot godangna rahasiaNia i di sudena jolma manusia. On do rahasia i: Di bagasan dirimunu do Kristus, jadi gabe dohot ma hamu maruli di hagodangan ni Debata.

KOLOSSE 2:19

jana nada ditiop ia Ulu i, pangkal ni pamatang i, na niihotan markite-hite angka urat dohot doldol gabe sada, na tubu markite-hite hangoluan na nilehen ni Debata.

KOLOSSE 2:7

jana marurat tuSia ma hamu. Pajongjong hamu ma ngolumunu jana Kristus ma baen hamu ojahanna. Sugari mur margogo ma nian haporsayaanmunu hombar tu na dung diajarkon tu hamu. Jana sai mur marsigorgor ma rohamunu mandok tarimakasi.

1 TIMOTEUS 2:15

Haru songon i pe, paluaon do angka dadaboru hara ni na manubuhon angka dakdanak, asal ma tongtong porsaya, tongtong marholong ni roha jana habadiaan mardongan hapantunon.

2 TIMOTEUS 3:8

Songon si Janes dohot si Jambres na mangalo si Musa najolo, laing songon i ma jolma sisongon i mangalo pangajaran na sian Debata. Masego pikiran ni halahi jana nada porsaya be halahi tu pangajaran na sintong.

TITUS 1:13

Tutu do hasaksian on. Hara ni i ma umbaen na angkon paingotonmu halahi, anso sai porsaya halahi di bagasan dalan na tigor;

TITUS 1:16

Pandok ni halahi, ditanda halahi do Debata, hape anggo sian parange ni halahi nada tarida na songon i. Jahat do roha ni halahi jana nada marpangoloion. Sada pe nada adong tarpatupa halahi na denggan.

TITUS 2:2

Paingot ma angka ama na tumobang anso marroha jana malo mangorom dirina; anso denggan dihaporsayai halahi Debata, denggan marsihaholongan jana sobar di sitaonon jana benget.

IBRANI 12:15

Jagohon hamu ma anso ulang adong sanga ise na morot sian asi ni roha ni Debata; anso ulang adong na gabe duri dohot sihupi di tonga-tongamunu na parohon hasusaan jana na mambaen sego halak na bahat.

IBRANI 4:1

Antong, laing adong dope janji ni Debata na giot lehenonNia dope di hita i ma paradianan. Jadi jago ma hita anso ulang jabat adong sahalak pe sian hamu na so tola masuk tu paradianan na nijanjihonNa i.

IBRANI 6:8

Tapi anggo angka duri dohot angka duhut do na tubu sian tano i, nada adong guna ni tano sisongon i, jana buraan ma i muse jana ujungna nitutungan lopus abis.

JAKOBUS 4:4

Angka jolma na so tigor do hamu! Diboto hamu dehe, muda mardongan hamu dohot portibi on na gabe musu ni Debata do hamu?

1 PETRUS 5:9

Alo hamu ma i, jana ulang ma ganggu haporsayaanmunu tu Kristus i, harana diboto hamunu do, angka donganmunu pe di portibi on na rap sahaporsayaan tu Kristus i, laing manaon parkancitan do songon hamu.

HALUMBAAN 2:5

Hara ni i, ingot hamu ma sanga na dung sadia dao hamu madabu. Pauba hamu ma rohamunu, dung i ulahi hamu ma patuluskon pambaenanmunu na di mulana i. Anggo inda, ro ma Au jana umpatonKu ma parlampuanmunu i sian jongjonganna i – muda nada muba rohamunu.