2 KORINTUS 12:4 - BIBEL JAMITA NA DENGGAN

⁴ Huboto do basa dipatuginjang ia lopus tu Pirdaus, jana dibege ia ma hata na so tarpajojor, na so tola hatahonon ni jolma.

2 KORINTUS 12:4 ပူးပေါင်းရင်းမြစ်များ

LUKAS 23:43

Gabe didokkon Jesus ma tusia, “Tutu do na Hudok on tu ho, sadari on rap ma ho dohot Au di Pirdaus.”

HALUMBAAN 2:7

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangankon parbatu ni hayu hangoluan, na di Pirdaus.”

JEHESKIEL 31:9

Au do mambaen ia songon i jogina dohot angka dangkana na ginjang i boti rumbunna. Sandok hayu na adong di kobun ni Debata mangiburu do rohana tusia.

JEHESKIEL 8:3

Disurduhon Ia ma na tudos dohot tangan, jana dijingjing Ia ma obukku. Dung i di bagasan parnidaan i, diangkat Tondi i ma au tu holang-holang ni tano dohot langit jana dioban ma au tu Bagas Ni Tuhan na di Jerusalem, tu pintu masuk sabola Utara. Disi adong do patung ni gana-ganaan na dung pagurgur muruk ni Debata.

BAENON NI ANGKA RASUL 8:39

Dung ruar halahi sian aek i, dibuat Tondi Ni Tuhan ma si Pilipus sian i. Nada diida parpangkat na sian Etiopia i be ia. Tapi marjop ni roha ma ia mandalani sidalanannia.

1 KORINTUS 13:1

Sugari tarbaen iba mangkobari di angka hata ni jolma, dohot di hata ni surusuruan, hape inda nihaholongan angka dongan na asing, tudos ma iba songon doal na maruolol sanga songon canang na mangkuling-kuling.

2 KORINTUS 12:2

Hutanda do sada halak Kristen na niangkat tu banua ginjang tingkat patoluhon, opat bolas taon na salpu. (Nada huboto tangkasna sanga na tutu pamatangna i diangkat, sanga na hum parnidaan sajo i – Debata ma na umbotosa.)

1 TESSALONIKA 4:17

Dung i anggo hita na mangolu dope di hatiha i, rap diangkat ma hita dohot halahi tu bagasan ombun lopus marsuo dohot Jesus di awang-awang i. Jadi rap noma hita tongtong dohot Tuhan i salolot-lolotna.

HALUMBAAN 12:5

Dung i di sorangkon ia ma sada Dakdanak halaklahi, i ma na giot mamarenta angka bangso sudena dohot tungkot bosi. Tapi dirampas ma Dakdanak i sian anak boru i, dioban ma tu Debata dohot tu jolo ni habangsaNa.