2 KORINTUS 12:2 - BIBEL JAMITA NA DENGGAN

² Hutanda do sada halak Kristen na niangkat tu banua ginjang tingkat patoluhon, opat bolas taon na salpu. (Nada huboto tangkasna sanga na tutu pamatangna i diangkat, sanga na hum parnidaan sajo i – Debata ma na umbotosa.)

2 KORINTUS 12:2 ပူးပေါင်းရင်းမြစ်များ

1 RAJA-RAJA 18:12

Muda kehe au sian on, mungkin do obanon ni Tondi Ni Tuhan amang tu inganan na so huboto! Jana muda hupaboa tu si Ahab na dison amang, hape nada marsuo ia tu amang, tontu bunuonnia ma au, haru pe na marsitutu au na maribadat i tu Tuhan sian na menek.

1 RAJA-RAJA 8:27

“Tapi ale Debata, tarbaen Ho ma he tinggal di tano on? Haru sude langit i, hurang bidang dope gabe ingananMu, mur ma bagas na hupauli on!

2 RAJA-RAJA 2:16

jana didok halahi ma, “Lima pulu halak hami on, sude do na gogo-gogo. Hara ni i, beta ma tajalahi si Elia tuanmi. Betak na nioban ni Tondi Ni Tuhan do ia tu dolok sanga tu rura, gabe ditadingkon ia disi.” “Indangkon pola!” ning si Elisa mangalusi.

MASMUR 148:4

Puji ma Ia, ale langit na pargincat puji ma Ia, ale aek na di ginjang ni langit!

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JEHESKIEL 11:24

Di bagasan parnidaan i, diangkat Tondi Ni Debata ma au jana dipaulak tu angka jolma buangan na di Babel. Dung i mago ma parnidaan i.

JEHESKIEL 43:5

Diangkat Tondi Ni Tuhan i ma au jana dioban tu alaman parbagasan i; huida ma disi Bagas Na Badia digohi sinondang ni haroro ni Tuhan i.

LUKAS 24:51

Jadi taran na mamasumasu Ia tu halahi, marsirang ma Ia sian halahi, manaek ma Ia tu banua ginjang.

JOHANNES 6:56

Halak na mangankon pamatangKu jana na manginum mudarKu, ngolu ni halahi ma na sada tu Au jana ngolungKu pe sada tu halahi.

BAENON NI ANGKA RASUL 14:6

Diboto rasul na dua i do pangalaho i, gabe martabuni ma halahi tu Listra dohot tu Derbe, i ma kota na di Luat Likaonia, dohot tu luat na humaliang i.

BAENON NI ANGKA RASUL 22:17

“Jadi mulak ma au tu Jerusalem, jana di hatiha martangiang au di Bagas Ni Debata, digohi kuaso ni Debata ma au.

SURAT NI SI PAULUS TU PARLAGUTAN ROM 16:10

Tabe tu si Apelles, na polin di bagasan Kristus i. Tabengku muse tu dongan sabagas ni si Aristobulus,

SURAT NI SI PAULUS TU PARLAGUTAN ROM 16:3

Palalu hamu ma tabengku tu si Priskila dohot si Akuila, i ma angka donganku saparkarejoan di bagasan Kristus Jesus.

SURAT NI SI PAULUS TU PARLAGUTAN ROM 16:7

Laing pasahat hamu ma tabengku tu si Andronikus dohot tu si Junias. Dongan samargangku do halahi na dua jana unjung do halahi rap tarhurung dohot au. Dompak so porsaya dope au tu Kristus, madung parjolo halahi porsaya. Tarbonggal do halahi di tonga-tonga ni angka rasul.

SURAT NI SI PAULUS TU PARLAGUTAN ROM 16:9

Paboa hamu ma tabengku tu si Urbanus, donganta saparkarejoan na rap dohot hita di bagasan Kristus i. Dohot tu si Stakus na huhaholongi i.

SURAT NI SI PAULUS TU PARLAGUTAN ROM 8:1

Saonnari nada adong be siuhumon di halak na mangolu di bagasan Kristus Jesus.

1 KORINTUS 1:30

Hara ni na nibaen ni Debata sandiri do umbaen na gabe mardomu hamu dohot Kristus Jesus. Na nilehen ni Debata do Kristus tu hita, anso marguru tu Kristus hamaloanta. Angke Kristus do na padenggankon hita mangulahi dohot Debata. Laing Kristus do na papitahon hita anso gabe bangso na polin hita di Debata. Kristus muse do na paluahon hita.

2 KORINTUS 11:11

Biasi hudok songon i? Adong he ulaning na so holong rohangku mida hamu? Debata ma na umboto holong ni rohangku!

2 KORINTUS 13:5

Uji hamu ma dirimunu sanga na togu do haporsayaanmunu! Tangkasi hamu ma dirimunu sanga na so porsaya hamu di dirimunu paboa na tutu do Jesus Kristus maringanan di bagasan hamu! Harana muda nada songon i nada tahan hamu niuji.

2 KORINTUS 5:17

Sanga ise na dung marsada dohot Kristus, madung gabe na nitompa na imbaru. Madung salpu na honok i – madung gabe imbaru sasudena.

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.

GALATIA 1:22

Lopus tu hatiha i, anggo angka parlagutan ni halak Kristen na di Judea do, nada tangkas dope ditanda halahi au.

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

EPESUS 4:10

Jana na mijur i, laing Ia muse do na manaek lopus tu inganan na dao gumincat sian langit ni langit an, jabat gabe gok sasudena langit dohot tano on hara ni haroroNia.

PANGARATAION 10:14

Tuhan Debatamunu do nampuna langit na partimbo, tano on pe Ia do nampunasa, maradu sude na adong di ginjangna.

1 TESSALONIKA 4:17

Dung i anggo hita na mangolu dope di hatiha i, rap diangkat ma hita dohot halahi tu bagasan ombun lopus marsuo dohot Jesus di awang-awang i. Jadi rap noma hita tongtong dohot Tuhan i salolot-lolotna.

IBRANI 4:14

Hara ni i do dibaen na angkon togu tioponta haporsayaanta i. Angke adong do Malim Godang na sangap di hita, na dung masuk lalu tu jolo ni Debata – i ma Jesus Anak Ni Debata.

IBRANI 9:24

Harana anggo Bilik Na Sun Badia na nipature ni jolma i hum na manggambarkon Inganan Na Badia na satutuna i do i. Banua Ginjang i do na nimasuhan ni Kristus; disi ma Ia saonnari mangadop tu Debata laho manyarihon hita.

HALUMBAAN 1:10

Di ari ni Tuhan i, digohi Tondi Parbadia do au, dung i hubege ma sada sora na gogo – songon sora ni sarune – mandok hata sian pudingku.

HALUMBAAN 12:5

Dung i di sorangkon ia ma sada Dakdanak halaklahi, i ma na giot mamarenta angka bangso sudena dohot tungkot bosi. Tapi dirampas ma Dakdanak i sian anak boru i, dioban ma tu Debata dohot tu jolo ni habangsaNa.

HALUMBAAN 4:2

Manigor digohi Tondi Parbadia ma au. Huida ma di banua ginjang i sada habangsa. Adong do halak na juguk di habangsa i.